অশোই-অঙাম থোক্তনবা চৎন-পথাপশিং মপুংফানা ঙাক্তুনা কেন্দ্রনা ঙাক্লিবা মোনুমেন্তশিং জুলাই ৬, ২০২০দগী হাংদোক্নবা কলচর মিনিস্ত্রি অমসুং আর্কিওলোজিকেল সর্ভে ওফ ইন্দিয়া(এ এস আই)না ৱারেপ লৌরে হায়না কলচর অমসুং তুরিজমগী (মনিংতম্বা) রাজ্য মন্ত্রী প্রহলাদ পতেলনা লাউথোকখ্রে । মহাক্না হায়খি লাইচৎ শন্দোক্তবা মফমদা লৈবা মোনুমেন্তশিং/মিউজমশিং খক মীয়াম য়েংনবা হাংদোক্কনি । কেন্দ্রনা ঙাক্লিবা মোনুমেন্তশিং অমসুং মফমশিং সেনিতাইজেসন তৌগনি অমসুং মীয়াম থাপ্না লৈহনগনি অমসুং হোম এফেয়ার্স মিনিস্ত্রি অমসুং হেল্থ অমসুং ফেমিলি ৱেলফিয়ার মিনিস্ত্রিগী অতৈ চৎন-পথাপশিং ঙাক্কনি । রাজ্যশিং/দিস্ত্রিক এদমিনিস্ত্রেসনশিংনা পীরকপা অকক্নবা ওর্দরশিংসু চৎনগনি ।

सांची (मध्यप्रदेश),पुराना किला (दिल्ली),खजुराहो (विश्व धरोहर) के प्रतीकात्मक चित्र।मैने @MinOfCultureGoI @ASIGoI के साथ निर्णय लिया है कि आगामी ६जुलाई से सभी स्मारकों को पूर्णसुरक्षा के साथ खोले जा सकता है @PMOIndia @JPNadda @incredibleindia @tourismgoi @MinOfCultureGoI @BJP4MP pic.twitter.com/opPzj5Mg7l

— Prahlad Singh Patel (@prahladspatel) July 2, 2020

হায়রিবা মোনুমেন্তশিং অসি কোবিদ-১৯ লাইচৎ শন্দোরকপদগী থিংজিনখিবনি । এ.এস.আইগী মখাদা কেন্দ্রনা ঙাকশেনবা মোনুমেন্ত পুন্না ৩৬৯১ লৈবগী মনুংদা লাইশঙশিং য়াওনা কেন্দ্রনা ঙাকশেনবা মোনুমেন্ত ৮২০ মাংজৌননা জুন ৮, ২০২০দগী হাংদোকপা হৌখ্রে ।

কেন্দ্রনা ঙাক্লিবা মোনুমেন্তশিং/মিউজমশিং হাংদোক্নবগীদমক আর্কিওলোজিকেল সর্ভে ওফ ইন্দিয়ানা ফোংবা এস.ও.পী.গীদমক লিঙ্ক অসিদা নম্বীয়ু :  

Click the link for Instructions for visitors

*****