য়াম্না চাউনা মাইপাকপা অমা ওইনা, কোবিদ চাংয়েং তৌখিবা মশিং ক্রোর ১ হেল্লে।

পাক-শন্না চাংয়েং তৌরে অমসুং কেন্দ্র সরকার অমসুং রাজ্যশিং/য়ু.তিশিংনা চেকশিন-থৌরাং কয়া লৌখৎতুনা “চাংয়েং তৌবা , খোঙ্গুল লিবা, লায়েংবা”দা পুক্নিং চঙলে হায়বা মসিনা তাক্লে।

হৌখিবা পুং ২৪দা সেম্পল ৩,৪৬,৪৫৯ চাংয়েং তৌখ্রে। হৌজিক ফাওবদা চাংয়েং তৌখিবা সেম্পল মশিং ১,০১,৩৫,৫২৫ য়ৌরে।

লৈবাক শীনবা থুংনা মখা তানা চাংয়েং তৌনবা লেবশিং লিংখৎপদগী মসিগী মাইপাকপা অসি ফংবা ঙম্বনি। হৌজিক ফাওবদা লেব ১১০৫দা মীয়াম্না কোবিদ চাংয়েং তৌবা ঙমলে। সরকারগী ওইনা লেব ৭৮৮ অমসুং লনাইগী লেব ৩১৭ লৈরে। কোবিদ-১৯ চাংয়েং তৌনবা লেব মখলশিং অমসুং মখোয়না পীরিবা খুদোংচাবশিং মখাদা লৈরে :

রিএল-তাইম আর তি পি সি আর তেস্তিং লেবস : ৫৯২(সরকার :৩৬৮+লনাই: ২২৪)     

ত্রুনেত তেস্তিং লেবস : ৪২১(সরকার : ৩৮৭ + লনাই : ৩৪)   

সি বি এন এ এ তি তেস্তিং লেব : ৯২ (সরকার :৩৩+লনাই:৫৯)         

কোবিদ-১৯ লাকশিন্নবা অমসুং লায়েংনবা ভারত অমসুং রাজ্যশিং/য়ু.তিশিংনা কন্না হোৎনবদগী ঙসি ফাওবদা কোবিদ-১৯ অনাবশিংগী মরক্তা অনাবা ফগৎলকপা মশিং ৪,২৪,৪৩২ য়ৌরে। হৌখিবা পুং ২৪দা মীওই ১৫,৩৫০ কোবিদ-১৯দগী অনাবা ফখি।
কোবিদ-১৯ এক্তিব কেস মশিংদগী হেন্না অনাবা মীওই ১,৭১,১৪৫ অনাবা ফখ্রে। মসিনা লৈবাক অসিগী কোবিদ-১৯ অনাবা ফগৎলকপগী চাং চাদা ৬০.৮৬ য়ৌরে।

হৌজিক এক্তিব কেস ২,৫৩,২৮৭ লায়েং চৎথরি।

 কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in দা চংবীয়ু।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু। কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি।

*****