লৈবাক অসিদা কোবিদ-১৯গী তেস্ত তৌখিবা মীওইগী অপুনবা মশিং কোতি অমা য়ৌরক্লগনি।

অপনবা পীরম্বা কয়া সরকারনা লৌথোকখিবনা মরম ওইদুনা মসি ওইথোকপনি। কেন্দ্র সরকারনা লৌখৎপা খোংথাং কয়ানা কোবিদ-১৯ তেস্ত তৌবা হেনগৎনবা লম্বেল ফাৎখ্রে।

হৌজিক ফাওবদা থুনা য়াংনা শন্দোরক্লিবা দাইগনোস্তিক তেস্তিং নেতৱার্ক অমগী খুত্থাংদা তেস্ত ৯০,৫৬,১৭৩ তেস্ত তৌখ্রে। লৈবাক অসিদা হৌজিক তেস্তিং লেব ১০৬৫ লৈরে মসিদা সরকারগী ৭৬৮ অমসুং লনাই লেব ২৯৭ য়াওরি। নোংমদা তেস্ত তৌবগী চাং অসিসু হেনগৎলক্লি। কোবিদ-১৯গী ঙরাং মীওই ২,২৯,৫৮৮রোম তেস্ত তৌখি।

কেন্দ্র সরকারগী শীংথানিংঙাই ওইবা খোংথাং অমগী খুত্থাংদা, সরকারগী দোক্তর নত্রবসু রেজিস্তর তৌরবা প্রেক্তিসনর অমা হেক্তনা পীবা প্রেস্ক্রিপসননা কোভিদ-১৯গী তেস্ত তৌবা য়ারগনি। লনাই প্রেক্তিসনরশিং য়াওনা মতিক চারবা মেদিকেল প্রেক্তিসনর পুম্নমক য়াওশিন্দুনা অথুবদা তেস্ত তৌবা হেনগৎহন্দুনা আই.সি.এম.আর.গী গাইদলাইনশিংগী মতুং ইন্না তেস্ত তৌবগী ক্রাইতেরিয়া অদু ঙাক্লগা মীওই অমা হেক্তদা কোবিদ-১৯গী তেস্ত তৌবা ফংহন্নবা স্তেৎশিং/য়ু.তি.শিংনা খুদক্তা খোংথাংশিং লৌখৎনবা কেন্দ্রনা অকন্নবা য়াথং পীখ্রে।

‘তেস্ত-ত্রেক-ত্রীৎ’ অসি লায়চৎ অসি ঙন্না খঙদোক্নবা অমসুং লাকশিন্নবা মরু ওইবা ললোংনি হায়বা অদু নৌনা নিংশিংহন্দুনা কেন্দ্রনা স্তেৎশিং/য়ু.তি.শিংদা লৌখৎপা য়াবা খোংথাং পুম্নমক লৌখত্তুনা স্তেৎ/য়ু.তি. অদুদা লৈরিবা কোবিদ-১৯ তেস্ত তৌনবা লেবোরেতোরী পুম্নমক মপুং ফানা শীঝিন্ননবা খঙহনখ্রে। মসিনা লেব পুম্নমক মরু ওইনা লনাইগীশিং অসি মপুং ফানা মথৌ তৌহন্দুনা মীয়ামদা চাওনা কান্নবা পীবা ঙম্লগনি।

অচৌবা খোংথাং অমগী খুত্থাং, আই.সি.এম.আর.গী গাইদলাইনশিংগী মতুং ইন্না লেবোরেতোরীশিং অসিনা মীওই অমা হেক্তা তেস্ত তৌবা য়ানবা আই.সি.এম.আর.না কন্না হায়রি অমসুং স্তেৎকী ওথোরিতিনা মীওই অমবু তেস্ত তৌবদা অথিংবা থম্লোইদবন মরমদি ঙন্না তেস্ত তৌবনা ভাইরস অসি লাকশিনবা অমসুং পুন্সি কনবা ঙমগনি।

আর.তি.-পি.সি.আর.গী মথক্তা কোবিদ-১৯ দাইগনোসিস তৌনবা খ্বাইদগী ফবা ওইরিবা রেপিদ এন্তিজেন পোইন্ত-ওফ-ক্যের শীজিন্নদুনা তেস্ত তৌবা চাওনা হেনগৎনবা ভারত সরকারনা স্তেৎশিংদা খঙহনখ্রে। আই.সি.এম.আর.না তেস্ত তৌবগী পীবা ক্রাইতেরিয়াগী মতুং ইন্না, রেপিদ এন্তিজেন অসি অথুবা, অচম্বা, খুদোংথিদবা ওই অমসুং কন্তেনমেন্ত জোনশিং লোয়ননা হোস্পিতালশিংদা শীজিন্নবা য়াগনি। আই.সি.এম.আর.না অসিগুম্বা কিৎশিং অসি ভেলিদেৎ তৌরিবা অসি প্রজাশিংদা মখল কয়া ফংহনবা হেনগৎনবনি।

মোবাইল ভেন শীজিন্নদুনা, তেস্তিং কেম্পশিং শিন্দুনা ‘কেম্পেন মোদ’তৌদুনা তেস্ত তৌবগী খুদোংচাবা চাওনা ফংহন্নবা কেন্দ্রনা স্তেৎশিং/য়ু.তি.শিংদসু হায়খ্রে। মসিনা মশিং য়াম্না নাবা মফমশিংদা লৈবা লাইওং উৎপা মীওই পুম্নমক লোয়ননা মখোয়গী কন্তেক্তশিংগী য়ুমদা কোবিদ-১৯গী তেস্ত তৌনবা সেম্পলশিং লৌবা মপুং ফানা য়ারগনি অমসুং হায়রিবা সেম্পলশিং অসি রেপিদ এন্তিজেন তেস্তশিং শীজিন্নদুনা তেস্ত তৌগনি।

*****