কেন্দ্রগী গৃহ মন্ত্রী শ্রী অমিৎ শাহনা প্রধান মন্ত্রী শ্রী নরেন্দ্র মোদীবু এসিয়াগী খ্বাইদগী চাউবা ‘এম.দবল্যু. ৭৫০ রেৱা সোলর প্রজেক্ত’পু লৈবাক অসিদা খুৎশিন্নবগীদমক্তা থাগৎপা ফোংদোকখ্রে।

শ্রী অমিৎ শাহনা মহাক্কী ত্বীত অমদা মসিগী মরু ওইবা ফ্যুচরিস্তিক প্রোজেক্ত অসিনা মোদী সরকারগী আত্মানির্ভর ভারতকী মাংলানবু হেন্না কনখৎহল্লে হায়খি।

কেন্দ্রগী গৃহ মন্ত্রীনা মখা তানা ভারতনা ইং ২০২২ ফাওবগী মনুংদা রিন্যুএবল ইনর্জীগী জি.দবল্যু. ১৭৫ খিনবা ঙম্বগী পান্দম থম্লিবা অসিবু রেৱা সোলর প্রোজেক্ত অসিনা অমুক্কা হন্না মীয়ামদা নিংশিংহনখ্রে।

 ‘এম.দবল্যু. ৭৫০ রেৱা সোলর প্রজেক্ত’পু লৈবাক অসিদা খুৎশিন্নবা অসিনা তুংদা ভারতপু ইনর্জী সেক্যুরিতীগী মতাংদা মরোমদোম লেপচবা ঙমহন্নবা খোংথাং অমগা অমুক ওইরে। প্রধান মন্ত্রী শ্রী নরেন্দ্র মোদীনা নবেম্বর ৩০, ২০১৫দা ফ্রান্সকী পেরিস্তা পাংথোকখিবা য়ুনাইতেদ নেসন্স ক্লাইমেৎ চেঞ্জ কনফরেন্স ওফ দি পার্তিস (সি.ও.পি.-২১)গী ২১শুবা সেসন্দা ইন্তর্নেস্নেল সোলর এলাএন্স লোঞ্চ তৌখিবনি।

I thank PM @NarendraModi for dedicating Asia's largest '750 MW Rewa Solar Project' to the nation. This key futuristic project reinforces Modi govt's vision of #AatmaNirbharBharat & its commitment towards achieving the target of 175 GW installed renewable energy capacity by 2022. pic.twitter.com/WVGWhWH0fl

— Amit Shah (@AmitShah) July 10, 2020

***