সেন্ত্রেল বোর্দ ওফ দাইরেক্ত তেক্সেস (সি.বি.দি.তি.) অমসুং সেন্ত্রেল বোর্দ ওফ ইন্দাইরেক্ত তেক্সেস এন্দ কস্তমস (সি.বি.আই.সি.)গী মরক্তা ওর্গনাইজেসন অনিগী মরক্তা দেতা এক্সচেঞ্জ তৌনবগী ঙসি মেমোরেন্দম ওফ অন্দর্স্তেন্দিং (এম.ও.য়ু.) অমা খুৎয়েক পীনখ্রে। ওর্গনাইজেসন অনিমক্তগী মকোক থোংবা ওফিসরশিংগী মমাংদা এম.ও.য়ু. অসি সি.বি.দি.তি.গী চ্যেরমেন ওইরিবা শ্রী প্রমোদ চন্দ্রা মোদী অমসুং সি.বি.আই.সি.গী চ্যেরমেন ওইরিবা শ্রী এম. অজিৎ কুমারনা খুৎয়েক পীনখি।

ইং ২০১৫দা হান্নগী সেন্ত্রেল বোর্দ ওফ এক্সাইস এন্দ কস্তমস (সি.বি.ই.সি.)গা সি.ব.দি.তি.গী মরক্তা খুৎয়েক পীনখিবা এম.ও.য়ু. অদু মসিগী এম.ও.য়ু. অসিনা মহুৎ শিল্লগনি। জি.এস.তি. চৎনহনবা, জি.এস.তি.এন. হাপচিনবা অমসুং সেন্ত্রেল বোর্দ ওফ এক্সাইস এন্দ কস্তমস (সি.বি.ই.সি.)দগী সেন্ত্রেল বোর্দ ওফ ইন্দাইরেক্ত তেক্সেস এন্দ কস্তমস (সি.বি.আই.সি.)দা মমিং ওনবা য়াওনা মমাংগী এম.ও.য়ু. অসি ২০১৫আ খুৎয়েক পীনখিবদগী শীংথানিংঙাই ওইবা দিবেলপমেন্তশিং উবা ফংখি। ঙসি নৌনা খুৎয়েল পীনখ্রিবা এম.ও.য়ু. অসিদা তেক্নোলোজীদা চাউখৎলকপা য়াওনা অহোংবা খরা হাপচিনখি।

এম.ও.য়ু. অসিনা সি.বি.দি.তি.দা অমসুং সি.বি.আই.সি.গী মরক্তা ওতোমেতিক ওইবা অমসুং চাং নাইনা দেতা অমসুং ই-পাও পীনবদা মতেং ওইরগনি। চাং নাইনা দেতা একচেঞ্জ তৌবগী মথক্তা, সি.বি.দি.তি. অমসুং সি.বি.আই.সি.গী মরক্তসু হায়নরগা মথৌ তাবগী মতুং ইন্না মখোয়গী দেতাবেজতা য়াওবা ই-পাও অমা হেক্তা অতোপ্পা ওর্গনাইজেসন অমদা কান্নগদবা ওইরবদি পীথোক পীশিন তৌনগনি।

এম.ও.য়ু.অসি খুৎয়েক পীনখিবা নুমিৎ অসিদগী চৎনবা হৌগনি অমসুং মখল কয়াগী হান্ননা লৈরবা মেকানিজমশিংগী খুত্থাংদা চুংশিন্নদুনা লৈরবা সি.বি.দি.তি. অমসুং সি.বি.আই.ই.গী হৌজিক চত্থরিবা খোঙথাং অমনি। খোঙথাং অসিগীদমক দেতা একচেঞ্জ স্তীরিং গ্রুপ অমসু শেমখ্রে মসিনা মতম মতমগী ওইনা দেতা একচেঞ্জকী স্তেতস য়েংশিনগনি অমসুং দেতা পীথোক পীশিন তৌরিবগী মওং অসি হেন্না মপুং ফানবা মখা তাবা খোঙথাংশিংসু লৌখৎকনি।

এম.ও.য়ু. অসিনা সি.বি.দি.তি. অমসুং সি.বি.আই.সি. অনিগী মরক্তা মতেং পাংনবা অমসুং ৱাখল চুংশিন্নবগী অনৌবা মায়োল অমদা পুনবগী অহৌবা ওইরগনি।

*******