কেন্দ্রগী ফুদ প্রোসেসিং ইন্দস্ত্রীসকী মন্ত্রী শ্রীমতী হরসিমরৎ কৌর বাদলনা ঙসি ভর্চ্যুল ওইনা পাঙথোকখিবা ‘দিজিতেল ইন্দো-ইতামিয়ন বিজিনেস মিসন ওন ফুদ প্রোসেসিং’গী ঙসি হৌদোকপগী সেসনদা ৱারোল পীখি। নুমিৎ নিনি পাঙথোক্কদবা থৌরম অসিদা দিজিতেল কনফরেন্স, ত্রেদ ফিয়র অমসুং বি২বি মীফমশিং পাঙথোকখ্রে।

হৌজিক ওইরিবা ফীভম অসিদা ফুদ প্রোসেসিং সেক্তরনা লৌরিবা থৌদাং অসি খঙহল্লদুনা কেন্দ্রগী মন্ত্রীনা হায়খি ইন্দস্ত্রীগী লেন্দস্কেপ্তা শেমদোরকপনা ফুদ প্রোসেসিং কম্পনী কয়ানা মখোয়গী প্রদক লাইন-অপ চাওথোক্নবা অমসুং হেনগৎহন্নবা হোৎনরি। মহাক্না হায় মখোয়গী ফেসিলিতীশিংদা চাওনা অহোংবা লৈহন্দনা কম্পনীশিংনা মখোয়গী আউৎপুৎ হেনগৎহন্নবা হীরম খুদিংমক্তা শীজিন্নবা য়াবা ইক্বিপমেন্তনা তোঙান তোঙানবা প্রদক্ত মখল কয়াগী পুথোকপা ঙমহন্নবনা হোৎনবনা মরু ওইনা লৌগদবনি। মহাক্না হায় ইতালিয়ন ফুদ অমসুং ইক্বিপমেন্তগা মরী লৈনবা কম্পনীশিংদা মখোয়গী মালেমগী আউৎরিচ হেনগৎনবা ভারতকী কৈথেলদা খোঙ থাংজিল্লকপা মথৌ তাই। মহাক্না হায় ফুদ প্রোসেসিং ইন্দস্ত্রী অমসুং য়ুরোপিয়নগী য়ুনিয়ন্দা য়েংলকপদা ভারত অমসুং ইতালি অসি মহৌশানা চুংশিন্নরগা লাক্লি, ইতালি অসি ইন্দিয়ন দাইস্পোরা খ্বাইদগী য়াম্না লৈবা অমা ওইরি।

শ্রীমতী বাদলনা ভারত অসি পোতেন্সিএল লৈবা কৈথেল অমগী থৌদাং লৌবগী মতাংদসু হায়খি। তোঙান তোঙানবা সেগমেন্তনা খুদক্তা চাবা য়ারবা, ফ্রিজন ফুদ, সুপর্ফুদ, ন্যুত্রাস্যুতিকলস অসিনচিংবদা মোক থোংবা সেগমেন্ত ওইবা ঙম্লবা ফুদ প্রোসেসিং সেক্তরদা অনৌবা চহিচা অসিদা ফংহল্লিবা খুদোংচাবশিংগী মতাংদা মহাক্না মরু ওইবা ৱাফম থমখি।

শ্রীমতী বাদলনা লৈবাকশিংনা মখোয়গী সপ্লাই চেন অসি অমুক হন্না শেমদোক্নবা হোৎনরি অমসুং মালেমগী উহৈ অমসুং মনা মশিংগী পুথোকপনি হায়না খঙনরিবা ভারত অসিনা রো মেতরিএলশিং পুথোক্নবা খুদোংচাবা মরাং কায়না ফংহল্লি। শাবা লোয়রবা প্রোসেস ফুদ প্রদক্তশিংগী ওইনা ভারতনা খ্বাইদগী য়াংনা চাউখৎলক্লিবা কৈথেল অমসু ওইরি। মহাক্না হায় ঐখোয়না লায়চৎ অসি লাকশিন্নবা হোৎনবদা থেংনরিবা ঐখোয়গী অৱা-নুংঙাইনা ফুদ প্রোসেসিং অসি মকোক থোংবা সেক্তর অমা ওইবা ঙম্লে হায়বা উৎলি।

দিজিতেল সেক্তোরিএল বিজিনেস মিসনগী মতাংদা ৱা ঙাংলদুনা মন্ত্রীনা হায় দিজিতেল মিসন অসিগী শরুক ওইরিবা ইতালিয়ন কম্পনী ১৩না মখোয়গী প্রদক্তশিং অমসুং সর্ভিসশিংগী ভর্চ্যুল একজিবিসন অমা পাঙথোক্লি অমসুং; এন্দ য়ুজরশিং অমসুং ভারতকী অতোপ্পা ইন্দস্ত্রী প্লেয়রশিংগা লোয়ননা বিজিনেস (বি২বি) মীফমশিং পাঙথোক্লগনি। মহাক্না হায় মীফমশিং অমসুং ৱেবিনারশিংগী ওইবা মরু ওইনা খন্নগদবা লমশিং অদুদি -  উহৈ অমসুং মনা-মশিং, চেঙ-হৱাইশিং, শঙ্গোম অমসুং দাইরী প্রোসেসিং, পেকেজিং অমসুং বোতল্লিং অমসুং মেগা ফুদ পার্কশিংদা লৈবা য়ুনিৎশিংগা লোয়ননা তেক্নিকেলগী ওইবা চুংশিন্নবশিংগী খুদোংচাবশিংসু লৈগনি। ভারত অমসুং ইতালীগী মরী থম্বা অসিনা ইন্সতিত্যুস্নেলগী ওইবা মরী অমা থম্বা ঙমহল্লগনি হায়না মহাক্না মখা তাখি।

মেগা ফুদ পার্কশিং, এগ্রি এক্সপোর্ত জোনশিং অমসুং ইন্দস্ত্রিএল পার্কশিং/ইস্তেৎশিং/ক্লস্তরশিং/নোদশিংগুম্বা রেদী ইনফ্রস্ত্রকচরগী মওংদা এম.ও.এফ.পি.আই.না ফংহল্লিবা মখল কয়াগী খুদোংচাবশিং অদু কেন্দ্রগী মন্ত্রীনা খঙহনখি। মহাক্না মখা তানা পি.এম.কে.এস.আই, পি.এম. এফ.এম.ই.গুম্বা স্কিমশিং অমসুং হন্দক্তা অত্মানির্ভর ভারত পেকেজকী মখাদা লাউথোকখিবশিংগী অকুপ্পা ৱারোলশিং পীখি।

ভারত অমসুং ইতালিদগী শরুক য়ারিবা পুম্নমকপু অমসুং থৌরম অসিবু মায় পাকপা অমা ওইনবা য়াইফ মঙ্গল পীদুনা মন্ত্রীনা ৱারোল পীবা লোয়শিনখি। মহাক্না হায়  ঐখোয়গী লৈবাক অনিগী মরীশিং ফগৎহন্নবা ফুদ প্রোসেসিংগী লমদা ভারতনা ইতালীগা লোয়ননা চুংশিন্নদুনা থবক তৌমিন্ননবা আশা তৌরি।

***