প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা কোবিদ-১৯গী ইকনোমিক রেস্পোন্সকী শরুক ওইনা কেন্দ্রগী পুলদগী মখা তানা অতোপ্পা থা মঙাগী মদুদি জুলাইদগী নবেম্বর ২০২০ ফাওবগী অহেনবা চেঙ পীথনবা প্রধান মন্ত্রী গরীব কল্যান অন্ন য়োজনা (পি.এম.জি.কে.এ.ৱাই.)শাংদোকপদা অয়াবা পীখ্রে।

লৈবাক অসিদা কোবিদ-১৯না শেন্মীৎলোন্দা থোকহল্লিবা অকায়বশিং অসিনা মরম ওইরগা লাইরবনা থেংনরবা অৱাবশিং অসি কোকহন্নবা ২০২০গী মার্চ থাদা ভারত সরকারনা ‘প্রধান মন্ত্রি গরীব কল্যান পেকেজ (পি.এম.জি.কে.পি.) লাউথোকখি। অতোপ্পা কয়াগী মরক্তা পেকেজ অসিদা “প্রধান মন্ত্রী গরীব কল্যান অন্ন য়োজনা (পি.এম.জি.কে.এ.ৱাই.)”গী খুত্থাংদা বিনিফসরি কোতি ৮১দা নেসনল ফুদ সেক্যুরিতি এক্ত, ২০১৩ (নফশা)গী মখাদা থা অমগী ওইনা মীওই অমদা চেঙ (চেঙ/গেহু) কে.জি. ৫ লেম্না ফংহন্দুনা লাইরবা অমসুং শোত্থরবা ইমুংশিং/বেনিফিসরিশিংনা শেল-থুমগী অৱাবা লৈতনা চেঙ লেম্না ফংলগনি। প্রোগ্রাম অসিগী মখাদা অহানবা ওইনা থা অহুমগী হায়বদি এপ্রিল, মে অমসুং জুনগী লেম্না চেঙ পীখি।

অদুম ওইনমক লৈত-লাইরশিংদা লেপ্পা লৈতনা মতেং পাংনবা ৱাখল্লোন অদুদা মীৎয়েং থমদুনা পি.এম-জি.কে.এ.ৱাই. স্কিম অসি মথংগী থা ৫গী মতম অমগা হায়বদি জুলাই-নবেম্বর ২০২০ ফাওবা মখা তানা শাংদোকখ্রে।

মমাংদা পি.এম.জি.কে.এ.ৱাই.গী মখাদা মসিগী বিভাগ অসিনা ৩০/০৩/২০২০দা স্তেৎ/য়ু.তি.শিংদা থা অহুমগী (এপ্রিল-জুন, ২০২০) য়েন্থোক্নবা চেং লাখ মেত্রিক তোন ১২০ (এল.এম.তি.) পীথখ্রবনি। মসিগী মতুং ইন্না এফ.সি.আই. অমসুং স্তেৎশিংগী অতোপ্পা এজেন্সিশিংনা অপুনবা চেং এল.এম.তি. ১২০গী মনুংদা এল.এম.তি. ১১৬.৫ (৯৭%)গী মথক্তা স্তেৎ/য়ু.তি.শিংদা অখন্নবা স্কিম অসিগী মখাদা য়েন্থোক্নবা পীথখ্রে। হৌজিক ফাওবদা বেনিফিসরি কোতি ৭৪.৩ রোম্না এপ্রিলদা কান্নবা ফংখ্রে অমসুং মেদা বেনিফিসরি কোতি ৭৪.৭৫ রোম্না কান্নবা ফংখ্রে অমসুং জুন ২০২০দা বেনিফিসরি কোতি ৬৪.৭২না মখোয়গী নফসাগী চাং নায়না পীবা চেঙগী মথক্তা মসিগী অহেনবা লেম্না পীবা চেঙ অসি ফংখি। য়েন্থোকপগী থবক অসি মখা চত্থরি অমসুং য়েন্থোকপা অসি হেক লোয়বগা য়েন্থোকপগী ফিগরশিংগী রিপোর্ত অপদেৎ তৌগনি। স্তেৎ খরনা পুথোক-পুশিনগী খুদোংচাদবশিং লৈবনা পি.এম-জি.কে.এ.ৱাই. চেঙ থা অনি নত্রগা অহুমগী অমুক্তংদা য়েন্থোকখি।

নফশাগী চাং নায়না য়েনবা অদুগী মখাদা ২০২০গী এপ্রিল, মে অমসুং জুন থা মনুংদা নফসা অমসুং পি.এম-জি.কে.এ.আই. চেঙ চাওরাক্না এল.এম.তি. ২৫২ এফ.সি.আই.না মখোয়গী লেপ্পা লৈতবা সপ্লাই নেতৱার্ক শিজিন্নদুনা লৈবাক শিনবা থুংনা পুথোক-পুশিন তৌখি। অরাপ্পা অমসুং চংবদা খুদোংচদবা মফমশিংদা মতম চানা চেঙ বেনিফিসরিশিংদা য়ৌহন্নবা নোংথক্কী অমসুং ঈশিংগী লম্বেলশিংগী খুত্থাংদা লেপ্পা লৈতনা ফংহল্লি। মফম খুদিংদা লোকদাউন তৌরিঙৈ মনুংদা সপ্লাই চেনশিং য়াম্না মপুং ফানা য়েংশিন্নদুনা, এফ.সি.আই. অমসুং বিভাগ অসিনা নফশা অমসুং পি.এম.-জি.কে.এ.ৱাই. স্কিমগী মখাদা বেনিফিসরিশিংদা লেপ্পা লৈতনা চেঙ ফংহল্লিবা হায়বা অসি পনবা য়াই। মখা তানা, স্তেৎ কয়াদা বাইওমেত্রিক ওথেন্তিকেসন মতম খরা লেপ্লবসু চাংয়েং তৌবগী মতম অসিগী মনুংদা অপুনবা ফিয়র প্রাইস শোপ (এফ.পি.এস.)অমসুং এন্দ-তু-এন্দ কম্প্যুতরাইজেসন ওফ তর্গেতেদ পব্লিক দিস্ত্রিব্যুসন সিস্তেম (তি.পি.দি.এস) লাখ ৫.৪কী মনুংদা চাওরাক্না লাখ ৪.৮৮ (৯০.৩%)গী দিজিতাই তৌরবা ই.প.ও.এস মেছিন নেতৱার্কগুম্বা আই.তি.না চল্লাইবা পি.দি.এস অমসুং সপ্লাই চেন মেনেজমেন্তশিংদা মতেং পাংখি।

হৌখিবা চহি ২০১৯গী এপ্রিল-মে-জুনদা নাফশাগী মখাদা বিভাগ অসিনা অপুনবা চেঙ এল.এম.তি. ১০৩.২ পীথখি, মসিগী মনুংদা অপুনবা এল.এম.তি. ১২৩ (৯৫%) স্তেৎশিং/য়ু.তি.শিংনা চিংখি। অমরোমদা চপ মান্নবা থা এপ্রিল-মে-জুন ২০২০দা হায়রিবা বেনিফিসরিশিং (নফশাগী মখাদা এল.এম.তি. ১৩২ অমসুং পি.এম.জি.কে.এ.ৱাই.দা এল.এম.তি. ১২০)দা অপুনবা চেঙ এল.এম.তি. ২৫২ পীথখিবগী মনুংদা এল.এম.তি. ২৪৭ হেন্না চিংখি অমসুং এল.এম.তি. ২২৬না নফশাগী বেনিফিসরিশিংদা য়েন্থোকখ্রে, থা অহুম অসিগী মনুংদা মীয়ামগী মথৌ তাবা মতেং পীনবা মহৌশানা পীরম্বা চেঙগী চাং অদুগী শরুক অনি হেনগৎনা য়েন্থোকখি হায়বা খঙবা ঙম্লে।

হৌজিক পি.এম.জি.কে.এ.ৱাই. অসি নবেম্বর ২০২০ ফাওবা থা মঙা শাংদোকপদা চেঙ সপ্লাই তৌবা অমসুং য়েন্থোকপগী চপ মান্ননা থবক কন্না পাইখৎকদবনি। মসিনা চেংগী মমল অমসুং য়েন্থোকপদা অহেনবা লুপা কোতি ৭৬০৬২ চাদিং তৌবা য়াই হায়না পান্নরি।

***