ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ସରକାରଙ୍କ ସହ କେନ୍ଦ୍ର ସରକାର କୋଭିଡ-19କୁ ପ୍ରତିରୋଧ, ଧାରଣ ଏବଂ ପରିଚାଳନା ପାଇଁ ନିରନ୍ତର ଭାବେ କାର୍ଯ୍ୟ କରିଆସୁଛନ୍ତି । ମହାମାରୀର ମୁକାବିଲା ପାଇଁ ସ୍ୱାସ୍ଥ୍ୟ ଭିତ୍ତିଭୂମିକୁ ମଜବୁତ କରିବାରେ କେନ୍ଦ୍ର ସରକାରଙ୍କ ପ୍ରମୁଖ ଭୂମିକା ରହିଛି ।

କୋଭିଡ-19 ସୁବିଧା ବୃଦ୍ଧି ସହିତ, ରାଜ୍ୟ/କେନ୍ଦ୍ରଶାସିତ ଅଞ୍ଚଳଗୁଡିକୁ ସେମାନଙ୍କ ଉଦ୍ୟମକୁ ପ୍ରୋତ୍ସାହନ ଦେବାଲାଗି କେନ୍ଦ୍ର ସରକାର ମାଗଣାରେ ଚିକିତ୍ସା ଯୋଗାଣ ଉପଲବ୍ଧ କରାଉଛି । ଭାରତ ସରକାରଙ୍କ ଦ୍ଵାରା ଯୋଗାଇ ଦିଆଯାଉଥିବା ଅଧିକାଂଶ ଉତ୍ପାଦ ଦେଶରେ ଉତ୍ପାଦିତ ହେଉ ନଥିଲା ଏବଂ ମହାମାରୀ କାରଣରୁ ବିଶ୍ଵରେ ଏଗୁଡ଼ିକର ଚାହିଦା ଅଧିକ ରହିଥିଲା ଯାହା ଫଳରେ ବିଦେଶୀ ବଜାରରେ ଉପଲବ୍ଧତାରେ ଅଭାବ ଦେଖାଦେଇଥିଲା । 

ତଥାପି, ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ, ବୟନ ଏବଂ ଫାର୍ମାସ୍ୟୁଟିକାଲ୍ସ ମନ୍ତ୍ରଣାଳୟ, ଶିଳ୍ପ ଏବଂ ଆଭ୍ୟନ୍ତରୀଣ ବାଣିଜ୍ୟ ପ୍ରୋତ୍ସାହନ ବିଭାଗ, ପ୍ରତିରକ୍ଷା ଗବେଷଣା ଓ ବିକାଶ ସଂଗଠନ ଏବଂ ଅନ୍ୟାନ୍ୟଙ୍କ ମିଳିତ ପ୍ରୟାସରେ ଏହି ଅବଧି ମଧ୍ୟରେ ଘରୋଇ ଶିଳ୍ପକୁ ପିପିଇ, ଏନ95 ମାସ୍କ, ଭେଣ୍ଟିଲେଟର ଇତ୍ୟାଦି ଅତ୍ୟାବଶ୍ୟକ ଚିକିତ୍ସା ଉପକରଣ ଉତ୍ପାଦନ ଏବଂ ଯୋଗାଣ ପାଇଁ ଉତ୍ସାହିତ କରାଯାଇଛି । ଫଳରେ, 'ଆତ୍ମନିର୍ଭର ଭାରତ' ଏବଂ 'ମେକ ଇନ ଇଣ୍ଡିଆ' ଅଧିକ ଶକ୍ତିଶାଳୀ ହୋଇଛି ଏବଂ ଭାରତ ସରକାରଙ୍କ ଦ୍ୱାରା ଯୋଗାଇ ଦିଆ ଯାଇଥିବା ଅଧିକାଂଶ ସାମଗ୍ରୀ ଘରୋଇ ଉତ୍ପାଦିତ ।

ଏପ୍ରିଲ 1, 2020 ଠାରୁ, କେନ୍ଦ୍ର 2.02 କୋଟିରୁ ଅଧିକ ଏନ95 ମାସ୍କ ଏବଂ 1.18 କୋଟିରୁ ଅଧିକ ପିପିଇ କିଟ ସମସ୍ତ ରାଜ୍ୟ / କେନ୍ଦ୍ରଶାସିତ ଅଞ୍ଚଳ / କେନ୍ଦ୍ରୀୟ ଅନୁଷ୍ଠାନକୁ ମାଗଣାରେ ଯୋଗାଇ ଦେଇଛି । ଆହୁରି ମଧ୍ୟ, ସେମାନଙ୍କୁ 6.12 କୋଟିରୁ ଅଧିକ HCQ ବଟିକା ବଣ୍ଟନ କରାଯାଇଛି ।

ଏହାସହିତ, ଏପର୍ଯ୍ୟନ୍ତ 11,300 ‘ମେକ ଇନ ଇଣ୍ଡିଆ’ ଭେଣ୍ଟିଲେଟର ବିଭିନ୍ନ ରାଜ୍ୟ / କେନ୍ଦ୍ରଶାସିତ ଅଞ୍ଚଳ / କେନ୍ଦ୍ରୀୟ ଅନୁଷ୍ଠାନକୁ ପଠାଯାଇଛି, ସେଥିମଧ୍ୟରୁ 6154 ଭେଣ୍ଟିଲେଟର ବିଭିନ୍ନ ଡାକ୍ତରଖାନାକୁ ପଠାଯାଇଛି । ଭାରତ ସରକାର ମଧ୍ୟ ସେମାନଙ୍କର ସ୍ଥାପନ / ସମ୍ପାଦନକୁ ସୁନିଶ୍ଚିତ କରାଇଛନ୍ତି । ଏହା କୋଭିଡ ଆଇସିୟୁରେ ଭେଣ୍ଟିଲେଟର ଉପଲବ୍ଧତାର ବ୍ୟାପକ ବ୍ୟବଧାନକୁ ଦୂର କରିବାରେ ସାହାଯ୍ୟ କରିବ । ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ମଧ୍ୟ ରାଜ୍ୟ / କେନ୍ଦ୍ରଶାସିତ ଅଞ୍ଚଳକୁ 1.02 ଲକ୍ଷ ଅମ୍ଳଜାନ ସିଲିଣ୍ଡର ଯୋଗାଇଛନ୍ତି, ଯାହାମଧ୍ୟରୁ 72,293ଟି ଅମ୍ଳଜାନ ଶଯ୍ୟାକୁ ସୁଦୃଢ କରିବା ଲାଗି ଯୋଗାଇ ଦିଆଯାଇଛି ।

ଆଜିପର୍ଯ୍ୟନ୍ତ, ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଦ୍ଵାରା ଦିଲ୍ଲୀକୁ 7.81 ଲକ୍ଷ ପିପିଇ କିଟ ଓ 12.76 ଲକ୍ଷ ଏନ95 ମାସ୍କ, ମହାରାଷ୍ଟ୍ରକୁ 11.78 ଲକ୍ଷ ପିପିଇ କିଟ ଓ 20.64 ଲକ୍ଷ ଏନ95 ମାସ୍କ ଏବଂ ତାମିଲନାଡୁକୁ 5.39 ଲକ୍ଷ ପିପିଇ କିଟ ଓ 9.81 ଲକ୍ଷ ଏନ95 ମାସ୍କ ଯୋଗାଇ ଦିଆଯାଇଛି ।

କୋଭିଡ-19 ସମ୍ବନ୍ଧୀୟ ବୈଷୟିକ ତଥ୍ୟ, ମାର୍ଗଦର୍ଶିକା ଓ ନିୟମାବଳୀର ସୂଚନା ପାଇଁ ନିୟମିତ ପରିଦର୍ଶନ କରନ୍ତୁ: https://www.mohfw.gov.in/ ଏବଂ @MoHFW_INDIA ।

ଏ ସମ୍ପର୍କିତ ବୈଷୟିକ ପ୍ରଶ୍ନାବଳୀ technicalquery.covid19[at]gov[dot]in ଏବଂ ncov2019[at]gov[dot]in ଏବଂ @CovidIndiaSeva କୁ ପଠାଇ ପାରିବେ ।

କୋଭିଡ-19 ଜନିତ କୌଣସି ଜିଜ୍ଞାସା ପାଇଁ ଦୟାକରି ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ହେଲ୍ପଲାଇନ ନଂ : + 91-11-23978046 କିମ୍ବା 1075 (ଦେୟ ମୁକ୍ତ)ରେ ସମ୍ପର୍କ କରିପାରନ୍ତି । ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର କୋଭିଡ-19 ହେଲ୍ପଲାଇନ ନମ୍ବରଗୁଡ଼ିକର ତାଲିକା ନିମ୍ନ ୱେବସାଇଟ ରେ ଉପଲବ୍ଧ ।

https://www.mohfw.gov.in/pdf/coronvavirushelplinenumber.pdf

**********