সি.বি.দি.তি.না মাইক্রো, স্মোল অমসুং মেদিয়ম ইন্তরপ্রাইজেস মিনিস্ত্রিদা দেতা পীনবগী মতাংদা ঙসি সেন্ত্রেল বোর্দ ওফ দাইরেক্ত তেক্সসেস(সি.বি.দি.তি.) অমসুং মাইক্রো, স্মোল অমসুং মেদিয়ম ইন্তরপ্রাইজেস মিনিস্ত্রি অনিগী মরক্তা মেমোরেন্দম ওফ অন্দরস্তেন্দিং অমা খুৎয়েক পীনখ্রে। এম.ও.য়ু. অদু সি.বি.দি.তি.গী ইনকম তেক্স(সিস্তেমস)গী প্রিন্সিপাল দিরেক্তর জেনেরেল, শ্রীমতি অন্নু জে সিংহ অমসুং মিনিস্ত্রিগী এদিসনেল সেক্রেতরি অমসুং দিবলপমেন্ত কমিসন্নর , দেবেন্দ্র কুমার সিংহনা খুৎয়েক পীখি।

এম.ও.য়ু অদুনা অকক্নবা ইনকম তেক্স রিতর্ন ফাইলগা মরী লৈনবা ইনকম তেক্স দিপার্তমেন্তগী ই-পাউশিং মাইক্রো, স্মোল অমসুং মেদিয়ম ইন্তরপ্রাইজেস মিনিস্ত্রিনা ফংনবগী খুদোংচাবা পীগনি। মসিগী দেতা অসিনা , মিনিস্ত্রিনা ২০২০গী জুন ২৬দা থোকখিবা নোতিফিকেসন নম্বর এস.ও. ২১১৯(ই)গী মতুংইন্না মিনিস্ত্রিনা মাইক্রো, স্মোল অমসুং মেদিয়ম ইন্তরপ্রাইজেসশিং য়েংশিনবা অমসুং মখল খাইদোকপা ঙমহনগনি।

খুৎয়েক পীনবা নুমিৎতগী এম.ও.য়ু অসি চৎনবা হৌরে। দেতা পীথোক-পীশিনগী থবকশিং পাংথোক্নবা লুপ অনিমক্না নোদেল ওফিসারশিং অমসুং অলতরনেত নোদেল ওফিসারশিং হাপকনি।

এম.ও.য়ু. খুৎয়েক পীনবা অসি সি.বি.দি.তি. অমসুং মাইক্রো, স্মোল অমসুং মেদিয়ম ইন্তরপ্রাইজেস মিনিস্ত্রি অনিগী মরক্তা মতেং পীনবগী অনৌবা তাঙ্কক অমা হৌবনি।

***