হকশেল অমসুং য়াইফ-য়ুম্বাল মন্ত্রালয়
দি.সি.জি.আই.না ন্যুমোকোকেল পোলিসেকরাইদ কঞ্জুগেৎ ভেক্সিন য়োনবদা অয়াবা পীরে
থাগৎখিবা:
15 JUL 2020 3:13PM by PIB Imphal
দ্রগ কন্ত্রোল্লর জেনরেল ওব ইন্দিয়া (দি.জি.সি.আই.)না লমদম অসিদা মপুং ফানা শাজবা ন্যুমোকোকেল পোলিসেকরাইদ কঞ্জুগেৎ ভেক্সিনগী অয়াবা পীখ্রে। হায়রিবা তিকা অসি এম./এস. সেরম ইন্সতিত্যুৎ ওব ইন্দিয়া প্রাইবেৎ লিমিতেদ, পুনেনা পুথোকপনি। সেরম ইন্সতিত্যুৎ অসিনা অহানবা ওইনা ন্যুমোকোকেল পোলিসেকরাইদ কঞ্জুগেৎ ভেক্সিন অসিগী ফেজ ১, ফেজ ২ অমসুং ফেজ ৩ ক্লিনিকেল ত্রাইএল ভারত্তা তৌবা য়াবগী অয়াবা দি.সি.জি.আই.দগী ফংখি। হায়রিবা কম্পেনী অসিনা অতোপ্পা লৈবাক গম্বিয়াদসু ক্লিনিকেল ত্রাইএলশিং তৌখ্রে।
মসিগী মতুংদা, হায়রিবা কম্পেনী অসিনা তিকা অসিবু শাবগী অয়াবা অমসুং পর্মিসন লৌনবা থাজিনখি। ক্লিনিকেল ত্রাইএলগী দেতাশিং য়াওরবা এপ্লিকেসন অদু দ্রগ কন্ত্রোল্লর জেনরেল ওব ইন্দিয়াগী ওফিসনা তিকাশিংগী অখন্নবা অখঙ-অহৈগী কম্মিতী (এস.ই.সি.)গী মতেংগা লোইননা কুপ্না য়েংশিনখি। কম্মিতী অসিনা হায়রিবা তিকা অসি কৈথেলদা থাদোকপা য়াবগী অয়াবদু পীখি। তাং ১৪/০৭/২০২০দা, এম./এস. সেরম ইন্সতিত্যুৎ ওব ইন্দিয়া প্রাইবেৎ লিমিতেদ, পুনেদা লমদম অসিদা ইহান হানবা ওইনা পুথোকচবা ন্যুমোকোকেল পোলিসেকরাইদ কঞ্জুগেৎ ভেক্সিন অসি শাবগী অয়াবা ফংখি। মসিনা ন্যুমোনিয়াগী লমদা থানবা ইহান হানবা লমদম অসিদা পুথোকচবা তিকা ওইরে। মমাংদা অসিগুম্বা তিকাগী দিমান্দ অসি তিকা পুথোক্লিবা কম্পেনীশিং অসি ভারতকী মপান্দা লৈবনা লৈবাক অসিদা লৈরিবা লাইসেন্স পায়রবা ইম্পোর্তরশিংতনা পীরম্বনি।
হায়রিবা তিকা অসি অঙাংশিংদা "স্ত্রেপতোকোকস ন্যুমোনিয়া"না থোকহনবা শন্দোক্কনবা লাইনা অমসুং ন্যুমোনিয়াদা তিকা কাপথোক্নবগীদমক শীজিন্নৈ। তিকা অসি ইন্ত্রামস্ক্যুলর ওইনা কাপ্পি।
***
(রিলিজ আই.দি.: 1638834)
ভিজিতর কাউন্তর : 230