ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
ନ୍ୟୁମୋକୋକାଲ ପଲିସାକାରାଇଡ କଞ୍ଜୁଗେଟ ଭାକ୍ସିନ ବଜାରକୁ ଛାଡିବାକୁ ଡିସିଜିଆଇର ଅନୁମତି
ନିମୋନିଆ କ୍ଷେତ୍ରରେ ସ୍ଵଦେଶୀ ଜ୍ଞାନ କୌଶଳରେ ନିର୍ମିତ ଏହା ହେଉଛି ପ୍ରଥମ ଟୀକା
Posted On:
15 JUL 2020 3:13PM by PIB Bhubaneshwar
ସଂପୂର୍ଣ୍ଣ ସ୍ଵଦେଶୀ ଢାଞ୍ଚାରେ ପ୍ରସ୍ତୁତ ପଲିସାକାରାଇଡ କଞ୍ଜୁଗେଟ ଭାକ୍ସିନକୁ ଭାରତୀୟ ଔଷଧ ନିୟନ୍ତ୍ରକ ମହାନିର୍ଦ୍ଦେଶକ (ଡିସିଜିଆଇ) ଅନୁମତି ଦେଇଛନ୍ତି । ପୁଣେସ୍ଥିତ ସେରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ ପ୍ରାଇଭେଟ ଲିମିଟେଡ ଏହି ଟୀକା ପ୍ରସ୍ତୁତ କରିଛନ୍ତି । ଦେଶରେ ଏହି ଟୀକାର 3 ପର୍ଯ୍ୟାୟ କ୍ଲିନିକାଲ ପରୀକ୍ଷା ପାଇଁ ସେରମ ଇଣ୍ଡିଆ ଲିମିଟେଡକୁ ଡିସିଜିଆଇ ଅନୁମତି ଦେଇଥିଲେ । ଏହି ପରୀକ୍ଷାଗୁଡ଼ିକ ଦେଶ ଭିତରେ କରାଯାଇଥିଲା । ଏହାଛଡା କମ୍ପାନୀ ଭାରତ ବାହାରେ ଗାମ୍ବିଆ ଦେଶରେ ମଧ୍ୟ ଏହାର ପରୀକ୍ଷା କରିଛି ।
କମ୍ପାନୀ ଏହି ଔଷଧ ପ୍ରସ୍ତୁତ ପାଇଁ ଅନୁମତି ଲୋଡିଥିଲା । ଡିସିଜିଆଇ ପକ୍ଷରୁ ବିଭିନ୍ନ କ୍ଲିନିକାଲ ପରୀକ୍ଷଣର ସମୀକ୍ଷା ବିଶେଷଜ୍ଞ କମିଟି ଦ୍ଵାରା କରାଯାଇଥିଲା । ଏହାପରେ କମିଟି ଗତକାଲି (14.07.2020) ଏହାକୁ ବଜାରରେ ଉପଲବ୍ଧ କରାଇବା ପାଇଁ ଅନୁମତି ପ୍ରଦାନ କରିଥିଲେ । ନିମୋନିଆ କ୍ଷେତ୍ରରେ ସ୍ଵଦେଶୀ ଜ୍ଞାନ କୌଶଳରେ ନିର୍ମିତ ଏହା ହେଉଛି ପ୍ରଥମ ଟୀକା । ପୂର୍ବରୁ ଏହି ଟୀକାଗୁଡିକୁ ବିଦେଶରୁ ଆମଦାନୀ କରିବାକୁ ପଡୁଥିଲା । ଶିଶୁମାନଙ୍କ ଠାରେ ଦେଖାଯାଉଥିବା ଭୟଙ୍କର ନିମୋନିଆ ପାଇଁ ଏହି ଟୀକା ବ୍ୟବହାର କରାଯାଇପାରିବ । ଇଣ୍ଟ୍ରାମସ୍କୁଲାର ପଦ୍ଧତିରେ ଏହି ଟୀକା ଦେବାକୁ ହେବ ।
**********
(Release ID: 1638842)
Visitor Counter : 229