ରସାୟନ ଓ ସାର ମନ୍ତ୍ରଣାଳୟ
ଜୁନ 30, 2020ରେ ଗୋଟିଏ ଦିନରେ ରେକର୍ଡ ସଂଖ୍ୟକ 73 ରେକ ସାର ପଠାଯାଇଛି
• ଉଲ୍ଲେଖନୀୟ ସଫଳତା ପାଇଁ ସାର ବିଭାଗକୁ ଅଭିନନ୍ଦନ ଜଣାଇବା ସହ ରେଳବାଇକୁ ପ୍ରଶଂସା କରିଛନ୍ତି ଶ୍ରୀ ଗୌଡା
Posted On:
02 JUL 2020 4:12PM by PIB Bhubaneshwar
କେନ୍ଦ୍ର ରସାୟନ ଓ ସାର ମନ୍ତ୍ରୀ ଶ୍ରୀ ଡି.ଭି. ସଦାନନ୍ଦ ଗୌଡା ଆଜି ସାର ବିଭାଗର ଅଧିକାରୀମାନଙ୍କୁ ଅଭିନନ୍ଦନ ଜଣାଇବା ସହ ଜୁନ 30, 2020ରେ ଗୋଟିଏ ଦିନରେ 73 ରେକ ସାର ପଠାଇବାରେ ସାହାଯ୍ୟ କରିଥିବାରୁ ରେଳ ମନ୍ତ୍ରଣାଳୟକୁ କୃତଜ୍ଞତା ଜଣାଇଛନ୍ତି । ଆଜିସୁଦ୍ଧା, ଗୋଟିଏ ଦିନରେ ଏତେ ସଂଖ୍ୟକ ସାର ରେକ ପଠାଯିବାର ଏହା ଏକ ରେକର୍ଡ ବୋଲି ସେ ପ୍ରକାଶ କରିଛନ୍ତି ।
ଚଳିତ ବର୍ଷ ଜୁନ ମାସ ମଧ୍ୟରେ, ଦିନକୁ ହାରାହାରି 56.5 ରେକ ସାର ପଠାଯାଉଥିଲା । ଏହା ମଧ୍ୟ ଏକ ଐତିହାସିକ ରେକର୍ଡ । କୌଣସି ଜୁନ ମାସରେ ଏତେ ସଂଖ୍ୟକ ସାର ରେକ ପଠାଯାଇନଥିଲା ।
ସେ ଆହୁରି ମଧ୍ୟ କହିଛନ୍ତି ଯେ, ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ସରକାର ଚାଷୀଙ୍କୁ ଉପଯୁକ୍ତ ସମୟରେ ସାର ଉପଲବ୍ଧ କରିବାକୁ ପ୍ରତିଶ୍ରୁତିବଦ୍ଧ । ଚଳିତ ଖରିଫ ଋତୁ ପାଇଁ ଏପର୍ଯ୍ୟନ୍ତ କେନ୍ଦ୍ର ସରକାର ରାଜ୍ୟ ସରକାରମାନଙ୍କ ସହ ନିବିଡ ଭାବେ ସମନ୍ୱୟ ରକ୍ଷା କରି ସାରା ଦେଶରେ ଚାଷୀଙ୍କୁ ପର୍ଯ୍ୟାପ୍ତ ପରିମାଣର ସାର ଯୋଗାଣକୁ ସୁନିଶ୍ଚିତ କରିଛନ୍ତି ।
**********
(Release ID: 1636036)
Visitor Counter : 229