শিপ্পিং মন্ত্রালয়
শিপ্পিং মন্ত্রালয়না কোলকতা হিথাংফমগী হলদিয়া দোক্কী অনৌবা ফায়রফাইতিংগী খুদোংচাবশিংগীদমক্তা লুপা কোতী ১০৭গী অয়াবা পীখ্রে
হিথাংফম অসিদা অশোই-অঙাম য়াওদনবা অমসুং শোইনিংঙাই ওইদ্রবা কার্গোগী থবক চত্থনবগীদমক অহকপা খোংথাং
Posted On:
14 JUL 2020 2:47PM by PIB Imphal
শিপ্পিংগী কেন্দ্র রাজ্য মন্ত্রী (আই./সি.) শ্রী মনসুখ মন্দাবিয়ানা কোলকতা হিথাংফমগী হলদিয়া দোক কমপ্লেক্সকী জেত্তি মঙাদা অনৌবা ফায়রফাইতিংগী খুদোংচাবশিং শেমগৎনবগীদমক্তা লুপা কোতী ১০৭ গী অয়াবা পীখ্রে।
অনৌবা ফায়রফাইতিং অসিনা হলদিয়া দোক কম্প্লেক্স অসি পেত্রো-কেমিকেল প্রদকশিং পুথোক-পুশিন তৌবদা শোইনিংঙাই ওইদবা মওংদা শেন্নবা ঙম্লগনি। লৈরিবা ফায়রপাইতিং অসিপেত্রোলিয়ম অমসুং নেচরেল গ্যাস মন্ত্রালয়গী ওইল ইন্দস্ত্রী সেফতি দিরেক্তোরেৎস(ও.আই.এস.দি.)গী গাইদলাইনগী মতুং ইন্না এল.পি.জি. অমসুং অতোপ্পা পেত্রোলিয়ম প্রদকশিং শেন্নবগী ঙাক্লৌ য়াওদে। শিপ্পিং মন্ত্রালয়না অচৌবা হিথাংফম পুম্নমক্তা কার্গোনা থবক পাংথোকপশিং অশোই-অঙাম য়াওদনা অমসুং শোইনিংঙাই ওইদনবা অথোইবা মওংদা ওইহনখ্রে। মসি মালেমগী থাক্তা মৈগী শোইনিংঙাই ওইদনবগী মায়কৈরোমদা চংশিল্লকপা খোংথাং অমনি। হলদিয়া দোক্কী এল.পি.জি. অমসুং এল.এন.জি. কার্গো অসি তুংগা নক্ননা চাওখৎলক্কদবগী মওংদা লৈরে। খ্বাইদগী ইনৌ-নৌবা মওংগী ইনফ্রাস্ত্রকচর অসিনা পেত্রো-কোমিকেল গুদশিং অসি ও.আই.এস.দি.গী গাইদলাইনশিং অসি ঙাক্তুনা কোলকতা হিথাংফমদা অশোই-অঙাম য়াওদনা অমসুং শোইনিংঙাই ওইদবা মওংদা লৈহনবদা মতেং পাংগনি।
***
(Release ID: 1638534)
Visitor Counter : 99