ফিসরিজ, এনিমেল হজবেন্দরী অমসুং দেরিয়ীংগী কেন্দ্রগী মন্ত্রী শ্রী গিরিরাজ সিংহনা লুপা কোতি ১৫,০০০গী ওইগদবা এনিমেল হজবেন্দরী ইনফ্রাস্ত্রকচর দিবেলপমেন্ত ফন্দ থবক ওইনা পায়খৎনবগী চৎন-কাংলোনশিং ফোঙখ্রে, হায়রিবসি কেন্দ্রগী মন্ত্রী মন্দল মীফম্না আত্মনির্ভর ভারত অভিয়ানগী মখাদা তোঙান-তোঙানবা হীরমশিংদা চাউখৎপা পুরক্নবা তাং ২৪.০৬.২০২০দা অয়াবা পীখিবনি। রাজ্যগী ফিসরিজ, এনিমেল হজবেন্দরী অমসুং দেরিয়ীংগী কেন্দ্রগী মন্ত্রী ওইরিবা শ্রী প্রতাপ চন্দ্র সরাঙ্গীসু থৌরম অদুদা শরুক য়াখি।

এনিমেল হজবেন্দরী ইনফ্রাস্ত্রকচর দিবেলপমেন্ত ফন্দবু লাউথোকপীবগীদমক প্রধান মন্ত্রী শ্রী নরেন্দ্র মোদীবু থাগৎপা ফোংদোক্লদুনা শ্রী গিরিরাজ সিংহনা হায়খি, শঙ্গোম পুথোকপা হেনগৎনবগীদমক ভারতনা জাৎ ফগৎহন্নবা হোৎনরি অমসুং অতোপ্পা অমদনা প্রোসেস তৌবগী সেক্তরদসু মায় ওনশিনলি। ভারতনা হৌজিক শঙ্গোম তন মিল্লিয়ন ১৮৮ পুথোক্লি অমসুং ২০২৪ ফাওবদা শঙ্গোম পুথোকপগী চাং অসি তন মিল্লিয়ন ৩৩০ য়ৌহন্নবা পান্দম থম্লি। প্রোসেসিং সেক্তরদগী শঙ্গোম চাদা ২০-২৫ তমক লাক্লি অমসুং সরকার অসিনা মসিবুসু চাদা ৪০ য়ৌহন্নবা হোৎনরি। মহাক্না দেরী প্রোসেসিং ইনফ্রাস্ত্রকচর দিবেলপমেন্ত ফন্দসু কোওপরেতিব সেক্তরদা ইনফ্রাস্ত্রকচর ফগৎনবগীদমক থাদখ্রে অমসুং এ.ঐচ.আই.দি.এফ.না প্রাইবেৎ সেক্তরশিংগী স্কিমশিংদদি অহানবনি হায়না ফোংদোকখি। ইনফ্রাস্ত্রকচর অসিনা হেক শেমগৎখিবদগীদি লৌমী লাখ কয়ানা কান্নবা ফংলগনি অমসুং অহেনবা শঙ্গোমশিংসু পুথোক্লগনি হায়খি। হৌজিক্কী ওইনদি পুথোক্তবগা চপ মান্নরিবা মপান্দা থাদোক্নবা শঙ্গোমসু মসিনা হেনগৎহল্লগনি। দেরীগী হীরমদদি ন্যু জিলেন্দগুম্বা লৈবাকশিংগী থাক্তা ভারতনা কাখৎনবা হোৎনবা তাই। কোবিদ-১৯ লোকদাউনগী মনুংদা শঙ্গোম শীজিন্নরিবা মীয়ামগীদমক শঙ্গোম পুথোক্লিবা লৌমীশিংনা শঙ্গোম ৱাৎহন্দনা পীখিবদা মহাক্না অপেনবা ফোংদোকখি।

সরকার অসিনা তোঙান-তোঙানবা স্কিম কয়া অমসু দেরী কোওপরেতিব সেক্তরনা দেরী ইনফ্রাস্ত্রকচর ফগৎহন্নবগীদমক পীরিবা ইনভেস্তমেন্তশিংবু ইন্সেন্তিবাইস তৌনবা লৌখৎলে। এ.ঐচ.আই.দি.এফ. অসি এম.এস.এম.ই.শিং অমসুং প্রাইবেৎ কম্পেনীশিংনা প্রোসেসিং অমসুং ভেল্যু এদিসন ইনফ্রাস্ত্রকচরদা মখোয়বুসু শরুক য়াহন্নবগীদমক অমসুং ইন্সেন্তিবাইস তৌনবা লিংখৎখিবনি। এ.ঐচ.আই.দি.এফ.না দেরী অমসুং মীৎ প্রোসেসিং অমসুং ভেল্যু এদিসন ইনফ্রাস্ত্রকচরদা ইনভেস্তমেন্ত তৌরিবশিংদা ইন্সেন্তিবাইস তৌরগনি অমসুং এনিমেল ফীদ প্লান্তশিং প্রাইবেৎ সেক্তরদা লিংখৎপদা কান্নবা ফংলগনি।

স্কিম অসিগী মখাদা কান্নবা ফংগদবশিংদি ফার্মর প্রদ্যুসর ওর্গনাইজেসন (এফ.পি.ও.)শিং, এম.এস.এম.ই.শিং, সেক্সন ৮ কম্পেনীশিং, প্রাইবেৎ কম্পেনীশিং অমসুং খ্বাইদগী নেম্বা মার্জিন ওইনা ১০%গী কন্ত্রিব্যুসন তৌরিবা  ওন্ত্রপ্রিনরশিং ওইগনি। ৯০%গী বেলেন্স অসিনা সেদ্যুল বেঙ্কশিংনা পীবা লোনগী কম্পোনেন্ত ওইগনি। ভারত সরকারনা কান্নবা ফংগদবশিং অসিদা ৩%গী ইন্তরেস্ত কোকপীগনি। চহী ২গী ওইনা প্রিন্সিপাল লোনগী শেনফম থীদবা য়াগনি অমসুং মসিগী মতুংদা চহী ৬কী রিপেমেন্তকী মতম পীগনি।

ভারত সরকার অসিনা লুপা কোতি ৭৫০গী ওইগদবা ক্রেদিৎ গরেন্তী স্কিম অমসু নাবার্দকী মখাদা শেম্লগনি। ক্রেদিৎ গরেন্তী অসি এম.এস.এম.ই.নি হায়না খঙনরবা সিলিংশিংদা থাদখিবা প্রোজেক্তশিংদা পীগনি। ফরেন্তী কবরেজনা পুরিবা মীওইদুগী ক্রেদিৎ ফেসিলিতীগী চাদা ২৫ ওইগনি। দেরী অমসুং মীৎ প্রোসেসিং অমসুং ভেল্যু এদিসন ইনফ্রাস্ত্রকচর নত্ত্রগা হান্ননা লৈজরবা ইনফ্রাস্ত্রকচর হেন্না ফগৎহনগে খনবা বেনিফিসরীশিংনা এস.দি.বি.আই.গী "উদ্যামি মিত্র" পোর্তেলগী মখাদা সেদ্যুল বেঙ্ক অমহেক্তদগী লোন লৌনবগীদমক থাজিনবা য়াগনি।

প্রাইবেৎ সেক্তরগী মখাদা ইনভেস্তমেন্ত তৌবদা কান্নবা কয়া অমা পীননবা শেম শাদুনা লৈরি। লুপা কোতি ১৫,০০০গী এ.ঐচ.আই.দি.এফ. অমসুং প্রাইবেৎ ইনভেস্তরশিংদা পীরিবা ইন্তরেস্ত সবভেন্সন তৌবগী স্কিমশিং অসিনা হায়রিবা প্রোজেক্তশিং অসিদা তঙাইফদবা শেনবুম ফংহনবদা অমসুং ইনভেস্তরশিংদা মপুং ওইনা রিতর্ন/পে বেক হেনগৎহনবদা মতেং ওইরগনি। অসিগুম্বা অয়াবা ফংলবা বেনিফিসরিশিংনা ফংলিবা প্রোসেসিং অমসুং ভেল্যু এদিসন ইনফ্রাস্ত্রকচর ইনভেস্তমেন্তশিং অসিনা প্রোসেস তৌরবা অমসুং ভেল্যু এদেদ ওইরবা পোৎলমশিং অসিবু মপান্দা থাদোকপগী চাং হেনগৎলগনি।

ভারত্তা শঙ্গোম পুথোকপগী অরোইবগী ভেল্যুগী চাদা ৫০দগীনা ৬০ ফাওবদি লৌমীশিংদা হকথেংননা ফংজবনা মরম ওইদুনা মসিগী সেক্তর অসিদা চাউখৎহনবা হায়বসি লৌমীশিংগী শেলথুমদা হকথেংননা কান্নবা পীবা ঙমগনি। শঙ্গোমগী কৈথেলগী চাউবগী চাং অমসুং লৌমীশিংনা শঙ্গোম য়োনবদগী শেল ওইনা ওন্থোকপসি কোওপরেতিব অমসুং প্রাইবেৎ দেরীশিংনা লৌবীবগী চাং ৱাংখৎপা অমা চংই। মসিনা মরম ওইদুনা এ.ঐচ.আই.দি.এফ.দা ইন্সেন্তিব পীবনা প্রাইবেৎ ইনভেস্তমেন্ততা শরুক ৭ হেন্না হেনগৎপদা নত্তনা লৌমীশিংবুসু ইনপুৎশিংদা হেন্না শেল থাদহন্নিংবগী ইথিল পীগনি অমসুং মসিনা লৌমীশিংগী ইঙ্কম হেনগৎহন্দুনা পোত্থোক হেন্না পুথোকপা ঙমগনি। এ.ঐচ.আই.দি.এফ.গী মখাদা অয়াবা পীরবা খোংথাংশিংনা মীওই লাখ ৩৫রোমদা হকথেংননা অমসুং নাকোইননা হিংনবগী উপাই পীবা ঙম্লগনি।

রাজ্যগী ফিসরিজ, এনিমেল হজবেন্দরী অমসুং দেরিয়ীংগী কেন্দ্রগী মন্ত্রী ওইরিবা শ্রী প্রতাপ চন্দ্র সরাঙ্গীনা হায়খি মদুদি সরকারনা শা ঙা কোতি ৫৩.৫দা তিকা কাপথোক্নবা পান্দম থম্লি অমসুং মসিগী মনুংদগী কোতি ৪দি মাংজৌননা কাপথোকখ্রে। তেক্নোলোজীশিং শীজিন্নদুনা শাগী জাৎ ফগৎহন্নবসু হোৎনরি। অদুমওইনমক, ঐখোয়দা প্রোসেসিংগী সেক্তর অসি শোত্থরি। এ.ঐচ.আই.দি.এফ. শীজিন্নদুনা, মচীঞ্জাক পীজফমগীদক প্রোসেসিং প্লান্তশিং লিংখৎপা য়ারগনি। মসিনা লৌমীশিংগী ইঙ্কম হেনগৎহল্লগনি অমসুং ইকাই খুম্নজরবা প্রধান মন্ত্রীগী দোল্লার ত্রিল্লিয়ন ৫গী শেন্মিৎলোনগী মঙলানবুসু মংফাওনবা ঙমহল্লগনি।

এনিমেল হজবেন্দরী ইনফ্রাস্ত্রকচর দিবেলপমেন্ত ফন্দ থবক ওইনা পায়খৎনবগী চৎন-কাংলোনগী লিঙ্ক

***