য়ুমলৈ-কৈরৈ মন্ত্রালয়
কেন্দ্রগী গৃহ মন্ত্রী, শ্রী অমিত শাহনা স্বামি বিবেকানন্দগী মফমদা মহাক্কী লৈখিদবগী কুমওন নুমিত্তা শ্রদ্ধাঞ্জলি কৎখ্রে
“স্বামি বিবেকানন্দ ভারত্তা মরৈবাক নীংবগী ৱাখল্লোন মপাঙ্গল কনখৎহল্লমবখক্তা নত্তনা ভারতকী নাৎকী মচৎনা মালেম পুম্ববু হেন্না মশক থোকহল্লমবা মরৈবাক নীংবা লাইনীংবা, ৱাখল খনবা অমদি মতিং লৈবা ৱা ঙাঙবা মীশক অমনি” – শ্রী অমিত শাহ
শ্রী অমিত শাহনা, মহৈ মশিং, মচীন-মনাও ওইবা অমদি মশান মশাবু শকখঙজবগী মতাংদা লৈরমবা স্বামি বিবেকানন্দগী ৱাখল্লোন ঙসিসু লেঙদনা লৈরি হায়না ফোঙদোকখি
স্বামি বিবেকানন্দনা ভারতকী নহারোলগী তৌবা ঙম্বা মতিংদা চাউনা থাজবা থম্লম্মী হায়না কেন্দ্রগী গৃহ মন্ত্রীনা হায়খি। নহাখক্তনা অচুমবা লম্বী পুথোক্তুনা লাক্কদৌরিবা মতমসিদা লৈবাকসিবু মপাঙ্গল কনখৎহনবা ঙমগনি হায়না মহাক্না থাজরম্মী।
“ঙসিমকসু, বিবেকানন্দ জিগী ৱাখল্লোন অমদি মওং মতৌশিংনা লৈবাক্কী থৌগলদা নহাশিংগী পুক্নীং থৌগৎপা লেপ্ত্রি। মহাক্কী লৈখিবদগী কুমওন থৌরমদা ঐনা মফমদা ইকোক নোঞ্জরি”: শ্রী অমিত শাহ
Posted On:
04 JUL 2020 1:59PM by PIB Imphal
কেন্দ্রগী গৃহ মন্ত্রী, শ্রী অমিত শাহনা স্বামি বিবেকানন্দ অসি ভারত্তা মরৈবাক নীংবগী ৱাখল্লোন মপাঙ্গল কনখৎহল্লম্বখক্তা নত্তনা ভারতকী নাৎকী মচৎনা মালেম পুম্ববু হেন্না মশক থোকহল্লমবা মরৈবাক নীংবা লাইনীংবা, ৱাখল খনবা অমদি মতিং লৈবা ৱা ঙাঙবা মীশক অমনি হায়না হায়খ্রে। ঙসি স্বামি বিবেকানন্দগী লৈখিদবগী কুমওন থৌরমদা মহাক্কী মফমদা শ্রদ্ধাঞ্জলি কৎলদুনা, শ্রী অমিত শাহনা ত্বীত অমদা হায়, “মহৈ মশিং, মচীন-মনাও ওইবা অমদি মশান মশাবু শকখঙজবগী মতাংদা লৈরমবা স্বামি বিবেকানন্দগী ৱাখল্লোন ঙসিসু লেঙদনা লৈরি।”
কেন্দ্রগী গৃহ মন্ত্রীনা হায়, “স্বামি বিবেকানন্দনা ভারতকী নহারোলগী তৌবা ঙম্বা মতিংদা চাউনা থাজবা থম্লম্মী”। “নহাখক্তনা অচুমবা লম্বী পুথোক্তুনা লাক্কদৌরিবা মতমসিদা লৈবাকসিবু মপাঙ্গল কনখৎহনবা ঙমগনি হায়বসি মহাক্না থাজরম্মী,” হায়না শ্রী অমিত শাহনা হায়খি। “ঙসিমকসু, বিবেকানন্দ জিগী ৱাখল্লোন অমদি মওং মতৌশিংনা লৈবাক্কী থৌগলদা নহাশিংগী পুক্নীং থৌগৎপা লেপ্ত্রি,” হায়না মহাক্না হায়খি। “মহাক্কী লৈখিবদগী কুমওন থৌরমদা ঐনা মফমদা ইকোক নোঞ্জরি” হায়না শ্রী অমিত শাহনা ফোঙদোকখি।
*****
(Release ID: 1636404)
Visitor Counter : 85