রাজ্যগী (ইন্দিপেন্দেন্ত চার্জ) পুরিবা তুরিজমগী কেন্দ্রগী মন্ত্রী শ্রী প্রহলাদ সিংহ পতেলনা ঙসি 'গুজরাৎকী সোম্নাথতা লাই খুইরুম্বা লাকপশিংগী এমিনিতীশিং শেমগৎ শাগৎপ'গী প্রোজেক্ত অমা শাঙ্গাবদা গুজরাৎকী মুখ্য মন্ত্রীগা লোইননা শারুক য়ামিন্নখ্রে। মার্চ ২০১৭দা প্রশাদকী মখাদা শেল কাইথখিবা 'গুজরাৎকী সোম্নাথতা লাই খুইরুম্বা লাকপশিংগী এমিনিতীশিং শেমগৎ শাগৎপ'গী প্রোজেক্ত অসি লুপা কোতি ৪৫.৩৬ চঙদুনা লোইশিনখ্রে। মালেমগী থাক্তা শেম্বা গারী খাম্ফম, তুরিজম এমিনিতী সেন্তর অমসুং সোলিদ ৱেস্ত মেনেজমেন্তসু প্রোজেক্ত অসিগী মখাদা শেমগৎখ্রে।

শ্রী পতেলনা রাজ্য সরকারবু কেন্দ্র সরকারনা থাদখিবা শেনফম নিংথীনা শীজিনদুনা অন্তর্জাতীগী থাক্তা লৈবা ফেসিলিতীশিং শেমগৎখিবগীদমক থাগৎপা ফোংদোকখি। মন্ত্রীনা মখা তানা রাজ্য সরকারদা তুরিজম মন্ত্রালয়দগী তুরিজম সেক্তরগীদমক পাংবা য়াবা মতেং পুম্নমক পাংগনি হায়না থাজবা পীখি।

তুরিজম মন্ত্রালয়না ২০১৪-১৫দা পিলগ্রিমেজ অমসুং হেরিতেজকী মফমশিংবু অপুনবা ওইনা শেমগৎ শাগৎনবগীদমক, 'নেসনেল মিসন ওন পিলগ্রিমেজ রিজুবেনেসন এন্দ স্পিরিচুএল, হেরিতেজ ওগমেন্তেসন দ্রাইব' (প্রশাদ) হৌদোকখি। স্কিম অসিনা চঙলকফম (লম্বী, রেল, অমসুং ঈশিংগী ত্রান্সপোর্ত), লাস্ত মাইল কনেক্তিবিতী, তঙাই ফদবা ইনফোর্মেসন/ইন্তর্প্রিতেসন সেন্তর, এ.তি.এম./মনি একচেঞ্জ, ইকো ফ্রেন্দলী ওইবা লম্বীগী থোং, মফমশিংদুদা মৈ থানবা অমসুং রিন্যুৱেবল ইনর্জী শীজিন্নদুনা ঙালহনবা, পার্কিং, থক্নবা ঈশিং, তোইলেৎ, ক্লোক রুম, ৱেতিং রুম, ফর্স্ত এদ সেন্তর, ক্রাফ বজার/হাৎ/সোবিনর সোপ/কেফেতরিয়া, নোং থুপফম, তেলিকোম ফেসিলিতী, ইন্তর্নেত কনেক্তিবিতী অসিনচিংবা তুরিজমগী ফেসিলিতীশিং শেমগৎ শাগৎপদা মীৎয়েং থমখি।