نئی دہلی،  16جولائی 2020، سیاحت کے وزیر مملکت (آزادانہ چارج) جناب پرہلاد سنگھ پٹیل نے گجرات کے وزیر اعلی جناب وجے بھائی روپانی کے ساتھ آج  سومناتھ میں ‘زیارت کے سفر سے وابستہ سہولتوں کی ترقی’ کے پروجیکٹ کے افتتاح میں مجازاً شرکت کی۔ یہ پروجیکٹ، جس کا نام سومناتھ گجرات میں  زیارت کے سفر سے وابستہ سہولتوں کی ترقیات ہے، اسے مارچ 2017 میں پرشاد اسکیم کے تحت منظوری ملی تھی اور اس پر 45.36 کروڑ روپے کی لاگت سے کامیابی کے ساتھ عمل درآمد ہوچکا ہے۔ اس پروجیکٹ کے تحت اعلی کوالٹی کی حامل عالمی سہولتیں یعنی پارکنگ، سیاحت سے متعلق سہولتی مراکز اور ٹھوس فضلا انتظام وغیرہ کو یقینی بنایا گیا ہے۔

@tourismgoi की प्रसाद योजना के अंतर्गत श्री सोमनाथ मंदिर के प्रांगण में अंतरराष्ट्रीय स्तर की सभी सुविधाओं के निर्माण पूर्ण होने पर मा मुख्यमंत्री गुजरात @vijayrupanibjp द्वारा लोकार्पण समारोह मे वर्चुअल शामिल होकर शुभकामनाएँ दी @@PMOIndia @JPNadda @incredibleindia @BJP4MP pic.twitter.com/1zjdl6NHPc

— Prahlad Singh Patel (@prahladspatel) July 16, 2020

جناب پٹیل نے  حکومت ہند کی جانب سے  جاری کیے گئے فنڈز کے بین الاقوامی معیار کی حامل سہولتوں کی فراہمی کے عمل میں بہترین استعمال کے لیے ریاستی حکومت کی تعریف کی۔ وزیر موصوف نے ریاستی حکومت کو یقین دہانی کرائی کہ سیاحت کی وزارت کی جانب سے سیاحت کے شعبے میں ریاست کو درکار ہر طرح کا تعاون اور امداد فراہم کی جائے گی۔

سیاحت کی وزارت نے 2014-15 میں  ‘زیارت کے سفر کے احیا اور روحانی، ورثہ جاتی تنظیم نو مہم کا قومی مشن’ (پی آراے ایس ایچ ڈی) لانچ کیا تھا۔ مقصد یہ تھا کہ ملک میں شناخت شدہ زیارت گاہوں اور ورثہ جاتی مقامات کی مربوط ترقی عمل میں لائی جائے۔ اس اسکیم کا مقصد یہ بھی تھا کہ داخلی پوائنٹس (سڑک، ریل اور آبی نقل وحمل) پر بنیادی ڈھانچہ ترقیات کو یقینی بنایا جائے۔ لاسٹ مائل کنیکٹی ویٹی یعنی آخری حد تک آسانی سے پہنچنے کی سہولت، بنیادی سیاحتی سہولت مثلا ً اطلاعات/ ترجمانی کے مراکز، اے ٹی ایم، منی ایکسچینج، ماحول دوست نقل و حمل کے ذرائع، متعلقہ مقامات کی تزئین کاری اور وہاں روشنی کا معقول انتظام، قابل احیا توانائی وسائل کی مدد سے کیا جائے۔ پارکنگ، پینے کے پانی، بیت الخلا، لباس تبدیل کرنے کے کمروں، انتظار گاہوں، ابتدائی طبی امداد، صناعی بازاروں، ہاٹوں، تحفہ فراہم کرنے والی دکانوں، کیفیٹیریا، بارش سے بچنے والے شلٹر وغیرہ کا انتظام کیا جائے۔ ٹیلی مواصلات کی سہولتیں اور انٹرنیٹ وغیرہ کی سہولتیں فراہم کی جائیں۔

۔۔۔۔۔۔۔۔۔۔۔

U-3971

م ن۔  ت ع۔