কেন্দ্র সরকার অমসুং রাজ্য/য়ু.তি.শিংনা থংনা থংননা অকনবা মীৎয়েং চঙবগা লোইননা লৌখৎপা অপুনবা খোংথাং 'সরকার পুম্বগী' মখাদা ঙন্না কোবিদ-১৯ খঙদোক্তুনা অমসুং মতম চানা দাইগ্নোস তৌদুনা কোবিদ-১৯গী হেন্না ফরবা অনা লাইয়েংগী পথাপ্না চাং নাইনা নাবা ফবগী চাং হেনগৎলক্লি। হৌখিবা পুং ২৪ অসিদা, অপুনবা মীওই ১৯,২৩৫ কোবিদ-১৯দগী নাবা ফখি। মসিনা কোবিদ-১৯ নাবা ফরবশিংগী অপুনবা মশীং অসি ঙসি ফাওবদা ৫,৩৪,৬২০ য়ৌখ্রে। হৌজিক লৈরিবা নাবা ফবগী চাং অসি ৬২.৯৩% য়ৌনা ফগৎলে।

অপুনবা ওইনা মাইকৈ খুদিংদগী হোৎনবনা মী কয়া নাবা ফগৎলকপদগী, নাবা ফরবা মশীংনা এক্তিব কেস মশীংদগী ২,৪২,৩৬২ হেনখ্রে। হৌজিক লৈরিবা এক্তিব কেস মশীং ২,৯২,২৫৮দা নিংথীনা লাইয়েং চত্থরি।

কোবিদনা নারবশিংদা অনা লেইয়েং পীনবগীদমক কত্থোক্লবা হকশেলগী ইনফ্রাস্ত্রকচরদা কোবিদ খক্তগী ওইবা হোস্পিতাল (দি.ঐচ.সি.) ১৩৭০, কোবিদ খক্তগী ওইবা হেলথ সেন্তর (দি.সি.ঐচ.সি.) ৩০৬২ অমসুং কোবিদ কেয়র সেন্তর (সি.সি.সি.) ১০৩৩৪ লৈরি।

হায়রিবা ফেসিলিতীশিং অসিনা মথৌ নিংথীনা পাঙথোক্নবগীদমক, কেন্দ্র সরকারনা হৌজিক ফাওবদা তোঙান-তোঙানবা রাজ্য/য়ু.তি./ কেন্দ্রগী ইন্সতিত্যুসনশিংদা পি.পি.ই. কিৎ ১২২.৩৬, এন.৯৫ মাস্ক ২২৩.৩৩, অমসুং ভেন্তিলেতর ২১,৬৮৫ থাদখ্রে।

কোবিদ-১৯ তেস্ত তৌবদা থেংনরিবা খুদোংচাদবশিং অমসুং পাক শন্না তেস্ত তৌবা য়াহনখিবনা রাজ্য অমসুং য়ু.তিশিংদা সেম্পল তেস্ত তৌবগী চাং তপ্না-তপ্না ৱাংখৎলক্লি; হৌখিবা পুং ২৪ অসিদা সেম্পল ২,৮০,১৫১ তেস্ত তৌখ্রে। হৌজিক ফাওবদা অপুনবা ওইনা তেস্ত তৌখ্রবা সেম্পল মশীং অসি ১,১৫,৮৭,১৫৩ শুখ্রে। মসিগী হোৎনজমলনা ভারতকী ওইনা মিল্লিয়ন অমদা তেস্ত তৌবগী মশীং অসি ৮৩৯৬.৪ য়ৌরে।

তেস্ত তৌবগী মশীং কা হেন্না হেনগৎলক্লিবসিগী মরুওইবা মরমদি লৈবাক শীনবা থুংনা লৈরিবা দাইগ্নোস্তিক লেবকী নেৎৱার্ক পাক শন্না য়ামখৎলকপননি, হায়রিবসি হৌজিক ফাওবদা সরকারগী লেব ৮৫০ অমসুং প্রাইবেৎ লেব ৩৪৪ শুবগা লোইননা লৈবাক অসিদা অপুনবা ওইনা ১১৯৪ লৈরে। মসিগী মনুংদাঃ

• রিএল তাইম আর.তি. পি.সি.আর.দা য়ুম্ফম ওইবা তেস্ত তৌনবা লেবঃ ৬২৪ (সরকারগী ৩৮৮+ প্রাইবেৎঃ ২৩৬)
• ত্রুনাৎতা য়ুম্ফম ওইবা তেস্তিং লেবঃ ৪৭২ (সরকারগী ৪২৭+ প্রাইবেৎঃ ৪৫)
• সি.বি.এন.এ.এ.তি.দা য়ুম্ফম ওইবা তেস্তিং লেবঃ ৯৮ (সরকারগী ৩৫+ প্রাইবেৎঃ ৬৩)

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA  দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid19[at]gov[dot]in দা থাবীয়ু অমসুং অতোপ্পশিংগী ওইনা ncov2019[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগীদমক হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী) দা কোল তৌবীয়ু রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf দা ফংবীগনি।

***