দেবেলপমেন্ত ওফ নোর্থ ইস্তর্ন রিজন (দোনর)গী কেন্দ্রগী রাজ্য মন্ত্রী (ইন্দিপেন্দেন্ত চার্জ), এম.ও.এস. পি.এম.ও., পর্সোনেল, পব্লিক গ্রিভান্সেস, পেনসন্স, এতোমিক ইনর্জী অমদি স্পেস, দা: জিতেন্দ্র সিংহনা ঙসি পি.এম. এৱার্দ ফোর এক্সেলেন্স ইন পব্লিক এদমিনিস্ত্রেসন ২০২০গী নৌনা শেমদোক্লবা স্কিম অমসুং ৱেব পোর্তেল www.pmawards.gov.in হৌদোকখ্রে‍। থৌরমদুদা কেন্দ্রগী মন্ত্রালয়শিং অমসুং স্তেত/য়ু.তি. লৈঙাকশিংগী মফমদা ৱা ঙাঙলদুনা, দা: জিতেন্দ্র সিংহনা স্কিম অসি পি.এম.না পুক্নীং থৌগৎলিবা মীয়ামনা শরুক য়াবা লৈঙাক্লোনগী পরিংগা চুননবা শেমদোকপনি হায়না হায়খ‍ি‍। মহাক্না হায়খি, “মেক্সিমম গভর্নেন্স, মিনিমম গভর্নমেন্ত”কী লাইৱা অসি মীয়াম শরুক য়াদ্রবদি অমসুং মীয়ামদা য়ুম্ফম ওইদ্রবদি মপুং ফাবা ওইদে অমদি লৌথুপ লৌকোয় লৈতবা অমদি থাজবা থম্নিংঙাই ওইবা হায়বসি মসিগী তোপ তোপ্পা মশক অনিখক্নি‍।

ভারতকী লৈঙাক্লোন অসি প্রধান মন্ত্রীনা অচৌবা থৌরাংশিংদা মীয়াম শরুক য়ানবা ৱাফম থম্লকপদা মীয়াম্না পাউখুম পীদুনা চলাইবা মীয়ামগী ইহৌ অমা ওইরে হায়না দা: জিতেন্দ্র সিংহনা হায়খি‍। রেদ ফোর্তকী লানবনদগী ওগস্ত ১৫, ২০১৪দা শ্রী নরেন্দ্র মোদীনা অমাংশঙশিং শাননবা থমখিবদা ৱাফম পল্লদুনা, মহাক্না হায়খিবদা লাউথোকখিবা চয়োল খরগী মনুংদা, মদুনা মীয়ামগী ইহৌ অমা ওইরকখি অমদি ভারতনা ও.দি.এফ. (ওপন দিফেকেসন ফ্রী)গী ফীভম ওক্তোবর ২, ২০১‍৯দা ফংবা ঙমখি‍।

মহাক্না হায়, মীয়ামগী ৱাকৎ কোকহনবদা অমদি এস্পিরেসনেল দিস্ত্রিক্ত প্রোগ্রাম পায়খৎপদা মীয়ামদা সর্ভিস য়ৌহনবদা মশক থোক্না ফগৎপা উরে‍। দা: জিতেন্দ্র সিংহনা কোবিদ-১৯ লাইচৎ থেংনবদা দিস্ত্রিক্ত কল্লেক্তরশিংনা পায়খৎলিবা থবক থৌরমশিংবুসু শকখঙখি‍।

প্রাইম মিনিস্ত্রর্স এৱার্দ্স ফোর এক্সেলেন্স ইন পব্লিক এদমিনিস্ত্রেসন ২০২০ স্কিম অসি মহৈ তাক্লিবা হীরমশিংদা, শেন্মিৎলোন চাওখৎহনবদা, মীয়াম শরুক য়াহনবদা অমদি মীয়ামগী ৱাকৎ কোকহনবদা দিস্ত্রিক্ত কল্লেক্তরশিংনা তৌরিবা থবকশিংবু শকখঙননবগীমক শেমদোকপনি‍।  অচৌবা কাংলূপ মরিদা – দিস্ত্রিক্ত পর্ফোর্মেন্স ইন্দিকেতর প্রোগ্রাম, ইন্নোভেসন জেনেরেল কেতগরী, এস্পিরেসনেল দিস্ত্রিক্ত প্রোগ্রাম অমসুং নমামি গঙ্গে প্রোগ্রাম – নোমিনেসনশিং কৌরি‍। দিস্ত্রিক্ত পর্ফোর্মেন্স ইন্দিকেতর প্রোগ্রামগী মখাদা, প্রাইওরিতী সেক্তরগী ক্রেদিত ফ্লো, প্রাইওরিতী সেক্তর প্রোগ্রাম এস.বি.এম. (গ্রামিন) অমসুং এস.বি.এম. (অর্বান) নীংথিনা পায়খত্তুনা মীয়ামগী ইহৌদা পুক্নীং থৌগৎপা – মীয়াম শরুক য়াহনবা, সর্ভিস য়ৌহনবগী চাং ফগৎহনবা অমদি মীয়ামগী ৱাকৎ কোকহনবনচিংবা হীরমশিংগী খুত্থাঙদা অপুনবা চাওখৎপা পুরক্নবগী হীরমদা দিস্ত্রিক্ত কল্লেক্তরশিংনা লৌরিবা থৌদাংশিং য়েংশিন্দুনা নৈনগনি‍। স্কিম অসিগী ইন্নোভেসন কাঙলূপ অসিনা লৈবাক্কী, স্তেতকী অমদি দিস্ত্রিক্তকী থাক্তা অনৌবা ৱাখল্লোন অমদি থৌওংশিংদা তোখায়বা মনা পীননবা পাক-চাওনা কোনশিনবা কাঙলূপ্নি‍। মনাশিংসিগীদমক খন্ননবগী মতম এপ্রিল ১, ২০১৮দগী মার্চ ৩১, ২০২০ ফাওবনি‍। পুন্না মনা ১৫ স্কিম অসিগী মখাদা ইইং ২০২০দা লান্থোক্কনি‍।

দিস্ত্রিক্তশিং/ ইম্প্লিমেন্তিং য়ুনিতশিং/লূপশিংদগী তোঙান তোঙানবা কাঙলূপশিংগী পীথোক্লবা ফোর্মেত্তা এচীবমেন্তশিং কনাগুম্বা ফঙ্সনরী/লূপশিংনা তোপ তোপ্পা অনৌবা থৌওং পায়খৎখিবাশিং পন্দুনা মচা খায়না হাপ্লবা ওনলাইন এপ্লিকেসন জুলাই ১৭দগী ওগস্ত ১৫, ২০২০ ফাওবদা পোর্তেল www.pmawards.gov.in গী খুত্থাঙদা কৌগনি‍। রেজিস্ত্রেসনগী থৌওং অপনবা লৈতনা চত্থনবা অমদি পি.এম. এৱার্দ্স ২০২০কীদমক মীয়াম শরুক য়াহনবদা পুক্নীং থৌগৎনবগীদমক দিপার্তমেন্তনা মরী লৈনবা স্তেকহোল্দরশিংদা তান্নদুনা এপ্লিকেসন থাজিনবগী থৌওং উত্তুনা তাকপীগদবনি‍।

হৌদোকপগী থৌরম অদুদা দি.এ.আর.পি.জি. অমদি দি.পি.পি.দব্লিউ. সেক্রেতরী দা: কে. সিবাজি, দি.এ.আর.পি.জি.গী এদিসনেল সেক্রেতরী ভি. স্রিনিভাস, দি.এ.আর.পি.জি.গী জোইন্ত সেক্রেতরীশিং ওইরিবা এন.বি.এস. রাজপুর অমদি শ্রীমতি জয়া দুবে, শেনথুম, হাউশিং এন্দ অর্বান দেভেলপমেন্ত, দ্রিঙ্কিং ৱা্র অমদি সেনিতেসন, নমামি গঙ্গে মন্ত্রালয়শিংগী অমদি নিতি আয়োগকী মকোক থোংবা ওফিসিএলশিংসু শরুক য়াখি‍। স্তেত অমসুং য়ুনিয়ন তেরিতরী খুদিংমক্কী মকোক থোংবা ওফিসিএলশিংসু থৌরমদুদা ভিদিও কন্ফরেন্সকী খুত্থাঙদা শরুক য়াখি‍।

<><><><><>