কেন্দ্র সরকারনা রাজ্যশিং/য়ুতিশিংগা লোয়ননা কোবিদ-১৯ ঙাকথোক্নবা, লাকশিন্নবা অমসুং লায়েংনবা লেপ্পা লৈতনা থবক পায়খৎলি। কেন্দ্র সরকারগী মরুওইবা থৌদাংদি লাইচৎ অসি থেংননবা হকশেলগী মচাক—মথুমশিং মরাং কাইনা ফংহনবনি।

কেন্দ্র সরকারনা রাজ্য সরকারশিংদা লেম্না মেদিকেলগী পোৎলমশিং পীরি। ভারত সরকারনা পীরিবা পোৎলম অয়াম্বা হৌরকপদা লৈবাক অসিদা শাবা অমত্তা নত্তে অমসুং লাইচৎ অসি মালেমগী ওইনা শন্দোকপা মরম্না মপান লৈবাক্কী কৈথেলশিংদা য়াম্না তাংনা ফংখি।

অদুবু, হেল্থ অমসুং ফেমিলি ৱেলফিয়ার মিনিস্ত্রি, তেক্সতাইল মিনিস্ত্রি, ফার্মাসিতিকেল মিনিস্ত্রি, দিপার্তমেন্ত ফোর প্রোমোসন ওফ ইন্দস্ত্রি এন্দ ইন্তরনেল ত্রেদ, দিফেন্স রিছর্স এন্দ দিবলপমেন্ত ওর্গনাইজেসন(দি আর দি ও) অমসুং অতোপ্পশিংনা কন্না হোৎনবদগী লৈবাক অসিদা পি.পি.ইশিং, এন৯৫ মাক্সশিং, ভেন্তিলেতরশিং শারে। ‘অত্মানির্ভর ভারত’ অমসুং ‘মেক ইন ইন্দিয়া’গী মহৈ ওইনা ভারত সরকারনা পীরিবা পোৎলম অয়াম্বা লৈবাক অসিদা শাজবনি।

২০২০গী এপ্রিল ১দগী কেন্দ্র সরকারনা রাজ্যশিংদা লেম্না এন ৯৫ মাক্স ক্রোর ২.০২ অমসুং পি.পি.ই কিত ক্রোর ১.১৮ য়েন্থোকখ্রে। লোয়ননা রাজ্যশিংদা ঐচ সি ক্বিউ তেব্লেত ক্রোর ৬.১২ হেন্না য়েন্থোকখ্রে।

মসিগী মথক্তা, হৌজিক ফাওবদা ভারত্তা শাবা ভেন্তিলেতর ১১,৩০০ রাজ্যশিংদা য়েন্থোকখ্রে , মসিগী মনুংদা তোঙান-তোঙানবা হোস্পিতালশিংদা ভেন্তিলেতর ৬১৫৪ মমাংদা য়েন্থোকখ্রে। ভেন্তিলেতরশিং পানখৎপা অমসুং শীজিন্নবা হৌবগী থবকশিং ভারত সরকারনা পাংথোকলি। হেল্থ অমসুং ফেমিলি ৱেলফিয়ার মিনিস্ত্রিনা রাজ্যশিংদা ওক্সিজেন সিলিন্দর লাখ ১.০২ পীখ্রে, মসিগী মনুংআ ৭২,২৯৩ ওক্সিজেন বেদশিংদা শীজিন্নরি।

হৌজিক ফাওবদা , দিল্লিদা পি.পি.ই লাখ ৭.৮১ অমসুং এন ৯৫ মাক্স লাখ ১২.৭৬ , মহারাস্ত্রাদা পি.পি.ই লাখ ১১.৭৮ অমসুং এন ৯৫ মাক্স লাখ ২০.৬৪ অমসুং তামিল নাদুদা পি.পি.ই লাখ ৫.৩৯ অমসুং এন ৯৫ মাক্স লাখ ৯.৮১ মিনিস্ত্রিনা পীখ্রে।

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in দা চংবীয়ু।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক   technicalquery.covid19[at]gov[dot]in  দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা  @CovidIndiaSeva শীজিন্নবা য়াগনি।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু। কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি।

*****