প্রধান মন্ত্রী নরেন্দ্র মোদীনা ভর্চুএল ওইনা হন্দক চহীগী ওইনা জুলাই ১৭, ২০২০গী ইরাই নুমিত্তা পাঙথোক্কদবা য়ুনাইতেদ নেসন্স ইকোনোমিক এন্দ সোসিএল কাউন্সিলগী হাই লেবেল সেগমেন্ততা পুং ০৯৩০ – ১১৩০ (লোকেল তাইম)দা ন্যু-য়োর্ককী য়ূনাইতেদ নেসন্সতা মীফম অসিগী মরুওইবা ৱারোল থমগদৌরি। প্রধান মন্ত্রীনা লোইশিনবগী শরুক্তা নোর্ৱেগী প্রধান মন্ত্রী অমসুং য়ু.এন.গী এন্তোনিও গুতেরেগা লোইননা ৱা ঙাংগনি।

চহীগী ওইনা পাঙথোকপা হাই লেবেল সেগমেন্ত মীফম অসিদা সরকার, প্রাইবেৎ সেক্তরশিং, সিবিল সোসাইতী অমসুং একাদেমিয়াশিংনা শরুক য়ারি। হন্দক চহীগী হাই লেবেল সেগমেন্ত অসিগী নুংগী ওইবা ৱাফমদি "কোবিদ১৯গী মতুংদা মলতিলেতরেলিজমঃ ৭৫শুবা চহী মপুং ফারকপদা ঐখোয়না করম্বা য়ু.এন. অমা মথৌ তাবগে," হায়বসিনি।

হোংলক্লিবা ওন্তর্জাতীগী ফিবম অমসুং কোবিদ-১৯ লাইচৎ অসি য়েংলদুনা, হন্দক্কী সেসন অসিনা মলতিলেতরেলিজমগী খোংজেল শাগৎপদা চঙবা মরুওইবা শাফুশিং অমসুং অকনবা লুচিং অমগী মখাদা মালেমগী হীরমশিং মপাঙ্গল কনখৎহনবা অমসুং মালেমগী মীয়াম্না শীজিন্নগদবা পোৎলমশিংগী মগুন হেনগৎহনবগী মতাংদা খন্নবা মীৎয়েং থম্লি।

হায়রিবসিনা ভারতনা তার্ম ২০২১-২০২২গী ওইনা জুন ১৭তা সেক্যুরিতী কাউন্সিলগী নোন পার্মনেন্ত মেম্বর ওইনা মীখলদা মাই পাক্লকপদগী য়ু.এন.গী পাক চাউরবা মেম্বর অমা ওইনা প্রধান মন্ত্রীনা ৱা ঙাংবগী খুদোং চাবা ফংবা অহানবা ওইরগনি। য়ু.এন. লিংখৎখিবগী ৭৫শুবা চহী মপুং ফারকপদা পাঙথোক্লিবা  ই.সি.ও.এস.ও.সি.গী হাই-লেবেল সেগমেন্তকী মীফম অসিগী হীরমশিংদা ভারতকী সেক্যুরিতী কাউন্সিলদা মরুওইবা থম্লদুনা, ঐখোয়না কোবিদ-১৯গী মতুংদা মালেম অসিদা 'শেমদোক্লবা মলতিলেতরেলিজম' অমা পুরক্নবা হোৎনরিবসিবুসু মগুন হেনগৎহনগদৌরি। মসিনা ই.সি.ও.এস.ও.সি.গী হৌদোকপা মতমদা ভারতনা প্রসিদেন্তকী থৌদাং লৌখিবা (সার রামস্বামি মুদালিয়র, ১৯৪৬তা)বুসু নৌহৌননা নিংশিংহনলগনি। প্রধান মন্ত্রীনা মমাংদা ই.সি.ও.এস.ও.সি.গী ৭০ শুবা চহী মপুং ফারকপদা জনুৱারী ২০১৬দা ভর্চুএল ওইনা মীফম অদুগী মরুওইবা ৱাফম থমখি।

***