মতম কুইনদগী শাথিনা নারবা সোরিয়াসিসকীদমক্তা শিজিন্নবগী অয়াবা পীখ্রবা মোনোক্লোনেল এনিতিবোদী ওইরিবা আইতোজুমেব (আর.দি.এন.এ. ওরিজিন) অসি দ্রগস কন্ত্রোল্লর জেনেরেল ওফ ইন্দিয়া (দি.জি.সি.আই.)না ক্লিনিকেল ত্রাএলগী দেতাশিংদা য়ুম্ফম ওইদুনা রেস্ত্রিক্তেদ ইমর্জেন্সী ওইনা শিজিন্নবগী অয়াবা পীখ্রে।

এম./এস. বাইওকোন্না ইং ২০১৩দগী হৌনা মতম কুইনা নাগনবা সোরিয়াসিসনা ময়ায় ওইরপ্না নত্ত্রগা শাথিনা নারবা অনাবশিংদা শিজিন্ননবা হায়দুনা ‘অলজুমেব’ হায়না মিংথোন্দুনা শাবা অমসুং য়োনবগী থবক চত্থদুনা লাক্লি। মসিগী লমদমসিদা শাজবা হিদাক অসি হৌজিক্তি কোবিদ-১৯গীদমক্তা শিজিন্নরগনি।

এম./এস. বাইওকোন্না কোবিদ-১৯গী অনাবশিংদা চত্থখিবা ক্লিনিকেল ত্রাএল ফেজ ২গী রিজল্ত দি.জি.সি.আই.দা পীশিনখি। রিজল্ত অসি দি.জি.সি.আই. লোয়শংগী সবজেক্ত এক্সপর্ত কমিতীগী মাংদা শন্দোক্না তাকখি।

মোর্তেলিতীগী মরু ওইবা এন্দপোইন্তকী অকুপ্পা মরোলশিং, পি.এ.ও.২ অমসুং ও.২ সেচ্যুরেসনগুম্বা থবোম্বিগী মথৌ ফগৎহনবা অতোপ্পা এন্দপোইন্তশিং অসি মখোয়গী মমাংদা পুথোকখি। আই.এল.-৬, তি.এন.এফ.αনচিংবা মরু ওইবা ইনফ্লেমেতরী মার্করশিংশু হিদাক অসিনা কোবিদ-১৯গী অনাবশিংদা হাইপর-ইনফ্লেম্মেসন থোকহনবগী চাং ৱাংনা হন্থহনবা ঙম্বা অদুসু মখোয়গী মমাংদা পুথোকখি।

কুপ্না খন্নরবা তুংদা অমসুং কমিতী অসিনা য়ারে হায়বগী মতুং ইন্না দি.জি.সি.আই.না হিদাক অসিবু রেস্ত্রিক্তেদ ইমর্জেন্সী য়ুজকী মখাদা কোবিদ-১৯না নাহনবা মীওইশিংদা ময়ায় ওইরপ নত্ত্রগা শাথিবা এক্যুত রেস্পিরেতরী দিস্ত্রেস সিন্দ্রোম (এ.আর.দি.এস.)কী সাইতোকাইন রিলীজ সিন্দ্রোম (সি.আর.এস.) লায়েংনবগী য়োনবগী অয়াবা পীখিবনি। হিদাক অসি শিজিন্নবদা অনাবগী অয়াবা লৌবা, রিস্ক মেনেজমেন্ত প্লান অমা লৈবা অমসুং হোস্পিতাল খক্তদা শিজিন্নগদবনি হায়বনচিংবা ৱারোল খরদি লৈ।

লমদমসিগী হিদাক আইজোতুলিমেব শিজিন্নদুনা লায়েংবদা চংগদবা চাউরাকপা শেনফম অসিনা হকশেল অমসুং য়াইফ য়ুম্বাল মন্ত্রালয়গী কোবিদ-১৯গী ক্লিনিকেল মেনেজমেন্ত প্রোতোকোলদা য়াওরিবা ‘ইনবেস্তিগেস্নেল থেরাপী’গী শরুক ওইরিবা হিদাকশিংগা চাংয়েংনবদশু হেন্না তাথৈ।

***