مرکزی وزیر داخلہ امت شاہ نے انتہائی واجب الاحترام صوفی آچاریہ شری پُرشوتم پریہ داس جی سوامی شری مہاراج جی کی موت پر اظہار افسوس کیا

نئی دلی، 16جولائی، مرکزی وزیر داخلہ جناب امت شاہ نے منی نگر سوامی نارائن گدی ادارے کے آچاریہ شری پُرشوتم پِریہ داس جی سوامی شری مہاراج جی کی موت پر گہرے رنج و غم کا اظہار کیا ہے۔انہوں نے کہا کہ  وہ ایک قابل احترام بزرگ تھے، جنہوں نے لاکھوں زندگیوں  کو فیض اور روشنی بخشی۔

اپنے ٹوئیٹ پیغام میں مرکزی وزیر داخلہ نے کہا کہ سماجی فلاح کے تئیں آچاریہ شری پُرشوتم پریہ داس جی سوامی شری مہاراج جی کی الوہی تعلیمات اور بے لوث تعاون کا کوئی ثانی نہیں ہے۔

جناب امت شاہ نے یہ بھی کہا کہ آچاریہ شری پرشوتم پریہ داس جی سوامی شری مہاراج جی کی زندگی اقدار اورحکمت سے پُر تھی اور انہوں نے خود کو پوری طرح سے انسانیت کی خدمت کیلئے وقف کر دیا تھا۔

جناب امت شاہ  نے مزید کہا کہ لائق صد احترام صوفی کی موت ایک ناقابل تلافی نقصان ہے۔ انہوں  نے آنجہانی  کی روح کی تسکین کیلئے دعا کرتے ہوئے دنیا بھر میں ان کے پیروکاروں کے تئیں گہرے رنج و غم کا اظہار کیا ۔

آچاریہ شری پُرشوتم پریہ داس جی سوامی شری مہاراج منی نگر شری سوامی نارائن گدّی سنستھان کے روحانی پیشوا تھے۔ وہ راہب  آچاریہ نسل کے پانچویں  جانشین اور شری سوامی نارائن گدی کے موجودہ    جانشین تھے۔

Deeply saddened to learn about the demise of Acharya Shree Purushottampriyadasji Swamishree Maharaj ji. A revered saint who blessed and enlightened millions of lives. His divine teachings & selfless contribution towards the welfare of society has no parallels.

— Amit Shah (@AmitShah) July 16, 2020

Acharya Shree Purushottampriyadasji Swamishree Maharaj ji's life was full of values & wisdom, selflessly devoted to the greater cause of humanity. His passing away is an irreparable loss. My deepest condolences to his followers all across the globe. Om Shanti Shanti Shanti

— Amit Shah (@AmitShah) July 16, 2020

*************

( م ن ۔ ک ا(

U. No. 3948