কেন্দ্রগী হকশেল অমসুং য়াইফ য়ুম্বাল মন্ত্রী দা. হর্শ বর্ধন্না ভারত সরকারনা মেতর্নেল মোর্তেলিতী রেসিও (এম.এম.আর.)না মায় পাকখিবা অসিগী মতাংদা ৱা ঙাংলদুনা হায়, “ভারতকী মেতর্নেল মোর্তেলিতী রেসিও (এম.এম.আর.) অসি রেজিস্তর জেনরেল ওফ ইন্দিয়না ফোঙবা এম.এম.আর.গী অখন্নবা বুলেতিনগী মতুং ইন্না চহি অমদা পোইন্ত ৯ হন্থখ্রে। রেসিও অসি ২০১৫-১৭দা ১২২ ওইরম্বদগী ২০১৬-১৮দা ১১৩দা হন্থখ্রে(৭.৪%হন্থবা)।” মহাক্না হায় লৈবাক অসিনা  ২০১১-২০১৩দা ১৬৭, ২০১৪-২০১৬দা ১৩০, ২০১৫-২৭দা ১২২ অমসুং ২০১৬-২৮দা ১১৩ ওইদুনা  এম.এম.আর.দা চাওনা হন্থরকপা উবা ফংখ্রে।

সস্তেনেবল দিবেলপমেন্ত গোলশিংগীদমক ভারতনা কত্থোক্লিবা অসিগী মতাংদা ৱা ঙাংলদুনা দা. হর্শ বর্ধন্না হায়খি, “লেপ্পা লৈতনা হন্থরকপা অসিগা লোয়ননা এস.দি.জি.গী লাখ অমদা অঙাং ৭০ হিংনা পোকনবা পান্দম অসি ২০২০ ফাওবদা ফংনবা অমসুং নেস্নেল হেল্থ পোলিসী (এন.ঐচ.পি.)গী ২০২০ ফাওবদা অঙাং ১০০দা ১০০ হিংনা পোকপদা মায় পাক্নবা ভারতনা হোৎনরি।  এস.দি.জি. পান্দম ফংবদা মায় পাকখ্রবা স্তেৎশিংগী মশিং অসি ৩দগী ৫দা হৌজিক হেনগৎলে মদুদি কেরেলা (৪৩), মহারাস্ত্র (৪৬), তামিল নাদু (৬০), তেলঙ্গনা (৬৩) অমসুং অন্ধ্র প্রদেশ (৬৫)।  এন.ঐচ.পি.না থম্বা এম.এম.আর.গী পান্দম ফংবদা মায় পাকখ্রবা স্তেৎ তরামাথোই (১১)নি মসিদা মথক্কী ৫ অসি অমসুং ঝর্খন্দ (৭১), গুজরাত (৭৫), হরিয়ানা (৯১), কর্নতক (৯২), ৱেস বেঙ্গল (৯৮) অমসুং উত্তরাখন্দ (৯৯) স্তেৎশিং য়াওরি।”

দা. হর্শ বর্ধন্না ফোঙদোকখি মদুদি স্তেৎ অহুম (পঞ্জাব (১২৯), বিহার (১৪৯), ওরিশা (১৫০)না এম.এম.আর. অসি ১০০-১৫০গী মনুংদা লৈ অমরোমদা স্তেৎ ৫ মমিং ওইনা পল্লবদা ছত্তিশগর (১৫৯), রাজাস্থান (১৬৪), মধ্য প্রদেশ (১৭৩), উত্তর প্রদেশ (১৯৭) অমসুং অসাম (২১৫)গী এম.এম.আর. অসি ১৫০গী মথক্তা লৈ।

দা.হর্শ বর্ধন রাজাস্থান (পোইন্ত ২২ হন্থদুনা খ্বাইদগী য়াম্না হন্থবা ওইরিবা), উত্তর প্রদেশ (পোইন্ত ১৯), ওরিশা (পোইন্ত ১৮), বিহার (পোইন্ত ১৬) অমসুং মধ্য প্রদেশ (পোইন্ত ১৫) ফংবদা স্তেৎশিং অসিবু থাগৎপা ফোঙদোকখি। মহাক্না হায় স্তেৎ অনি (তেলঙ্গনা অমসুং মহারাস্ত্র)না এম.এম.আর.দা ১৫% হেন্না হন্থবা উবা ফংখ্রে অমরোমদা স্তেৎ ৪ মমিং ওইনা পল্লবদা ওরিশা, রাজাস্থান, অন্ধ্র প্রদেশ অমসুং গুজরাতনা হন্থবা অসি ১০-১৫%গী মনুংদা লৈরি। স্তেৎ তরেৎ মদুদি কর্নাতক, অসাম. ঝার্খন্দ, হরিয়ানা, মধ্য প্রদেশ, উত্তর প্রদেশ অমসুং বিহারনা ৫-১০%গী মনুংদা হন্থরকপা উবা ফংখ্রে।

কেন্দ্র অমসুং স্তেৎ/য়ুতি সরকারশিংনা লৌখৎলিবা খোংথাংশিং পল্লদুনা দা. হর্শ ভর্ধন্না হায় মসিগী মায় পাকপা অসি এন.ঐচ.এম.গী মখাদা জননি শিশু সুরক্সা কার‍্যক্রম, জননি সুরক্সা য়োজনাগুম্বা তোঙান তোঙানবা স্কিমশিং অমসুং লকশ্য অমসুং প্রধান মন্ত্রী সুরক্সিৎ মত্রিৎবা অভিবানগুম্বা অনৌবা খোংথাংশিংগী খুত্থাংদা ইন্সতিত্যুসন্দা অঙাং উনবদা অঙকপা মওংদা হেনগৎপগা লোয়ননা সর্ভিসশিংগী ক্বালিতি অমসুং কভরেজদা মীৎয়েং চংবা সরকারগী কন্না হোৎনবদগী পুরকপনি হায়বা য়াই। মিদৱাইফরীগী খোংথাংশিং, চাবোকপী অমসুং পোকপদা ঙাইরিবা অঙাংদা লেম্না অমসুং ক্বালিতি সর্ভিসশিং য়াওনা হেল্থকেয়র সর্ভিস পাক শন্না ফংহনবা, অৱাংবা থাক্কী মেতর্নিতি ক্যেরগা লোয়ননা মথৌ পাংথোকউ য়াদবশিং লেম্না থাদবা য়াওনা সুমন খোংথাং পুথোক্নবসু সরকারনা হোৎনরি।  

***