হ্যুমেন রিসোর্স চাউখৎ-থৌরাংগী মন্ত্রালয়

ঐচ.আর.দি. মন্ত্রালয়গী মহৈরোয়শিং মখোয়গী ৱাখল অমসুং হকচাংগী ফিভম ফনা লৈবদা মতেং পাংনবা খোঙথাং ওইরিবা মনোদরপন কেন্দ্রগী ঐচ.আর.দি. মন্ত্রীনা হৌদোকখ্রে

মনোদরপন অসি প্রধান মন্ত্রীগী অত্মানির্ভর ভারতগী খোঙথাং শরুক অমনি: শ্রী রামেশ পোখ্রিয়ল নিশঙ্ক

কেন্দ্রগী ঐচ.আর.দি. মন্ত্রীনা নেস্নেল তোল-ফ্রী হেল্পলাইন অমা, অখন্নবা মনোদরপনগী ৱরব পেজ অমা অমসুং মনোদরপনগী খোঙথাং অসিগী শরুক অমা ওইনা হেন্দবুক অমা হৌদোকখ্রে

Posted On: 21 JUL 2020 3:15PM by PIB Imphal

কেন্দ্রগী ঐচ.আর.দি. মন্ত্রীনা শ্রী রামেশ পোখ্রিয়ল নিশঙ্কনা  ঐচ.আর.দি. মন্ত্রালয়গী মহৈরোয়শিং মখোয়গী ৱাখল অমসুং হকচাংগী ফিভম ফনা লৈবদা মতেং পাংনবা খোঙথাং ওইরিবা মনোদরপন ঙসি ন্যু দিল্লীদা হৌদোকখ্রে। ঐচ.আর.দি.গী মিনিস্তর ওফ স্তেৎ শ্রী সঞ্জে ধোত্রেসু থৌরম অসি শরুক য়াখি। হায়র এদুকেসন বিভাগকী সেক্রেতরী, শ্রী অমিৎ খারে; স্কুল এদুকেসন অমসুং লিতরেসীগী সেক্রেতরী শ্রীমতি অনিতা কারৱাল অমসুং মন্ত্রালয় অসিগী মকোক থোংবা ওফিসিএলশিংনা থৌরম অসিদা য়াওখি। থৌরম অসিদা শ্রীমতি অনিতা কারৱালনা খোঙথাং অসিগী মতাংদা প্রজেন্তেসন অমা পীখি।

মনোদরপনগী খোঙথাং অসিগী শরুক অমা ওইনা শ্রী রামেশ পোখ্রিয়ল নিশঙ্কনা নেস্নেল তোল-ফ্রী হেল্পলাইন (৮৪৪৮৪৪০৬৩২) অমা, ঐচ.আর.দি. মন্ত্রালয়গী পোর্তেলদা অখন্নবা মনোদরপনগী ৱেব পেজ অমা হৌদোকখি অমসুং মনোদরপনগী হেন্দবুক অমা ফোঙখ্রে।

 

http://pibcms.nic.in/WriteReadData/userfiles/image/image001EJ9A.jpg

http://pibcms.nic.in/WriteReadData/userfiles/image/image002MN2T.jpg

থৌরম অসিদা ৱা ঙাংলদুনা শ্রী রামেশ পোখ্রিয়ল নিশঙ্কনা হায় কোবিদ-১৯ অসি মালেম পুম্বদা লৈরিবা মীওই খুদিংমক্কী ওইনা অৱাবা মতম অমা ওইরি। মালেম পুম্বদা থোক্লিবা লায়চৎ অসিনা হকশেলগী ওইবা খুদিংচাদবা খক নত্তনা মসিনা মীপুম খুদিংদা খোয়রাং খোইশাওনবা অমসুং ৱাখল অমদি খুন্নাইদা খুদোংচাদবা থোকহল্লি। অঙাংশিং অমসুং ইনখৎলক্লিবশিংদা অখন্নবা মীৎয়েং চংবগা লোয়ননা ফীভম অসিদা ৱাখলগী ওইবা অনাবা থোক্লকপগী রিপোর্ত কয়া লাক্লি। ৱাখল ৱাবা, খোয়রাংবা অমসুং অকি তুজুংবা লোয়ননা পুক্নিং ৱাখল অমদি লমচৎ শাকৎকী ওইবা সমস্যাশিং হেনগৎলকপা য়াবগা লোয়ননা অঙাংশিং অমসুং ইনখৎলক্লিবশিংনা হেন্না খুদোংথিনিংঙাই ওইরি।

শ্রী পোখ্রিয়লনা হায় ঐচ.আর.দি. মন্ত্রালয়না মহৈ মশিং তম্বা অসি মরু ওইনা লৌরবসু অমরোমদা মহৈরোয়গী ৱাখল নুংঙাইনা থম্বা অসিসু চপ মান্ননা মরু ওইনা লৌবা মথৌ তাই হায়না লৌই। মরম অসিনা মন্ত্রালয়না অসিনা খোঙথাং অমা লৌখৎলি মমিং ওইনা পল্লবদা মনোদরপন অসিনি, মসিনা কোবিদকী লায়চৎ মনুংদা অমসুং মতুং তারকপদা মহৈরোয়শিংগী মখোয়গী ৱাখল অমসুং হকচাং ফনা থম্বদা মতেং পাংনবা থবক থৌরম কয়া য়াওরি। মহাক্না মখা তারদুনা হায়, মহৈ মশিং, পুক্নিং ৱাখলগী ওইবা অনাবগী লমশিং অসিগী এক্সপর্তশিংনা মীহুৎশিং ওইবা ৱার্কিং গ্রুপ অমা শেমখি মসিনা কাউন্সিলিং সর্ভিসশিং, ওনলাইন রিসোর্সশিং অমসুং হেল্পলাইনগী খুত্থাংদা কোবিদ-১৯গী লোকদাউন মনুংদা অমসুং মতুংদা মহৈরোয়শিংগী ৱাখলগী ওইবা অনাবশিং য়েংশিন্নবা অমসুং পুক্নিং ৱাখলগী অমদি হীরম অসিগী তেংবাং পীনবা শেমখিবনি।

মন্ত্রীনা হায় প্রধান মন্ত্রী শ্রী নরেন্দ্র মোদীনা হৌদোকখিবা অত্মানির্ভর ভারত অভিয়ানদা হ্যুমেন কেপিতেল ফগৎনবা অমসুং এদুকেসন সেক্তরদা অফবা অওনবা অমসুং খোঙথাংশিং লৌখৎনবগী শরুক অমা ওইনা মসিদা মনোদরপন অসি য়াওহনখি।

মহাক্না মখা তারদুনা হায়খি, কোবিদকী লায়চৎ মনুংদা অমসুং মতুংদা ৱাখল অমসুং হকচাং ফনা থম্নবা তেংবাংনবা - মনোদরপন হায়না কৌবা ৱেব-পেজ অমা হ্যুমেন রিসোর্স দিবেলপমেন্ত মন্ত্রালয়গী ৱেব-সাইৎ অসিদা শেমখি। ৱেব-পেজ অসিদা পাওতাকশিং, তৌগদবশিং, পোস্তরশিং, পোদকেস্তশিং, ভিদিওশিং, ৱাখলগী ওইবা মতেং পীবদা তৌগদবা অমসুং তৌরোইদবশিং, তোয়না হংবা ৱাহংশিং অমসুং ওনলাইন ক্বেরী সিস্তেম য়াওরি। নেস্নেল তোল-ফ্রী হেল্পলাইন (৮৪৪৮৪৪০৬৩২) হাংদোকখ্রে। তোপ তোপ্পা হেল্পলাইন অসি খঙহৈরবা কাউন্সিলরশিং/সাইকোলোজিস্তশিং অমসুং অতোপ্পা ৱাখলগী অনাবগী লমদা লৈবশিংনা চল্লাইগনি অমসুং কোবিদ-১৯ লোয়খ্রবা মতুংদসু হাংখিগনি। হেল্পলাইন অসিগী খুত্থাংদা মহৈরোয়শিংদা মখোয়গী পুম্নিং ৱাখলগী সমস্যাশিং কোকহন্নবা তেলি-কাউন্সিলিং  তৌরগনি।

শরুক য়ারিবশিংদা ৱা ঙাংলদুনা শ্রী ধোত্রেনা হায় লায়চৎ অসিনা অঙাংশিং লোয়ননা  অহলশিংদা পুক্নিং ৱাখলদা অকায়বা থোকহল্লি। অসিগুম্বা ফীভমদা ঐখোয়না ইন্সতিত্যুস্নেলগী ওইবা মতেং পীনবা শিনগদবনি। মহাক্না হায় খুন্নাই অমা অমসুং মসিদা য়াওরিবা মীপুম খুদিংমক চাউখৎপা পুরক্নবা অমসুং হকচাং ফনা লৈবগা ৱাখলগা মরী লৈন্নৈ। মরম অসিনা অসিগুম্বা ফীভমদা মীওই অমগী হকচাং ফনা অমসুং মথৌ ফজনা তৌবা তঙাই ফদে, ঐখোয়না অফবা অমনা অমগী মতেং পাংদুনা হিংলিবা খুন্নাই অমগীদমক হোৎনবা তাই। মহাক্না হায়, হ্যুমেন কেপিতেল ফগৎনবা অমসুং এদুকেসন সেক্তরদা অফবা অওনবা অমসুং খোঙথাংশিং লৌখৎনবগী শরুক অমা ওইনা অত্মানির্ভর ভারত অভিয়ানদা মনোদরপনগী খোঙথাং অসি য়াওহনবনি।

মহাক্না মখা তারদুনা হায়, মনোদরপনগী খুত্থাংদা রিসোর্সশিং মোবিলাইজ তৌদুনা মহৈরোয়শিং, ইমুং মনুংশিং অমসুং ওজাশিংগী সাইকোলোজীকেল সপ্পোর্ত সিস্তেম ফগৎহনবদা মতেং পাংগনি, অমসুং মসি কোরোনাগী মতম লোয়খ্রবা মতুংদসু মহৈ মশিং তাকপী তম্বীবগী থবক চত্থবদা প্রোএক্তিব ওইবা অমদি ৱাখল হকচাং ফনা থম্নবা হোৎনবদা অচৌবা মতেং ওইরগনি।

মখাদা পীরিবা মচাকশিং অসি মনোদরপনদা য়াওরি:

  • মহৈরোয়শিং, ওজাশিং অমসুং স্কুল সিস্তেমশিংগী অমসুং য়ুনিভর্সিতীগী ফেকল্তী লোয়ননা ইমুং মনুংশিংগী এদবাইজরী গাইদলাইনশিং
  • পাওতাকশিং, তৌগদবশিং, পোস্তরশিং, পোদকেস্তশিং, ভিদিওশিং, ৱাখলগী ওইবা মতেং পীবদা তৌগদবা অমসুং তৌরোইদবশিং, তোয়না হংবা ৱাহংশিং অমসুং ওনলাইন ক্বেরী সিস্তেম য়াওবা এম.ঐচ.আর.দি. ৱেবসাইৎকী ৱেব-পেজ
  • স্কুলশিং অমসুং য়ুনিভর্সিতীগী থাক্তা ভোলুন্তরী ওইনা তেলি-কাউন্সিলিং সর্ভিস পীনবা নেস্নেল হেল্পলাইনগী নেস্নেল লেবেল দেতাবেজ অমসুং কাউন্সেলরশিংগী দিরেক্তরী
  • লৈবাক পুম্বগী স্কুল, য়ুনিভর্সিতিশিং অমসুং কোলেজশিংদগী মহৈরোয়শিংদা য়ৌবা ঙম্নবা এম.ঐচফ.আর.দি.গী নেস্নেল তোল ফ্রী হেল্পলাইন। অখন্নবা হেল্পলাইন অমা কাউন্সেলরশিং/সাইকোলোজিস্তশিং অমসুং অতোপ্পা ৱাখলগা মরী লৈনবশিং লায়েংলিবশিংগী অপুনবা অমনা চলায়গনি অমসুং কোবিদ-১৯গী মতুংদসু মখা চত্থখিগনি।  
  • হেন্দবুক ওন সাইকোলোজিকেল সপ্পোর্ত: এনরিচিং লাইফ স্কিল্স এন্দ ৱেলবিইং ওফ স্তুদেন্তস অসি ওনলাইন্দা ফোংলগনি। বুকলেৎ অসিদা এফ.এ.ক্যু.শিং অমসুং অচুম্বশিং অমসুং থাজবশিং য়াওগনি অমসুং কোবিদ-১৯গী লাইচৎ মনুংদা অমসুং মতুংদা পুক্নিং ৱাখলগী অমসুং লমচৎ শাজৎকী মরী লৈনবশিং (অঙাং মচাদগী কোলেজগী মহৈরোয়শিং ফাওবা) শিল লাংনবা লম্বেলশিং অমসুং পাম্বৈশিং য়াওগনি। 
  • সাইকোলোজিস্তশিং অমসুং ৱাখলগী লায়নাগী লমদা মথৌ তৌরিবশিংগা পাউ ফাওরক্নবা, কাউন্সেল্লিং তৌনবা অমসুং লমজিংনবা ইন্তরেক্তিব ওনলাইন চেৎ প্লেৎফোর্ম অসি মহৈরোবশিংগী, ওজাশিংগী, অমসুং ইমুং মনুংশিংগী কোবিদ-১৯ মনুং অমসুং মতুংদা ফংলগনি।
  • ৱেবিনারশিং, ভিদিওশিং,পোস্তরশিং, ফ্লাইয়রশিং, কোমিকশিং অমসুং শোর্ত ফিল্মশিং য়াওনা ওদিও-ভিজুএল রিসোর্সশিং ৱেবপেজতা অহেনবা রিসোর্সকী মচাকশিং ওইনা অপলোদ তৌরগনি। লৈবাক পুম্বদগী মহৈরোয়শিংদগী ক্রাউদ সোর্সিং পিয়র সপ্পোর্ত ওইনা পুক্নিং থৌগৎকনি।

মনোদর্পন ৱেবসাইৎকীদমক লিঙ্ক অসিদা নম্বীয়ু: http://manodarpan.mhrd.gov.in/

 

পি.পি.তি. য়েংনবা মফমসিদা নম্বীয়ু:

 

*******



(Release ID: 1640248) Visitor Counter : 4