তমথিরবা কোবিদ-১৯ লায়চৎ অসি থোক্লিঙৈগী মতমসিদা কোবিদকী হেল্থকেয়র সর্ভিসশিং মমাং থানা লৌখৎখিবা মতমদা রাজ্যশিং/য়ুনিয়ন তেরিতোরীশিংদা কোবিদকী নত্তবা তঙাই ফদবা সর্ভিসশিংসু চপ মান্ননা য়েংশিনখি। অহমদবাদ ম্যুনিসিপাল কাউন্সিল(এ.এম.সি.)না ধনৱন্ত্রি কাংদগী সহরদা লৈরিবা মীশিংগী য়ুমথোং-য়ুমথোংদা মোবাইল ভেন্না মরুওইবা হেল্থকেয়রগী সর্ভিসশিং ফংহন্নবা তোপ-তোপ্পা ওইনা অমসুং ইনৌ-নৌবা খুদম অমা ওইনা খোংথাং অমা পায়খৎখ্রে। সহরসিগী অচৌ-অচৌবা হোসপিতালশিংদা কোবিদ-১৯গী লায়েংনবগীদমক্তা থমখিবদগী দাইএবেতিস, ব্লদ প্রেসর, থম্মোয়গী লায়নানচিংবনা নাবা মীশিংনা ও.পি.দি.গী থবক পাংথোক্তবনা হোপপিতালদা চৎপা য়াদবশিংদা কোবিদ-১৯গী নত্তবা মরুওইবা সর্ভিসশিং ফংহন্নবা মখল-মখা কয়াগী থৌরাংশিং পায়খৎখ্রে।

এ.এম.সি.না হৌদোকখিবা ‘ধনৱন্তরি কাং’গী মিংদা মোবাইল মেদিকেল ভেনশিংনা য়াম্না চাউনা থবক পাংথোকহনখ্রে। মসিগী ভেনশিং অসিদা এ.এম.সি.গী অর্বান হেল্থ সেন্তরশিংদগী লোকেল মেদিকেল ওফিসরগা কোন্ননা আয়ুশকী দোক্তরশিং, পোরামেদিক অমসুং নর্সিংগী স্তাফশিং য়াওই। ভেনশিং অসি তোঙান-তোঙানবা মফমশিংদা চত্তুনা অহমদবাদ সহরগী য়ুমথোং-য়ুমথোং তান্না মীশিংদা কোবিদকী নত্তবা মরুওইবা সর্ভিসশিং অমসুং ফীল্দ মেদিকেল কন্সল্তেসনশিং ফংহল্লি। মোবাইল মেদিকেল ভেনশিং অসিনা আয়ুর্বেদিক অমসুং হোমিওপেথিক্কী হিদাকশিং, ভিতামিন সপ্লিমেন্তশিং, পল্স ওক্সিমিতরগা কোন্ননা তেস্ত তৌনবা মরুওইবা ইক্বীপমেন্তশিং পুম্নমক পুদুনা চৎলি। হেল্থকেয়র সর্ভিসশিং অসিদা নত্তনা তোঙান-তোঙানবা মরমশিংগীদমক্তা হোসপিতালদা ও.পি.দি. য়েংবা ফংদবা মীশিংদা ধনৱন্তরি কাংনা মখা তানা লায়েং চত্থবগী মথৌ তাগদবা নত্রগা আই.পি.দি. অমদা এদমিৎ তৌগদবা মীশিং মশক খংদোকপদা অমদি মখোয়শিং অদু হোসপিতালদা নিংথিজনা য়ৌহনবদা মতেং পাংই।

এ.এম.সিনা সহর অসিদা ধনৱন্তরি কাং ১২০না থবক অসিদা শিজিন্নদুনা মথৌ তৌহনখ্রে। হৌজিক ফাওবদা ধনৱন্তরি ভেনশিং অসিনা ও.পি.দি.শিংগী কন্সল্তেসন লাক্ষ ৪.২৭ মায় পাক্না পাংথোকখ্রে। পায়খৎলিবা থবক অসিনা লাইহৌনা নাবা মীওই ২০,১৪৩, লোক থুংবা, ইংথম চনবা অমদি নাতোন মহি চেনবা মীওই ৭৪,০৪৮, শাথিবা রেসপিরেতোরি ত্রেক ইনফেক্সনশিং থোকপা মীওই ৪৬২, হাইপর তেন্সন, দাইএবেতিস অমদি নারি-শারি তৌবা মীওই ৮২৬ অসি লায়েং চত্থনবা মনাক নকপা অর্বান হেল্থ সেন্তরশিং অমসুং হোসপিতালশিংদা রিফর তৌখি। ধনৱন্তরি ভেনশিং শিজিন্নদুনা থবক পাংথোকহনবা অসিনা মনুংদা খংদনা লৈবা কেসশিং মতম চানা মশক খংদোকহন্দুনা কোবিদ-১৯গী থবক শিন্দোক-শিঞ্জিন তৌবদা হায়নিংঙাই লৈতনা মতেং পাংলি।

মোন্সুনগী কুম অসি থুনা য়ৌশিল্লকপা অমসুং ভক্তরনা নাহনবা লায়নাশিং হেনগৎলকপা য়াবগী মওং অসি য়েংঙগা জুন ১৫, ২০২০দা মোবাইল ভেনশিংনা হেল্থ সর্ভিসশিংগী মেলরিয়া অমসুং দেঙ্গিগী তেস্তশিং তৌদুনা অসি চাওথোকহনখ্রে।

****