ঐ ঙসি অদোম পুম্নমক্কী মফমদা ইকোক নোনবা লাকচরিবনি। মরমদি অদোম্না অদুক্কী মতিক থৌনা ফনা মায়োক্নখি, ঐনা নুমিৎ খরনিগী মমাংদসু হায়জখিবদুনি ঐখোয়বু থাদোক্তুনা চৎখ্রবা অথৌবশিং অদু ইচম চম্না চৎখিবা নত্তে। অদোম পুম্নমক্না পুন্না অকনবা পাউখুমসু পীখি। হোয় অদোম শোকপদগী হোস্পিতালদা লৈরি, মরম অসিনা অদোম খঙলমদবা য়াই। অদুবু ইরৈচা করোর ১৩০না অদোমগীদমক অদুক্কী মতিক চাউথোকচবা পোক্লি। অদোমগী থৌনা অসিনা, অনৌবা মীরোলশিংদা থৌনা ফবগী ইথিল পীনবীরি অমসুং মরম অসিনা অদোমগী থৌনা, অদোমগী নতিক অমসুং অদোম্না তৌখিবা অদুনা ঐখোয়গী নহা ওইরিবা মীরোলদা, ঐখোয়গী ইরৈবাকচাশিংদা লাক্কদৌরিবা মতম কয়া অসি ইথিন পীনবীদুনা লৈরগনি। অদুগা ঙসি মালেমগী ওইরিবা ফিভম অসিদা, মফম অদুদা ভারতকী থৌনা ফবা লান্মীশিংনা অসিগুম্বা মতিক অসি উৎথোক্লি, অসিগুম্বা পাঙ্গলশিংগা মায়োক্নরি হায়বা পাউজেল অসি য়ৌখিবদা মালেম অসিনসু মদুগী জৱান অদু কনানো হায়বসি খঙনীংবনা লাংতক্নবা পোকই। মখোয়গী ত্রেনিং কয়াদা ফরিবা, মখোয়গী কৎথোকপা কয়াদা ৱাংলিবা। মখোয়গী কমিৎমেন্ত কয়াদা চাউরিবা। ঙসি মালেম অপুনবা অসি অদোমগী থৌনাগী এনলাইসিস তৌরি।

ঐ ঙসি শুপ্নগী অদোম্বু খুরুমজবা লাকচরিবনি। অদোম্বু শোকচদুনা, অদোম্বু য়েংজরগা অনৌবা থৌনা অমা পুদুনা চৎকদৌরিবনি, ইথিল অমা পুদুনা চৎকদৌরিবনি। অদুগা ঐখোয়গী ভারত মরোমদোম লেপচবা ঙম্নবা, মালেমগী থৌনা অমত্তগী মাংদা কোক নোন্দরি, কৈদৌঙৈদসু নোল্লোই।

ঐনা ৱাফম অসি অদোমগুম্বা অথৌবা মরূপশিংগী মপান্দগী হায়বা ঙমজরিবনি। ঐ অদোম্বুসু খুরুমজরি, অদোম্বু পোকপীরিবী অদোমগী থৌনা ফবী ইমাশিংবু খুরুমজরি। অসিগুম্বা থৌনা ফরবা লাল্লোইশিংবু পোকপীদুনা, য়োকপী থাকপীদুনা অমসুং লৈবাক্কীদমক পীথোক্লিবী অদুগুম্বী ইমাশিং অদুদা হন্না হন্না ইকোক নোঞ্জরি। অদুগুম্বী ইমাশিং অদুগীদমক অদুক্কী মতিক চাউথোকচরবসু, মখোয়দা কয়ারক ইকোক নোঞ্জরবসু অদুম্মক ৱাৎলগদবনি।

অমুক্কা হন্না মরূপশিং, অদোম অথুবা মতমদা ফবা ওইরসনু, অমসুং মশা-মউ ফনা, অমুক হন্না লাকশিনগনি, অমুক হন্না তেংবাং পীনগনি হায়বা ৱাখল্লোন অসিগা লোইননা ঐখোয় পুন্না চৎমিন্নরসি।

থাগৎচরি মরূপশিং।

***