প্রধান মন্ত্রী শ্রী নরেন্দ্র মোদীনা ময়ায় তাংবল লৌদুনা কেন্দ্রগী মন্ত্রী মন্দলনা উজ্ব্বলা বেনিফিসয়রীশিংগীদমক্তা ‘প্রধান মন্ত্রী গরীব কল্যান য়োজনা’গী খুদোংচাবা লৌনবগীদমক্তা অরোইবা মতম অসি জুলাই ১, ২০২০দগী থা অহুম মতম শাংদোকহন্নবগীদমক্তা পেত্রোলিয়ম অমসুং নেচরেল গ্যাস মন্ত্রালয়না থাঙ্গৎলকখিবা ৱাফম অদু অয়াবা পীখ্রে।

সরকারনা ‘প্রধান মন্ত্রী গরীব কল্যান য়োজনা’গী মিংদা লায়চৎ অসিনা খ্বাইদগী য়াম্না চৈথেং পীরিবা লায়রবা অমসুং খুোদংথিবা নংলবা মীশিংগী ঙাক্লৌ ওইদুনা অৱাবা কোকহন্নবগী পান্দম থমদুনা পেকেজ অমা হৌদোকখি। পেকেজ অসিদা পি.এম.য়ু.ৱাইগী মখাদা এল.পি.জি. কনেক্সনগী খুদোংচাবা ফংহনখিবা লায়রবা ইমুংশিংবুসু অৱাবা কোকহন্নবগীদমক য়াওহনখি। পি.এম.জি.কে.ৱাই.-উজ্ব্বলা য়োজনা অসিগী মখাদা পি.এম.য়ু.ৱাই.গী বেনিফিসিয়রীশিংবু এপ্রীল ১, ২০২০দগী থা অহুমগী মতমগী ওইনা লেম্না সিলিন্দর ফংহন্নবা ৱারেপ লৌখ্রে।

য়োজনা অসিগী মখাদা এপ্রীল-জুন ২০২০গী মতমদা উজ্ব্বলাগী বেনিফিসিয়রীশিংগী বেঙ্ক একাউন্তা চুমদ্রিংনা লুপা কোতী ৯৭০৯.৮৬ হাপখি অমদি পি.এম.য়ু.ৱাই.গী বেনিফিসিয়রীশিংদা সিলিন্দর কোতী ১১.৯৭ ফংহনখ্রে। য়োজনা অসিদগী কোরোনা ভাইরস লায়চৎ অসিনা মতম ওইদুনা মীয়াম্না থেংনরক্কদবা অৱাবশিং অমদি খুদোংচাদবশিং অসি কোকহনবদা মতেং ফংহল্লগনি।

য়োজনা অসি রিভিয়ু তৌবদা পি.এম.য়ু.ৱাইগী বেনিফিসিয়রীশিংগী কাংলুপ অমা য়োজনাগী মতমগী মনুংদা অথনবা সিলিন্দর লৈনবগীদমক মখোয়গী একাউন্তা হাপচিনখিবা এদভান্সকী শেনফম অদু শিজিন্নবা য়াদে হায়বা খংবা ঙমখি। মরম অসিনা মন্ত্রী মন্দলনা এদভান্সকী শেনফম অসি শিজিন্নবগী অরোইবা মতম অসি মতাংদা পেত্রোলিয়ম অমসুং নেচরেল গ্যাস মন্ত্রালয়না থাঙ্গৎলকখিবা ৱাফম অদুগী অয়াবা পীখ্রে। মসিদগী সিলিন্দর লৈনবগীদমক বেঙ্ক একাউন্তা এদভান্সকী শেল হাপচিনখিবা পি.এম.য়ু.ৱাই.গী বেনিফিসিয়রীশিংদা কান্নবা ফংহল্লগনি। মরম অসিনা হান্না একাউন্তা এদভান্সকী শেল হাপচিনখ্রবা বেনিফিসিয়রীশিংনা সেপ্তেম্বর ৩০ ফাওবদা লেম্না অথনবা সিলিন্দরগী দেলিবরী লৌবা য়াগনি।

***