শিপ্পিংগী কেন্দ্র রাজ্য মন্ত্রী(আই./সি.) শ্রী মনশুখ মন্দাবিয়ানা ঙসি ভর্চুএল ওইবা থৌরম অমদা বঙ্গলাদেশকী চাত্তোগ্রাম হিথাংফম ফাওগদবা কোলকতাদগী অগর্তলাফাওবগী চাংয়েংগী ওইনা অহানবা জহাজ অমা লমথাখ্রে। মসি চাত্তোগ্রাম অমসুং মঙ্গোলা হিথাংফমশিং ফাওরগা ভারতকী কার্গো লান্থোক-লানশিন তৌনবা য়ানখিবা ৱাফমদা পাংথোকখিবা থবক্নি।

থৌরম অসিদা ৱা ঙাংলদুনা শ্রী মনশুখ মন্দাবিয়ানা লম্বি অসিনা লৈবাক অনিমক্কী ওইনা অনৌবা খুদোংচাবশিংগী থোং হাংহল্লগনি হায়না ফোংদোকখি। মসি অতোপ্পা লম্বি অমা অমসুং বঙ্গলাদেশ ফাওদুনা অৱাং-নোপোক লমশিং অসি শম্নহন্নবা অতেনবা লম্বি অমা ফংহল্লগনি। মসি ভারতকী লান্থোক-লানশিন তৌনবা কার্গোশিং চাত্তোগ্রাম অমসুং মোঙ্গলা হিথাংফম শিজিন্নদুনা চত্থোক-চৎশিন তৌনবা পুৱারীগী মওংদা পায়খৎপা থবক্নি হায়না শ্রী মন্দাবিয়ানা ফোংদোকখি। মসিনা ভারত-বঙ্গলাদেশকী সমুদ্রগী লম্বিগী লৈনরিবা মরিশিং অসিদা অনৌবা লমায় অমা হাংদোক্লগনি হায়না মখা তানা ফোংদোকখি।

কন্সাইন্মেন্ত অসিদা নোংচুপ থংবা ত্রিপুরাগী তি.এম.তি. স্তীল বারশিং পুবা অমসুং অসমগী করিমগঞ্জগীদমক্তা হৱাই মরু-মরাংশিং পুবা তি.য়ু.এস. অনি য়াওনা চাংয়েংগী মওংদা পুদুনা টৎলি।  চাত্তোগ্রাম য়ৌরবা মতুংদা কন্সাইন্মেন্ত অসি বঙ্গলাদেশকী ত্রকশিংদা অগর্তলাদা তান্না চৎখিনি।

চাংয়েং ওইনা চৎলিবশিং অসি প্রধান মন্ত্রী শৈখ হসিনাগী ভারতকী খোংচৎ অসিগী মতমদা লৈবাক অনিগী মরক্তা খ্বাইদগী ৱাংবা থাক্তা য়ৌহন্নবা ৱাখল্লোন অদুগী মতুং ইন্না মায়কৈ অনিমক্না বঙ্গলাদেশ অমসুং ভারতকী অৱাং-নোংপোক রাজ্যশিংগী মরক্কী কনেক্তিবিতী অদু মপাঙ্গল কনখৎহন্নবগীদমক হোৎনখিবশিং অদুদা অথোইবা মওংদা পুথোক্তুনা উৎলি। ওক্তোবর ২০১৯দা, ভারত্তা মাল পুথোক-পুশিন তৌনবগীদমক্তা চাত্তোগ্রাম অমসুং মঙ্গোলা হিথাংফম অসি শিজিন্ননবগীদমক্তা থাক লৈনা থবক পাংথোক্নবগী থবক-থৌওংশিং অদু মপুং ফাহনখি। মসিগী খোংচৎ অসিনা মখা তানা ভারত অমসুং বঙ্গলাদেশনা পুন্না শরুক য়ামিন্নরিবা অসি মপাঙ্গল কনখৎহনগনি। মসিনা ভারতকীদমক্তা পোৎ পুথোক-পুশিন তৌবদা চংবা মতম অদু হন্থহনগনি অমসুং শেন্মিৎলোন অনিমক্কী ওইনা অথোইবগী অথোইবা ঙাক্তনি।

থবক লৈহল্লকপা, লোজিস্তিকেল ওইবা সেক্তরশিংদা ইনভেস্তমেন্ত তৌদুনা লল্লোন-ইতিক্কী থবকশিং অমসুং শেল-থুম ফগৎহনবা বঙ্গলাদেশতা কান্নবা ফংহল্লগনি। বঙ্গলাদেশকী ভেশেলশিং অমসুং ত্রকশিং শিজিন্নদুনা ভারতকী কার্গোশিং অসি লান্থোকহনগনি। 

হন্দক্কী চহি খরসিদা ভারত অমসুং বঙ্গলাদেশনা শিপ্পিং অমসুং লৈনুংগী মতাংদা তেংবাং পীনবা অসি হেন্না ফগৎহনখ্রে।  ঈশিং ইরোন্নুংদা লান্থোক-লানশিন তৌবা অমসুং লল্লোন-ইতিক তৌবগী প্রোতোকোল অসিদা হন্দক্তা কোলগীদা লৈরিবা হিথাংফম তরুক অসিগী নত্তনা লৈবাক খুদিংমক্তা মহা অমসুং হাপচিনখ্রে। প্রোজেক অসিদা ভারত সরকারনা চাদা ৮০ চাদিং তৌদুনা অমসুং বঙ্গলাদেশনা লেমহৌরিবশিং অদু পুথোক্তুনা বঙ্গলাদেশকী ঈশিংগী লম্বিগী অখন্নবা শাংদোক্কদবা মফমশিংদা নিংথিজনা চাওখৎহন্নবা লৈবাক অসিনা খুৎয়েক পীনখিবা এম.ও.য়ু.গী মখাদা অন্তর্রাস্ত্রীয়গা শম্নবা ঈশিংগী লম্বিশিংদগী লৈখোম কোৎখৎপগী থবক চত্থরি। তুরিজম অমসুং মী অমগা-অমগা ই-পাও ফাওনবা অসি শৌগত্তুনা লৈবাক অনিগী মরক্তা ক্রুইসকী থবকশিং হৌদোকখ্রে।

***