তেলিফোনগী থোংদা কনফরেন্স তৌদুনা ভারত-য়ু.এস.কী সি.ই.ও. ফোরম ২০২০গী মীফম পাংথোকখ্রে। মসি ভারত অমসুং য়ু.এস. সরকারনা দিসেম্বর ২০১৪দা অমুক হন্না পুনশিন্নখিবদগী হৌজিক ফাওবদা ফোরমগী অসিগী মীফম অসি মঙারক পাংথোকখ্রে। ফোরম অসিনা লল্লোন-ইতিক্কী থবকশিং অমসুং শেন্মিৎলোন অনিমক্কী মরক্তা লৈনরিবা মরি অদু হেনগৎহন্নবা তোঙান-তোঙানবা লমশিং অদু মশক খংদোক্নবা মীৎয়েংদা মরুওইবা প্লেৎফোর্ম অমনি। মীফম অসি কমর্স অমসুং ইন্দস্ত্রী অমসুং রেলৱেজগী মন্ত্রী শ্রী পিয়ুশ গোয়ল অমসুং য়ু.এস.কী মায়কৈদগী য়ু.এস. কমর্সকী সেক্রতরী শ্রী ৱিলবর রোসনা পুন্না ময়াই তাংবল লৌদুনা পাংথোকখি। ইন্দস্ত্রী অমসুং ইন্তর্নেল ত্রেদ শৌগৎপা বিভাগকী সেক্রতরী দা. গুরুপ্রসাদ মোহাপত্রা , য়ু.এস.কীদা লৈবা ভারতকী এম্বাসেদর শ্রী তরঞ্জিৎ সন্ধু অমসুং য়ু.এস.কী এম্বাসেদর শ্রী কেনেথ জস্তরনচিংবা সরকারগী মকোক থোংবশিংনা মীফম অদুদা য়াওখি। 

ভারত অমসুং য়ু.এস.কী অথোইবা কম্পনিশিং য়াওবা সি.ই.ও. ফোরম অসি তাতা সন্সকী চেয়র্মেন শ্রী এন. চন্দ্রনরায়ন, অধ্যক্ষ শ্রী তাইক্লেৎ অমসুং চীফ একজিক্যুতিব ওফিসর লোকহীদ মার্তিন্না ময়াই তাংবল লৌমিন্নখিবা ওইরি। নাকল অনিমক্কী সি.ই.ও.শিংনা ফেব্রুৱারী ২০১৯দা ন্যু দিল্লীদা পাংথোকখিবা সি.ই.ও. ফোরমগী মমাংগী মীফম অদুদা পুখৎখিবা ৱাফমশিংগী মতুং ইন্না অমুক নৌনা শেমদোকপা অদু চৎনহন্নবা অমসুং থৌশিল-থৌরাং অদুদা পীরিবাব ৱায়েল-কাংলোনশিং অদু চৎনহনবগীদমক সরকার অনিমকপু থাগৎপা ফোংদোকখি।  ফোরমগী সি.ই.ও.গী মীহুৎশিংদগী অপুনবা মওংদা হকশেল নত্রগা ফার্মাসিযুতিকেলশিং, এরোস্পেস নত্রগা ঙাক-শেনবা, ইনপ্রাস্ত্রকচর অমসুং মেনুফেকচর, ওন্তর্প্রিন্যুরশিপ অমসুং লল্লোন-ইতিক্কী শৌগৎপা, ইনর্জী, ঈশিং অমসুং অকোয়বগী ফীভম, আই.সি.তি. অমসুং দিজিতেল ইনফ্রাস্ত্রকচর, পাইনান্সিএল সর্ভিসশিং, ত্রেদ অমসুং ইনভেস্তমেন্তশিংগী মতাংদা খন্ন-নৈনখ্ররবা শেমদোকখিবশিং অমসুং ৱায়েল-কাংলোনগী ওইবা পুখৎখিবা ৱাফমশিংগী অনৌবা শেত অমা মসিগী মীফম অসিদা পুথোকখি। 

সেক্রতরী রোসনা শ্রী গোয়ল, ময়াই তাংবল লৌমিন্নখিবাশিং অমসুং সি.ই.ও. ফোরমগী মীহুৎশিংবু অনিমক্কী ওইবা মরি অসি ফগৎহনবদা মরুওইনা তমথিরবা লায়চৎ কোবিদ-১৯গী অরুবশিং শিংনবগী তানফম অসিদা ফার্মাস্যুতিকেশিং, মেদিকেল ইক্বীপমেন্ত অমসুং অতৈশিং পরিং নাইনা ফংহনবগী লমদা লৈবাক অসিনা নকশিন্ননা তেংবাংনবগী তাঞ্জা অমশু ওইরিবা অসিদা লৌরিবা থৌদাং অমসুং থৌরাংশিং অদুগীদমক্তা থাগৎপা ফোংদোকখি।

শ্রী পিয়ুশ গোয়লনা মালেমগী ওইনা লেংদবা, শোইনিংঙাই ওইদবা অমসুং শেন্মিৎলোন মরাং কায়না লৈহন্নবদা পুক্নিং থৌগৎনবা অকনবা মওংদা শরুক য়ামিন্নরিবা অসিগী মপান্দগী  ভারত-য়ু.এস. নাকল অনিমক্কী ওইবা মরিদা ময়ামদগী তোঙানবা মওংদা চাওখৎলক্লিবা অসিগী মতাংদা অমুক হন্না ফোংদোকখি। লৈবাক অনিমক্কী ওইবা শেন্মিৎলোন্দা অপিকপা লল্লোন-ইতিক মরুওইবা অমসুং সেক্তর অসিদা থবক অমসুং হৈথোই-শিংথোইবা হেনগৎহনবদা অথোইবা মীৎয়েং থমখি।

মহাক্না ফোরম অসিদা মালেম অসিদা কোবিদ-১৯গী মতুংগী অনৌবা লম্বী অমা য়াত্থোকপদা লুচিংবীনবা তকশিনখি।

য়ু.এস.কী কো-চেয়র শ্রী তাইক্লেৎনা কোবিদ-১৯গী মতম অসিদা লৈবাক অনিনা থোইদোক-হেন্দোকপা মওংদা তেংবাংনরিবা অসি মখা তানা পাংনদুনা ইনফ্রাস্ত্রকচর শেম্বদা, নাকল অনিমক্কী ইনভেস্তমেন্ত হেমগৎহন্দুা অমসুং থবকশিং পুথোরক্কনি হায়বগী আশা তৌখি। মহাক্না তোহান-তোঙানবা মরুওইবা লমগী মওংগী সেক্তর খরদা অথিংবা লৈতবা মীরৈবাক্না মপু ওইবগী মওং, কাংলোন নাইবা লেংদবা মওংদা লৈবা অমসুং ৱাখলনা শাগৎপগী মওংদা ফীভম অসি অদুম্মক লৈহন্নবা মতম চানা খন্নদুনা ৱারোইশিন পুরক্নবা, ৱাখল-লৌশিংগী ওইবা মতিক-ময়াইশিং অসি ঙাক-শেন্নবা অমসুং ইনফ্রাস্ত্রকচরদা মখা তানা ইনভেস্ত তৌনবা অথোইবা মীৎয়েং থমখি।   

ভারতকী কো-চেয়র শ্রী জন্দ্রশেখরনা জিও-পোলিতিকেল ওইবা অমসুং ত্রেদকা মরি লৈনবা ৱাফমশিংগী মরম্না মালেমদা সপ্লাই তৌবগী পরিংশিংদা অমুক হন্না চাং মান্ননা থম্নবগীদমক মালেম অসিনা হোৎনরিবশিং অসি মখা তানা হোৎননবদা অথোইবা মীৎয়েং থমখি অমসুং মসিগা লোয়ননা মহাক্না ভারতকীদমক অকনবা দোরী অসি কান্ননিংঙাই ওইবা মওংদা শেম্নবা মতেং পাংনবা অমেরিকাগী প্রাইভেৎ সেক্তর অমসুং সরকারদা মতেং পাংনবগী খুদোংচাবা অসিবু তরাম্না ওকখি। মহাক্না লৈবাক অনিমক্কী মরক্তা লল্লোন-ইতিক্তা শরুক য়াবা হেনগৎলক্লিবা অসিদা মহৌশাগী ওইবা মওংদা চাএখৎলক্লিবা অমদি মহৈ ওইনা লেম্না লল্লোন-ইতিক তৌবগী য়াশিন্নবগী মথৌ তাবদা মীৎয়েং থমখি। মহাক্না অমেরিকা সরকারদা মহক্না অমেরিকাগী শেন্মিৎলোন্দা ভারতকী হ্যুমেন কেপিতেলনা তেংবাংবগা লোয়ন-লোয়ননা অসিগুম্বা হৈ-শিংবশিং অসিনা থিংবা-খোৎপা তৌদনা পনখৈ অদুগী ৱাংমদা চংশিনবা মসুং লান্থোকপগী মথৌ তাবা অদবুসু য়াবিনবা হায়জখি।

এম্বাসেদর জস্তরনা বারত-য়ু.এস.কী শেল-থুমগী ওইবা মরি অসিগী পাক-চাওরবা মওংদা লৈরিবা শিজিন্নদ্রিবা মঙম অসিগা লোয়ননা কোবিদকী মতুংগী মতমদা মালেম অসিদা মনুং হঞ্জিন্না উরিবা থবক-থৌশিলশিং অসিদা ওইরক্কদবা খুদোংথিবগী মায়কৈদসু ফোরম অসিগী ৱাখল চিংশিনখি।  মহাক্না ফোরম অসিদা লৈরিবা থবক পাংথোক্লিবা কাংলুপশিংদা নাকল অনিমক্না লায়না অয়াবা পীবা য়াবা অমসুং লায়না চৎনহনবা য়াবা থৌশিল-থৌওংগী থাক্তা ৱাফম পুখৎলক্নবসু হায়খি।

এম্বাসেদর সন্ধুনা প্রাইভেৎ সেক্তরগী লমশিংদা পুরক্লিবা অহোংবা পুরক্তুনা ভারত-য়ু.এস.কা খুৎশম্নবগী অথোইবা মওংদা ওইহনবদা সি.ই.ও. ফোরম্না লৌরিবা থৌদাং অসিগীদমক থাগৎপা ফোংদোকখি। মসিদা থৌশিল-থৌরাং শেম্লিবশিংনা মখল-মখা কয়া অচুম্বা মওং শেম্বদা তেংবাং পীখিবা ৱাফম কয়া অমসু য়াওরি।

হৌদোকপগী থৌরম অসিদা তোঙান-তোঙানবা থবক তৌরিবা কাংলুপশিংগী কো-চেয়রনা হেল্থকেয়র অমসুং ফার্মাস্যুতিকেলশিং, এরোস্পেস এমসুং ঙাক-শেনবা, ইনফ্রাস্ত্রকচর অমসুং মেনফেকচরিং, ওন্তর্প্রিন্যুর্শিপ অমসুং অপিরকা লল্লোন-ইতিকশিং শৌগৎপা, ইনর্জী, ঈশিং অমসুং অকোয়বগী ফীভম, আই.সি.তি. অমসুং দিজিতেল ইনফ্রাস্তরকচর অমসুং ফাইনান্সিএল সর্ভিসশিং, ত্রেদ অমসুং ইনভেস্তমেন্ততা মীৎয়েং থমখি। অরোইবদা কো-চেয়রশিং, দি.পি.আই.আই.তি. সেক্রতরী মোহাপাত্রানা ত্রেদ, ইনভেস্তমেন্ত অমসুং কনেক্তিবিতীদা মপাঙ্গল হেনগৎহল্লিবা ভারত-য়ু.এস. নাকল অনিমক্কী থোইদোক-হেন্দোকপা মরি অসিবু শিংথাখি। 

নাকল অনিমক্কী সরকারগী মীহুৎশিং অমসুং সি.ই.ও.শিংনা লৈবাক অনিসিদা কমর্স অমসুং ইন্দস্ত্রীদা কান্নবা ফংহনবা হোৎননবগী অচেৎপা ৱাফমশিং ফোংদোকখি। মন্ত্রী গোয়ল অমসুমং সেক্রতরী রোসনা মতাং অসিদা পুথোরকখিবা তোঙান-তোঙানবা ৱাফমশিং অসিদা খন্ন-নৈনরগা কোবিদ-১৯গী তুংদা ওইরক্কবা মালেমগী ফীভম অসিদা পুন্না থবক তৌমিন্ননবগী অচেৎপা ৱাফম ফোংদোকখি।

***