২০২০গী জুলাই ১৩দা ইনকম তেক্স দিপার্তমেন্তনা কাংলুপ অহুম থোক্নবা থিবা-হুম্বগী থবকশিং পাংথোকখ্রে। থিবা-হুম্বগী থবকশিং অদু জয়পুরদা মফম ২০, কোতাদা মফম ৬, দিল্লিদা মফম ৮ অমসুং মুম্বাইদা মফম ৮দা চৎথখি।  

কাংবু অদুগী মনুংদা কাংবু অমনা হোতেল, হায়দ্রো পৱার প্রোজেকশিং, মেতেল অমসুং ওতো সেক্তরশিংগী ললোন-ইতিক্কী থবকশিংদা থিবা-হুম্বা চৎথখি। হায়রিবা থবকশিং অসিদগী ফংলকপা অন একাউন্তেদ ইনকমশিং রিএল ইস্তেৎতা থাদৈ হায়বগী চিংনবা লৈখি।

অনিসুবা কাংবুনা সনা/লুপা অমসুং লুপাগী অরিবা পোৎলমশিং ললোন-ইতিক তৌবশিং অমসুং য়ু.কে. অমসুং য়ু.এস.দা মখোয়গী ফার্মশিং অমসুং বেঙ্ক একাউন্তশিং লৈবা ইন্তরপ্রাইজশিংগী মথক্তা থিগৎখি। কাংবু অসিদা শিরিবা মরুওইবা মরালদি মখোয়গী লুপানা শাবা লৈতেংগী পোৎলমশিংগী ললোন-ইতিক্কী শরুক অমা চাংনাইনা শীজিন্নরিবা একাউন্তশিংগী ৱাংমদা চৎথৈ হায়বনি।

অহুমসুবা কাংবুনা হোতেলগী ললোন-ইতিক তৌবশিংগী মথক্তা থিগৎখি। মখোয়দা শেন থাদরক্লিবশিং অদু মশক খঙদোক্নবা থিজিনবনি।

শেন ওইনা বুল্লিয়নদা ললোন-ইতিক চৎথবা, লন-থুমশিং লেপশিনবগী খুদম-চাংদম ওইবা য়াবা চে-চাংশিং/দাইরিশিং/দিজিতেল দেতাশিং ফংখি। মখা তানা থিজিনবগী থবকশিং চৎথরি।

****