প্রধানমন্ত্রীগী লোইশঙ

প্রধান মন্ত্রীনা ময়াই তাংবল লৌদুনা তমথিরবা কোবিদ-১৯ লায়চৎকী থৌরাংশিংগী মতাংদা য়েংশিন মীফম পাংথোকখ্রে

Posted On: 11 JUL 2020 1:33PM by PIB Imphal

ইকাই খুম্নরবা প্রধান মন্ত্রীনা লৈবাক অসিদা ওইরিবা কোবিদ-১৯গী ফীভমশিং ঙসি য়েংশিনখ্রে। য়েংশিন মীফম অদুদা য়াওখিবশিংদি ইকাই খুম্নরবা কেন্দ্রগী গৃহ মন্ত্রী শ্রী অমিৎ শাহ, কেন্দ্রগী হকশেলগী  মন্ত্রী শ্রী হর্শ বর্ধন, নীতি আয়োগকী মীহুৎ, কেবিনেৎ সেক্রতরী অমসুং ভারত সরকারগী অতৈ মকোক থোংবা ওফিসিএলশিংনি। প্রধান মন্ত্রীনা লৈবাক অসিগী তোঙান-তোঙানবা শরুকশিংদা ওইরিবা ফীভমশিং অমসুং থৌরাংশিং অদু য়েংশিনখি। মীয়াম তিনবা মফমশিংগী পর্সোনেল হাইজিন অমসুং সোসিএল দিসিপ্লিন ঙাক্না চৎকদবশিং অদু হঞ্জিন-হঞ্জিন খংহনবগী মথৌ তাই হায়না প্রধান মন্ত্রীনা ফোংদোকখি। কোবিদকী মতাংদা ইনগদবা চেকশিন-থৌরাংশিং অদু পাক্তক্ননা খংহনগদবনি অমসুং লায়চৎ অসি শন্দোরকপা থিংনবা লেপ্তনা হোৎনগদবনি হায়বগী ৱাফম থমখি। মসিগী মতাংদা করিগুম্বা মখল অমত্তদা ইংথদুনা লৈথোকপগী মফম লৈতে হায়না মহাক্না ফোংদোকখি।

দিল্লীদা লায়চৎ অসিগী অরুবা ফীভম অসিগীদমক কেন্দ্র, রাজ্য অমদি লোকেল ওথোরিতীশিংনা কন্না হোৎনরিবশিং অসিগীদমক্তা প্রধান মন্ত্রীনা থাগৎপা ফোংদোকখি। মহাক্না মখা তানা লৈবাক অসিগী কোনুং ওইরিবা মফম শিন-থুংনা কোবিদ-১৯গী লায়চৎ অসিগী থবক্তা য়াওরিবশিংনা রাজ্য সরকারশিংগা মান্নবা মীৎয়েং থমদুনা পাংথোক্কদবনি হায়না তাকখি।  

অহমদবাদতা ‘ধনবন্ত্রী রথ’তগী য়েংশিনবগী থবক অমসুং য়ুমদা য়েংশিংনবগী থবক্কী মায় পাকপা খুদমদা থোইদোকপা মওংদা পনখি অমসুং অতোপ্পা মফমশিংনসু মতৌ তম্বা য়াই হায়না ফোংদোকখি। শোকহল্লবা রাজ্য পুম্নমক্তা অমসুং তেস্ত তৌবদা চাং ৱাংনা পোজিতিব ওইবা মফমশিংদা নেস্নেলগী থাক্তা য়েংশিনবা অমসুং লমজিং-লমতাক ফংহনগনি হায়না প্রধান মন্ত্রীনা ফোংদোকখি।

***



(Release ID: 1637960) Visitor Counter : 3