(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারত্তা নাবা ফরবা মীওই লাখ ৫.৫ হেন্না লৈরে, এক্তিব কেসতগী লাখ ২.৫ হেল্লি
• লৈবাক্কী ওইবা নাবা ফবগী চাংচৎ ৬৩.০২%দগী রাজ্য ১৯গী চাংচৎনা হেল্লি
• লৈবাক্কী ওইবা শিবগী চাং ২.৬৪%দগী রাজ্য ৩০না হেন্না তানা লৈরি
• তেস্তিং পর মিলিয়ন অসি ৮৫৫৫দগী হেল্লি
• পি.এম.না গুগল সি.ই.ও. সুন্দর পিচাইগা ৱারী শাখ্রে; গুগল সি.ই.ও.না ভারত্তা লাইচৎ অসি লান্থেংনবদা পি.এম.না লুচিংলিবা অসিবু তরাম্না ওকখ্রে
• ফার্মাস্যুতিকেল্স বিভাগনা বল্ক দ্রগ পার্ক অহুম অমসুং মেদিকেল দিবাইস পার্ক মরিগী মফম খন্নবা গাইদলাইনশিং অরোইবা ওইনা লেপ্লগনি

ভারত্তা নাবা ফরবা মীওই লাখ ৫.৫ হেন্না লৈরে, এক্তিব কেসতগী লাখ ২.৫ হেল্লি; লৈবাক্কী ওইবা নাবা ফবগী চাংচৎ ৬৩.০২%দগী রাজ্য ১৯গী চাংচৎনা হেল্লি; লৈবাক্কী ওইবা শিবগী চাং ২.৬৪%দগী রাজ্য ৩০না হেন্না তানা লৈরি

কেন্দ্র অমসুং রাজ্য সরকারগী অতম্নবা অমসুং থৌরাং য়াত্তুনা কোবিদ-১৯ লাকশিনবা অমসুং ঙাকথোক্নবা থবক তৌবগী খোংথাংশিং অসিনা মসিদগী নাবা ফবগী চাং য়াম্না হেনগৎহল্লে। অসিগুম্বা থাক নায়বা অমসুং হোলিস্তিক ওইবা থৌওংশিং অসিনা হৌখিবা পুং ২৪গী মনুংদা মীওই ১৮৮৫০ নাবা ফহল্লে অমসুং কোবিদ-১৯দগী নাবা ফরবা অপুনবা মীওই মশিং ৫,৫৩,৪৭০ য়ৌহনখ্রে। ঙসি ফাওবগী ওইনা রিকোবরী রেৎ অসি ফগত্তুনা ৬৩.০২% য়ৌরে। লৈবাক্কী ওইবা নাবা ফবগী চাংচৎ ৬৩.০২%দগী রাজ্য ১৯গী চাংচৎনা হেল্লে। হৌজিক এক্তিব কেস মশিং ৩,০১,৬০৯ লৈরি অমসুং মখোয়শিং অসি হোস্পিতালদা, কোবিদ কেয়র সেন্তরশিংদা নত্ত্রগা য়ুমদা আইসোলেসন তৌদুনা নিংথিনা লায়েংলি। এক্তিব কেসকী মশিংদগী নাবা মীওই ফবা মীওিগী মশিংনা ২,৫১,৮৬১ হেল্লি। অরুবা ফিভমদা লৈবা অনাবশিংবু নিংথিনা ক্লিনিকেল মেনেজমেন্ত তৌবদা মিৎয়েং থম্বদগী ভারতকী মী শিবগী চাংশু ২.৬৪%দা তাথরে। হৌখিবা পুং ২৪গী মনুংদা সেম্পল ২,১৯,১০৩ তেস্ত তৌখি। হৌজিক ফাওবগী ওইনা তেস্ত তৌবগী অপুনবা মশিং অসি ১,১৮,০৬,২৫৬নি। তেস্তিং পর মিলিয়ন অসিশু লেপ্তনা হেনগৎলি। ঙসি ফাওবদা ৮৫৫৫.২৫ শুরে।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638320

পি.এম.না গুগল সি.ই.ও. সুন্দর পিচাইগা ৱারী শাখ্রে; গুগল সি.ই.ও.না ভারত্তা লাইচৎ অসি লান্থেংনবদা পি.এম.না লুচিংলিবা অসিবু তরাম্না ওকখ্রে
 

প্রধান মন্ত্রী শ্রী নরেন্দ্র মোদীনা ঙসি ঙাইহাক্কী মমাঙদা গুগল সি.ই.ও. শ্রী সুন্দর পিচাইগা ভিদিও কন্ফরেন্সিংগী খুত্থাঙদা ৱারী শান্নখ্রে‍। শ্রী পিচাইনা প্রধান মন্ত্রীদা কোবিদ-১৯গী মতাংদা মীয়ামদা ৱাখল তাহন্নবা অমদি অচুমবা ঈ-পাউ য়ৌহন্নবা লৌখৎলিবা থৌরাংশিংগী মতাংদা পাউদমখি‍। প্রধান মন্ত্রীনা লৌখৎখিবা অকনবা লোকদাউনগী খোঙথাং অদুনা লাইচৎ অসিগী মায়োক্তা ভারতকী লান্থেংগী অকনবা য়ুমফম অমা শেমখি‍। গুগলনা অরানবা পাউ থেংনবদা অমদি মথৌ তাবা চেকশিন থৌরাংশিংগী মতাংদা ঈ-পাউ য়ৌহনবদা লৌরিবা থৌদাংবু প্রধান মন্ত্রীনা তরাম্না ওকখি‍। মখা তানা তোক্নোলোজীবু হেল্থকেয়র সর্ভিসেসকী লমদা শীজিন্ননবা ৱাফমসু মহাক্না ফোঙদোকখি‍।

অক্কুপ্পা ৱারোলগীদমক: https://www.pib.gov.in/PressReleseDetail.aspx?PRID=1638275

ফার্মাস্যুতিকেল্স বিভাগনা বল্ক দ্রগ পার্ক অহুম অমসুং মেদিকেল দিবাইস পার্ক মরিগী মফম খন্নবা গাইদলাইনশিং অরোইবা ওইনা লেপ্লগনি: শ্রী গৌরা
 

কেন্দ্রগী কেমিকেলস এন্দ ফর্তিলাইজরসকী মন্ত্রী শ্রী দি.ভি. সদানন্দ গৌরানা হায় ফার্মাস্যুতিকেল্স বিভাগনা লৈবাক অসিদা লিংখৎকদৌরিবা বল্ক দ্রগস পার্ক অহুম অমসুং মেদিকেল দিবাইসেস পার্ক মরিগী মরু ওইবা মফমশিং খনবদা মতেং ওইগদবা দাইদলাইনশিং অরোইবা ওইনা শেম্লি। স্কিম অসিগী বল্ক দ্রগ পার্ক হেনগৎপনা লুপা কোতি ৪৬,৪০০রোমগী বল্ক দ্রগ পুথোকপা চাং য়াম্না হেনগৎহল্লগনি, অঞরোমদা মেদিকেল দিবাইস পার্ক পুথোকপগী স্কিমনা লুপা কোতি ৬৮,৪৩৭রোমগী মেদিকেল দিবাইস পুথোকপা চাং য়াম্না হেনগৎহল্লগনি। স্কিম অসিনসু থবক চাওনা পীবা ঙমহল্লগনি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638311

ফাইনান্স কমিসন্না হেল্থ অমসুং ফেমিলি ৱেলফিয়ার মিনিস্ত্রিগা মীফম পাংথোকখ্রে

ঙসি ১৫সুবা ফাইনান্স কমিসন্না হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হর্স ভরধন অমসুং হেল্থ মিনিস্ত্রিগী সেনিয়র ওফিসিএলশিংগা লোয়ননা মীফম অমা পাংথোকখ্রে অমসুং ৱাফমশিং অসি খন্নখি। কোবিদ-১৯ লাকপদগী মিনিস্ত্রিদা পুখৎলকপা রাজ্যগী অখন্নবা ৱাফমশিং অমুক খন্নবা। শেন-থুমগী অৱাবা লাক্লিবা অসি কোকহন্নবা অনৌবা লম্বী থিদোকপা। হেল্থ মিনিস্ত্রিদা ১৫সুবা ফাইনান্স কমিসন্না পীরকপা পাউতাকশিং খন্নবা। মীফম অদুদা ১৫সুবা ফাইনান্স কমিসনগী চেয়রমেন, এন.কে সিংহনা হায়খি লাইচৎ অসিগী ফিবমনা মরম ওইদুনা কমিসন্না সরকারদা পীখৎকদবা অরোইবা রিপোর্ততা হকশেলগী মতাংদা তোখাইবা তাঙ্কক অমা হাপ্লগনি। কেন্দ্র সরকারনা কাইথোক্লিবা শেনফমশিং, ফিবমশিংগী মখা পোন্না সেক্তরশিংদা পায়খৎলিবা অখন্নবা থবকশিং অমসুং হকশেলগী মচাক-মথুমশিং শেমগৎনবা কমদৌনা শেন খাক্তুনা থম্বগে হায়বগী মতাংদা কমিসন্না মিনিস্ত্রিদগী খঙবা পাম্লি। নেসনেল হেল্থ পোলিসি(এন ঐচ পি) ২০১৭গী পান্দমশিংগী মতাংদা মিনিস্ত্রিনা কমিসন্না ফোংদোকখিবা ৱাফমশিং অদুদা য়াওরি। ২০২৫ ফাওবা জি.দি.পিগী চাদা ২.৫ মীয়ামগী হকশেলগী থবক্তা থাদবা। অপুনবা হকশেলগী শরুক অহুম থোকপগী শরুক অনি প্রাইমারি হেল্থগী থবকশিংদা শীজিন্নবা। ২০২০দা রাজ্যশিংগী বজেৎকী চাদা ৮ হেন্না হকশেলগী থবকশিংদা শীজিন্নবা।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638331

য়ু.এন.গী অৱাংবা থাক্কী পোলিতিকেল ফোরমদা নীতি আয়োগনা ভারতকী অনিসুবা ভোলুন্তরী নেস্নেল রিভ্যু পুথোকখ্রে,

স্তেনেবল দিবেলপমেন্ত, ২০২০গী মতাংদা য়ু.এন.গী অৱাংবা থাক্কী পোলিতিকেল ফোরমদা নীতি আয়োগনা ভারতকী অনিসুবা ভোলুন্তরী নেস্নেল রিভ্যু (ভি.এন.আর.) পুথোকখ্রে। ফোরম অসি স্তেনেবল দিবেলপমেন্ত গোলস (এস.দি.জি.) ১৭ ফংলিবরা হায়না য়েংশিল্লিবা মালেমগী মাংজিল থারিবা লুপ অমনি। নীতি আয়োগকী চেয়রমেন, দোক্তর রজিব কুমারনা ভি.এন.আর অসি পুথোকখি। দিকেত ওফ এক্সন: তেকিং এস.দি.জিস ফ্রোম গ্লোবেল তু লোকেল হায়না মিংথোনবা ইন্দিয়া ভি.এন.আর ২০২০ অসি নীতি আয়োগকী ভাইস-চেয়রমেন দোক্তর রজিব কুমার, নীতি আয়োগকী মেম্বর অমিতাব কান্ত অমসুং নীতি আয়োগকী এদভাইজর (এস.দি.জি.) শ্রীমতি সনয়ুক্তা সামাদারনা ফোংখি। ভাইস চেয়রমেন্না হায়খি মালেমগী ওইনা মতেং পাংনবগী থৌদাং অসি হান্নদগী হেন্না মরুওইরে। মালেমগী ওইনা পুন্না থবক তৌমিন্ননবা মফম অমা ওইরিবা ইন্তরনেসনেল সোলার এল্লাইন্স, কোলিএসন ফোর দিজাস্তর রিসিলিয়েন্স ইনফ্রাস্ত্রকচর শেম্বদা ভারতনা মাংজিল থারি অমসুং সেন্দাই ফ্রেমৱার্ক, য়ু এন কনভেন্সন তু কম্বেৎ দিজারতিফিকেসন অমসুং পেরিস ক্লাইমেত এগ্রিমেন্ত চৎহন্নবা মরুওইবা থৌদাং লৌরি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638261

বোম্বে চেম্বর ওফ কম্মর্স এন্দ ইন্দস্ত্রীগী ১৮৪শুবা এ.জি.এম.দা কম্মর্স এন্দ ইন্দস্ত্রীগী মন্ত্রীনা ৱা ঙাংখ্রে

কোবিদ-১৯না মালেম অসিদা অহোংবা পুরক্লি অদুবু ভারত মচাশিং, ললোন ইতিক তৌরিবশিং অমসুং ইন্দস্ত্রীশিং খুদোংথীবা থোক্লিবা অসিনা নমহৎপা ঙমদে অমসুং তোপ-তোপ্পা থৌনা অমগা লোয়ননা লেপ্লি অমসুং ফীভম অসি মায়োক্নবা ঙম্নবা লেপ্তনা অনৌবা লম্বেলশিং পুথোক্লি অমদি অৱাবা থোক্লিবা খুদোংথীবা অসি খুদোংচাবদা ওন্থোক্লি হায়না কম্মর্স এন্দ ইন্দস্ত্রী অমসুং রেলৱেজকী কেন্দ্রগী মন্ত্রী পিয়ুশ গোয়লনা ঙসি ন্যু দিল্লীদা ফোঙদোকখি

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638272

ইন্দিয়ন রেলৱেজনা ইং ২০৩০ ফাওবগী মনুংদা “গ্রীন রেলৱে” (কার্বোন থাদোকপা লেপ্পা) ওইনবা মিসন মোদতা লৈখ্রে;
কোবিদকী মনুংদা ফাওবা কিলোমীতর ৩৬৫গী শম্নহনবগী মরু ওইবা থবক পাংথোকখি

রেলৱেজ মন্ত্রালয়না ইং ২০৩০ ফাওবগী মনুংদা গ্রীন রেলৱেজতা ওন্থোকপগী পান্দম থম্লদুনা গ্লোবেল ৱার্মিং অমসুং অঈং-অশা হোংবগী হীরম কয়া থেংননবা খোংথাং কয়া অমা পায়খৎখ্রে। কার্বোন অমত্তা থাদোক্তনবগী পান্দম থমদুনা রেলৱে ইলেক্ত্রিফিকেসন তৌবা, লোকোমোতিব অমসুং ত্রেনগী ইনর্জী শিজিন্নবা ফগৎহনবা অমসুং লেংদবা মফমদা খিনবা, খিনফম অমসুং স্তেসনশিংগী গ্রীন সর্তিফিকেৎ পীবা, ত্রেন দবাশিংদা বাইও তোইলেৎ থম্বা অমসুং অমুক হন্না শিজিন্নবা য়াবা ইনর্জীরোমদা ওইনা ওনশিল্লকপগী থৌওং কয়া য়াওরি। ইন্দিয়ন রেলৱেজনা রুত কে.এম. (আর.কে.এম.) ৪০,০০০ হেনবা (বি.জি. রুতকী ৬৩%) অশাংবগী ইলেক্ত্রিফিকেসন তৌখ্রে। মসি খন্নরবা তুংদা কোবিক মনুং ফাওবদা কে.এম. ৩৬৫ শম্নহনবগী থবক পাংথোক্লি। অল্লাহবাদ রুত ফাওদুনা চৎপা মুম্বাই-হৌরাহগী কত্নি-সত্না (আর.কে.এম. ৯৯)গী লম্বী অসি হৌরাহ য়ৌনবা অতোপ্পা লম্বী ওইনা শেম্বা অসি কোবিদকী মনুংদা পাংথোকপা মরু ওইবা শম্নহনবগী থবক্নি। মসিগা মান্নবা ওইনা ইন্দোর-বিনাগী লম্বী অসিসু মাক্সি-ভোপালগী অতোপ্পা লম্বী ওইনা পচোরে-মাক্সি (আর.কে.এম. ৮৮) সেক্সন্দা শেমগৎপসিশুনি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638269

অককপা অমসুং ফজনা শেম্লবা দাইমন্দশিং রি-ইম্পোর্ত তৌনবা অয়াবা থা ৩ শাংদোক্লে

কোবিদ-১৯ লাইচৎকী ফিবম অসি য়েংলগা, সর্তিফিকেত লৌনবা অমসুং গ্রেদিং তৌনবা মপান লৈবাকশিংদা থাখিবা অককপা অমসুং ফজনা শেম্লবা দাইমন্দশিং রি-ইম্পোর্ত তৌবা থা অহুমগী ওইনা শাংদোক্তুনা সরকারনা মমল য়াম্বা নুঙ অমসুং সনা-লুপাগী থবক পায়খৎলিবশিংদা খুদোংচাবা ফংহনখ্রে। মসিগী মতম শাংদোক্লিঙৈ মনুংদা মপান লৈবাক্কী অকক্নবা লেবোরেতোরিশিংদা সর্তিফিকেত লৌনবা অমসুং গ্রেদিং তৌনবা থাখিবা অককপা অমসুং ফজনা শেম্লবা দাইমন্দশিং এক্সপোর্তরশিংনা অমুক পুশিল্লকপা য়াগনি। ২০২০গী ফেবুৱারি ১দগী ২০২০গী জুলাই ৩১ ফাওবগী মনুংদা অমুক পুরক্কদবা অদুবু কোবিদ-১৯ লাইচৎকী ফিবম অসিনা পুরকপা য়াদ্রবা অককপা অমসুং ফজনা শেম্লবা দাইমন্দশিং এক্সপোর্তরশিংনা অমুক পুশিল্লকপা য়াগনি।

অকুপ্পা ৱারোলগীদমক: https://pib.gov.in/PressReleasePage.aspx?PRID=1638218

ফিল্দ ওফিসশিংদগী ফংবা পাউ

• কেরলা: রাজ্য অসিদা কোবিদনা মরম ওইরগা অশিবা অমা অমুক লৈবগী পাউ লৈখ্রে, মসিনা রাজ্য অসিদা শিখিবগী মশিং ৩২ সুখ্রে; লৈখিদ্রবা মীশক অদু কোত্তায়ম এম.সি.দা লায়েং চত্থরিবা চহি ৭১ সুরবা নুপানি অমসুং লাইনা অসি কদাইদগী লৌনরকপনো হয়বা হৌজিক ফাওবা খংবা ঙমদ্রি। ৱায়ানাদতা ওবজর্ভেসন তৌদুনা থম্বা মীওই অমসুং লৈখিদ্রে। মহাক্কী স্বাব তেস্ত তৌবগী রিপোর্ত ঙাইরি। কোস্তেল এরিয়াশিংদা ক্রিতিকেল কন্তেন্মেন্ত জোনশিংদা ঙসিদগী হৌরগা জুলাই ২৩ ফাওবা ত্রিপল লোকদাউন চত্থরগনি। সরকারনা লাইচৎ অসিবু শন্দোরকপদগী থিংনবা কোস্তেল এরিয়া পুম্নমক অদুদা লোকদাউন তৌহন্নবা খন্নরি হায়না  ফিশরিজগী মন্ত্রী জে. মর্সিকুত্তী অম্মানা হায়খি। ঙামীশিংদা সমুদ্রদা ঙা ফাবা চৎনবগীদমক্তা  অয়াবা পীগনি। মরক অসিদা ৱন্দে ভারত মিশনগী মখাদা ফ্লাইত ১৩দা মরৈবাক থাদোক্লবা মীওই ২৬৮০ কোচিদা থুংলগনি। ঙরাং পুন্না কেস ৪৩৫ লৈখ্রে, মসিদা ২০৬তি শোক্না-শম্নরুবদগী লাইনা অসি লৌনরকপনি। পেসেন্ত ৩,৭৪৩দি হৌজিক ফাওবা লাইয়েং চত্থরি।
• তামিল নাদু: পুদুচেরীদা কোবি-১৯গী অনৌবা কেস ৫০ লৈখ্রে, মশিং ১,৪৬৮দা হেনগৎখ্রে। পুদুচেরিগী হকশেলগী মন্ত্রীনা ‘ভলনরেবল’ এরিবাশিংদা লৈরিবা মীশিং তেস্ত তৌবদা এম.এল.এ.শিংনসু মিৎয়েং চংনবা হায়খ্রে। তি.এন.গী ভেলোর জিলাদা মশিং ৩০০০ হেনখ্রে, ওফিসিয়েলশিংনা লোক-লাইহৌ লৈবগী সর্ভিলেন্স হেনগৎহনখ্রে; হৌজিক ফাওবদা জিলা অসিদা কেস ৩১৩১ অমসুং  অশিবা ২৫ লৈখ্রে। পুলিস পর্সোনেল ৭২ কোবিদ-১৯দগী নাবা ফরদুনা দ্যুতী অমুক হন্না য়াওখ্রে। তি.এন.দা ঙরাং অনৌবা কেস ৪২৪৪ অমসুং ৬৮ শিখিবগী পাউ লৈখ্রে। পুন্না কেস: ১,৩৮,৪৭০; এক্তিব কেস: ৪৬,৯৬৯; শিখিবা: ১৯৬৬; চেন্নৈদা এক্তিব কেস: ১৭,৪৬৯।
• কর্নাতকা: সি.এম.না ঙসি কোবিদ লাকশিন্নবগী মতাংদা দি.সি.শিং, সি.ই.ও.শিং অমসুং এস.পি.শিংগা ভীদিও কনফরেন্স পাংথোকখি। মীফম অদুদা দি.সি. অনম্বনা কোরোনা লাকশিন্নবা জিলাশিংদা লোকদাউন থম্নবা ৱাখল্লোনশিং ফোংদোরকখি। ধর্ৱাদ অমসুং দক্সিন কন্নদা জিলাশিংগী দি.সি.শিংনা জুলাই ১৫দগী হৌরগা চয়োল অমগী লোকদাউন লাউথোকখ্রে। রাজ্য সরকারনা হোতেলশিং অমসুং এপার্তমেন্ত কমপ্লেক্সশিংদা অহেনবা কোবিদ কেয়র সেন্তরশিং থম্নবগী থৌরাং তৌরি। বি.বি.এম.পি.না কন্ত্রেক্ত ত্রেসিং অমসুং হোম ক্বরন্তিনগী চৎনা-কাংলোনশিং থম্নবা হোৎনবগী থবক্তা হেন্না কনখৎনবা ৱারেপ লৌখ্রে। ঙরাং অনৌবা কেস ২৬২৭ অমসুং ৭১ শিখিবগী পাউ লৈখ্রে; বেঙ্গলোর সিতীদা কেস ১৫২৫। অপুনবা পোজিতিব কেস: ৩৮,৮৪৩; এক্তিব কেস: ২২৭৪৬; শিখিবা: ৬৮৪।
• অন্ধ্র প্রদেশ: রাজ্যগী হকশেল অমসুং মেদিকেল দিপার্তমেন্তনা রেপিদ এন্তিজেন কিৎশিং শিজিন্নদুনা কোরোনাগী চিংনবশিং তেস্ত তৌনবা মরী লৈনবা জিলাগী ওথোরিতীশিংদা হায়খ্রে। জিলা খুদিংমক্তা রেপিদ এন্তিজেন তেস্ত কিৎ লিশিং ২০ পীখ্রে। কোবিদনা মরম ওইরগা তিরুপতিদা লৈবা তেলুগু ন্যুজ চেনেলদা থবক তৌবা সেনিয়র ভীদিও জর্নেলিস্ত অমা শিখিবা অদুগী মতুংদগী, ঙসি জিলাগী আই. অমসুং পি.আর. দিপার্তমেন্তনা স্ক্রাইবশিংদা কোবিদ তেস্ত তৌবগী থৌরম শিনখি। করোনা ভাইরসকী কেসশিংগী মশিং ৱাংখৎলকপনা মরম ওইরগা গোলাপুরি (ৱিজয়াৱাদা) হোলসেল মার্কেতকী ত্রেদরশিংনা ঙসিদগী হৌরগা চয়োল অমগী ওইনা লোকদাউনা থমখি। ঙরাং অনৌবা কেস ১৯৩৩ অমসুং ১৯ শিখিবগী পাউ লৈখি। অপুনবা কেসশিং: ১৩,৪২৮; এক্তিবা কেসশিং: ১৩,৪২৮; শিখিবাশিং: ৩২৮।
• তেলঙ্গানা: আই.সি.এম.আর.গী নেস্ননেল ইন্সতিত্যুত ওফ মেদিকেল স্তেতিসতিক্সতা লৈরিবা ক্লিনিকেল ত্রাবলস রেজিস্ত্রীগী এনালিসিস তৌবদা আয়ুশনা চত্থরিবা কোবিদ-১৯গী দ্রগকী ক্লিনিকেল ত্রায়লশিংগী মশিং হেন্না উত্থোরকখি, মসিনা তেলঙ্গানা অমসুং অন্ধ্র প্রদেশতা লৈরিবা এলোপাথীশিং অদুদগী হেনখি। ঙরাং ফাওবদা লৈখিবা অপুনবা কেসশিং: ৩৪,৬৭১; এক্তিব কেসশিং: ১১,৮৮৩; শিকিবশিং: ৩৫৬; দিসচার্জ তৌকিবশিং: ২২,৪৮২।
• হরিয়ানা: ‘য়ুৱামন্থন ৱিথ মুখ্য মন্ত্রী’ – এ প্রোফেশনেল তোক ওন দ থীম ওফ ‘’ কোবিদ-১৯ চেলেঞ্জেজ এন্দ ওপোর্চুনিতীজ’ হায়রিবা ৱেবিনার অসিদা ৱা ঙাংবা মতমদা, হরিয়ানাগী মুখ্য মন্ত্রীনা, রাজ্য অদুগী নহারোলশিংদা থৌগৎলকখি মদুদি কোবিদ-১৯গী লাইচৎ অসিনা মরম ওইরগা থৌরক্লিবা তম্বা ঙমদবা থৌদোকশিং অসিনা মখোয়গী পুন্সিদা থৱায়-য়াওজবা অমসুং থৱায়-য়াওনা থবক তৌবদা নমথহল্লোয়দবনি হায়না হায়খি। মুখ্য মন্ত্রিনা ইন্সতিত্যুসন কয়া অমদা মহৈ-মশিং তম্লিবা মহৈরোইশিংনা কোবিদ-১৯ অসিগী মনুংদা মহৈ-মশিং তম্বগী মতাংদা অৱাবা মায়োক্নদনবা রাজ্য অসিদা তেলিভিজনগী খুত্থাংদা ওনলাইন ক্লাসশিং অমসুং দিস্তেন্স এজুকেশনগী খুত্থাংদা মহৈরোই লাখ ৭০ ময়া নক্না খুদোংচাবা অসি ফংহনখি হায়না মহাক্না হায়খি।
• মহারাস্ত্র: হৌখিবা পুং ২৪দা মহারাস্ত্রদা অনৌবা পেসেন্ত ৭,৮২৭ পোজিতিব ওইখ্রে। রাজ্য অসিদা কোবিদ-১৯গী পেসেন্তশিংগি অপুনবা মশিং ২,৫৪,৪২৭ সুরে। মসিগী মনুংদা, রাজ্য অসিদা অপুনবা পেসেন্ত ১,৪০,৩২৫ অমদি লাইনা অসিদগী নাবা ফখ্রে অমসুং হোসপিতালশিংদগী দিসচার্জ তৌখ্রে। নোংমাইজিং ফাওবদা রাজ্য অসিদা শিখিবগী অপুনবা মশিং অসি ১০,১১৬নি, মসি অতোপ্পা রাজ্যশিংগা চাংদম্নবদা খ্বাইদগী ৱাংই। অপুনবা এক্তিব কেস  ৯১,৪৫৭ সুরে। পুনে ঙসি অহিং নোংয়াইদগী জুলাই ২৩ ফাওবা লোকদাউন লৈরগনি। মুম্বাইদা অনৌবা পেসেন্ত ১,২৬৩ লৈখ্রে, মসিনা সিতী অসিগ অপুনবা মশিং ৯২,৭২০ য়ৌখ্রে। মুম্বাইদা শরুক অনি থোক্না হেনগৎলকখিবগী হৌজিক নুমিৎ ৫০ সুরে অমসুং ফগৎলকখিবগী চাং অসি ৭০% নি, অনিমক্না রাজ্য অসিগী চাংচত্তগী হেল্লি।  
• গুজরাত: রাজ্য অসিদা হোখিবা পুং ২৪দা কোবিদ-১৯গী অনৌবা কেস ৮৭৯ লৈখ্রে অমসুং নোংমাইজিং ফাওবদা অপুনবা এক্তিব কেস ১০,৬১৩ সুখ্রে। রাজ্য অসিদা শিখিবগী অপুনবা মশিং অদু ২০৪৫ সুখ্রে। হৌখিবা পুং ২৪ অসিগী মনুংদা পেসেন্ত ৫১৩ অমসু লাইনা অসিদগী নাবা ফদুনা দিসচার্জ তৌখ্রে। মসিগা লোইননা কোবিদ-১৯দগী নাবা ফখিবা অপুনবা পেসেন্তশিংগী মশিং অদু ২৯,১৬২দা হেনগৎখ্রে। এহমেদাবাদকী মাইপাক্লবা ধনৱানাতরি রথস অসি পাক-শন্না শিংথানরি। হায়রিবা রথস অসিনা হৌজিক ফাওবদা এহমেদাবাদতা মাইপাক্না ও.পি.দি. কন্সলতেশন লাখ মঙাগী মথক্তা  পাংথোকখ্রে।
• রাজস্থান: অনৌবা পোজিতিব কেস ৯৫ লাকপগা লোইননা রাজ্য অসিগী অপুনবা কোবিদ-১৯গী মশিং অদু ২৪,৩৭০দা হেনগৎলকখ্রে। হৌজিক ফাওবদা ৫১৪ শিখ্রে (ঙসি অয়ুক পুং ১০.৩০ ফাওবদা)। পুন্না সেম্পল ১০,৫৪,০৮০ তেস্ত তৌনবগীদমক্তা খোমগৎখ্রে। হৌজিক ফাওবদা মীওই ১৮,১২৩ নাবা ফখ্রে অদুগা মীওই ১৭,৭৪৫ অমনা দিসচার্জ তৌখ্রে। রাজ্য অসিদা ফখিবশিংগী অপুনা মশিং অদু ১৭,২৩৮ সুরে।
• মধ্যা প্রদেশ: নোংমাইজিং নুমিত্তা অনৌবা কেস ৪৩১ লৈখ্রে। মসিনা রাজ্য অসিদা অপুনবা মশিং ১৭,৬৩২ সুহনখ্রে। এক্তিব কেসশিংগী মশিং অসি ৪,১০৩ নি অদুগা হৌজিক ফাওবদা ফখিবগী মশিং অসি ১২,৮৭৬ সুরে। নোংমাইজিং নুমিত্তা অয়াম্বা কেসশিং ভোপালদগী (৯৫) মশিং লৈখি, মথংদা ইন্দোর (৮৪) কেস , জাবালপুর (কেস ২৪) অমসুং বারৱানি (কেস ২০)। ওতসপোত ওইরিবা ইন্দোরগী কোবিদ-১৯গি মশিং ৫২৬০ অদুগা কেপিতল সিতি ভোপালগী মশিং হৌজিক ফাওবদা কেস ২৫০২।
• ছতিসগর: নোংমাইজিং নুমিত্তা অনৌবা পোজিতিব কেস ১৫০ খঙদোকপা ঙমখ্রে, মসিনা রাজ্য অসিদা কোবিদ-১৯গী মশিং অদু ৪০৮১ য়ৌহনখ্রে। এক্তিব কেসশিংগী মশিং অদু ৯০৯ সুখ্রে।  নোংমাইজিংদা নাবা ফদুনা দিসচার্জ তৌখিবা পেসেন্ত ৮৩ অদুগা লোইননা ফকিবগী অপুনবা মশিং অদু ৩,১৫৩ সুখ্রে। রাইপুরদা অনৌবা কেস ৯৬ লাকখ্রে।

• গৱা: নোংমাইজিং নুমিত্তা অনৌবা মীওই ৮৫ কোবিদ-১৯ পোজিতিব ওইরে। মসিনা রাজ্য অসিদা কোরোনা ভাইরস ইনফেক্তল ওইবা ২৪৫৩ শুরে।  মসিগা লোয়ননা নোংমাইজিং নুমিত্তা অনি শিখিবগী রিপোর্তসু তৌরকখি। রাজ্য অসিদা শিখিবা মশিং ১৪ শুরে।  নুমিৎ অসিমক্তদা অনাবা মীওই ৫৯ নাবা ফখ্রে। মসিনা গৱাদা হৌজিক ফাওবদা নাবা ফখিবা ১৪৮৭ শুরে।  খ্বাইদগী নৌবা রিপোর্তকী মতুং ইন্না রাজ্যদা এক্তিব কেস ৯৫২ লৈরি।
• অরুনাচল প্রদেশ: অরুনাচল প্রদেশতা কোবিদ-১৯ তেস্তকীদমক পুন্না সেম্পল ৩১,৫২০ কলেক্ত তৌখি। রাজ্যদা কোবিদ-১৯ নারবা অপুনবা মশিং ২১৯ য়ৌরে। সেম্পল ১৬৫৭কী রিজল্ত ঙাইরি।
• অসম: অসমগী মুখ্য মন্ত্রী শ্রী সর্বনন্দ সোনোৱালনা ঙসি দ্রিবুগরগী রোহমোরিয়াদা লুপা কোতি ২৫গী অনৌবা স্কিম অহুম লাউথোকখ্রে।
• মনিপুর: ইম্ফালগী স্তেত বেঙ্ক ওফ ইন্দিয়াগী রিজনেল ওফিসনা ঙসি মনিপুরদা মুখ্য মন্ত্রীগী ওফিসতা মুখ্য মন্ত্রীদা পি.পি.ই. ৩৫০ অমসুং ভেন্তিলেতর ৩ দোনেৎ তৌখ্রে।
• নগালেন্দ: কোহিমা দিস্ত্রিক্ত এদমিনিস্ত্রেসন্না অপ্পর এ.জি. কোলোনীগী মখাদা মফম খরা কোবিদ ১৯ পোজিতিব ওইবা মীওই অমা ফংবদগী মখা তৌনা থিংজিনখ্রে।
• মিজোরম: মিজোরম বোর্দ ওফ স্কুল এজুকেসন্না ঐচ.এস.এস.এল.সি. অমসুং এচয়এস.এল.সি. (কম্পার্তমেন্তেল)গী রিজল্ত হয়েং লাউথোক্লগনি।  
• সিক্কিম: সিক্কিমদা জিলা-জিলাগী ওইনা কোবিদ-১৯গী তেবুলেসন মখাদা লৈরে: ইস্ত দিস্ত্রিক্ত- ৮৮, ৱেস্ত দিস্ত্রিক্ত- ২২, সাউথ দিস্ত্রিক্ত- ৪২, নোর্থ দিস্ত্রিক্ত- ২, রাজ্যদা অপুনবা পোজিতিব কেস ১৫৩নি।

ফেক্ত চেক

******