চহি খর অসিদা দিল্লীগী এয়র ক্বালিতি ইন্দেক্স (এ.ক্যু.আই.) অসি ফত্তবা হেনজিল্লক্লি। নই দিল্লীগী আই.তি.ও. ক্রোসিং অসি মরুওইনা নুংশিৎ শেংদবগী থাক য়াম্না ৱাংনা লৈরি। ফিবম অসি থেংননবা বহাদুর সাহ জাফর মার্গতা লৈবা কম্পত্রোল্লর এন্দ ওদিতর জেনেরেল ওফ ইন্দিয়াগী ওফিস পার্কতা সহরগী উমং অমা শেমগৎলে।

লম পীকপা অসি য়েংলগা , উমং শেমগৎপদা মফম অদুদা ফংবা মচাকশিং শীজিন্নরি। মফম অদুদা ফংবা উশিং থাদুনা উমং শেমগৎলি অমসুং মসিনা অকোয়বগী ফিবম ঙাকপা অমসুং মহৌশাগী অমাং-অতাশিং থোকপদগী কনবা ঙমগনি।

উমং হাংদোকপা থৌরমদা ইনভাইরনমেন্তকী য়ুনিয়ন মিনিস্তর প্রকাস জাবারেকরনা হায়খি মদুদি উমং অসিদা পাম্বী মখল ৫৯গী উ চারা ১২০০০ থাদুনা য়াম্না কুংবা সহরগী উমং অমা ওইরগনি।

সহরগী উমংগী কান্নবগী মতাংদা মিনিস্তরনা হায়খি, মখোয় সহরশিংগী থবোম্বীশিংনি, ওক্সিজেন থমফম অমসুং কার্বোন চুপশিনফম ওইনা থবক তৌরি। উমং শেমগৎপদা মিয়াৱাকি মেথোদ শীজিন্নবা অসিনা শাবগী চাং দিগ্রি ১৪ হন্থহনগনি অমসুং ঈশিং মনিলগী চাং চাদা ৪০ হেনগৎহনগনি।

The urban forest with 12,000 seedlings of 59 indigenous species will act as a role model for offices in Delhi.Happy to note that Miyawaki method of forest creation is used which could help in reducing the temp. by as much as 14 degree & increase the moisture by more than 40%. pic.twitter.com/JDE4TvkKnZ

— Prakash Javadekar (@PrakashJavdekar) July 2, 2020

ঈশিং চাইদুনা অমসুং নাপী পেংথোক্তুনা থম্বদা সহরগী উমং ২০২১গী ওক্তোবরদগী মশা-মরোমদোম হিংজবা ঙম্লগনি। সহরগী উমংনা অকোয়গী ফিবম শেমগৎতুনা উচেকশিং, খোইশিং, কুরাকশিং অমসুং অপীকপা থৱায় পানবশিংগী লৈফম অমুক হন্না শেমগৎকনি। উমংশিং অসি মহৈ-মরোংশিং অমসুং উহৈ-ৱাহৈগী পোলিনেসন তৌনবগী তঙাইফদবনি।

লম একর ১ হেন্না পাকপা মফমদা অশুকপা উমং অমা শেমগৎলে। মরোল কয়া লৈবা উমং অসিদা অপীকপা পাম্বীশিং, য়াইমরপ ওইবা উ পাম্বীশিং অমসুং অচৌবা উশিং য়াম্না চেকশিন্না থারি।

উমং অসিদা থারিবা অতাংবা পাম্বী খরগী মনুংদা এনোজৈসস পেন্দুলা, বিসতেন্দু , চামরোদ, দুধি, কাইম, পালাস, খেজরি, অরনি , ফালসা, খাজুর অমসুং মারোদফালি য়াওরি। পাম্বী মখলশিং অসি দিল্লীগী লৈবাক-লৈহাও অমসুং ঈশিং-নুংশিৎতা চারবা ঙাক্তনি।

সহরগী উমং শেমগৎপা অসিনা মাঙখ্রবা উমং অমুক হন্না শেমগৎনবগী পাউজেল অমা পীরে। লমদম অসিগী মহৌদগী লৈরকলবা পাম্বীশিং থাবা অমসুং উমং অমুক হন্না শেমগৎনবা প্রোজেকশিং পায়খৎপা মতম অসিদা তঙাইফদবা ওইরে। থবক অসিনা অকোয়গী খল চানা থম্বদা মতেং পাংগনি হায়বা সি.এ.জি. ওফিসনা থাজবা থম্বদগী থবকশিং অসি পায়খৎলকপনি। মসি অপীকপা অমা ওইরবসু দিল্লীগী অকোয়বগী ফিবম ফগৎহনবদা য়াম্না চাউবা মতেং অমনি , মসিনা মীওই কয়া ইথিল পীগনি অমসুং মখোয়গী অকোয়বগী ফিবম অমুক শেমগৎহনগনি।

হন্দক পাংথোকখিবা ৱাল্দ ইনভাইরোনমেন্ত নুমিৎ থৌরমদা মথং চহি ৫দা লৈবাক শীনবা থুংনা সহরগী উমং ২০০ শেমগৎনবা নগর বন স্কিম পায়খৎনবা সরকারনা লাউথোকখি। স্কিম অদু মীয়ামগা লোয়ননা ফোরেস্ত দিপার্তমেন্ত, মিউনিসিপাল বোদিশিং, এন জি ওশিং, কোরপোরেতশিং অমসুং লৈকাইগী মীয়ামগা লোয়ননা পায়খৎকদবনি।

****