কোবিদ-১৯ লাকশিন্নবা অমসুং লায়েংনবা ভারত সরকার অমসুং রাজ্যশিং/য়ুতিশিংনা পুন্না অকনবা থবকশিং পায়খৎপদগী কোবিদ-১৯ অনাবা মীওইশিংগী মরক্তা ফরকপগী চাদা হৌজিক চাদা ৬০ য়ৌরে।

হৌজিক ফাওবদা কোবিদ-১৯ এক্তিব কেস মশিংগী হেন্দুনা মীওই ১,১৯,৬৯৬ অনাবা ফরে।

হৌজিক এক্তিব কেস ২,১৫,১২৫ লৈরি অমসুং পুম্নমক মেদিকেলগী চেকশিন-থৌরাং মখাদা লায়েংলি অমসুং অনাবা ৩,৩৪,৮২১ দিসচার্জ তৌখ্রে। মসিনা মরম ওইদুনা কোবিদ-১৯ অনাবা মীওইশিংগী মরক্ত ফরকপগী চাং চাদা ৫৯.০৭ য়ৌরে।

হৌখিবা পুং ২৪দা কোবিদ-১৯ অনাবা মীওই ১৩,০৯৯ অনাবা ফরে। হৌজিক চাংয়েং তৌনবা লেব মশিং লেপ্তনা হেনগৎলি। হৌজিক ভারত্তা কোবিদ-১৯ চাংয়েং তৌনবা লেব ১০৪৯ লৈরে। মসিগী মনুংদা সরকারগী ৭৬১ অমসুং লনাইগী লেব ২৮৮ নি।

লেবোরেতোরিশিং অদু মখাদা পীরি :

রিএল-তাইম আর তি পি সি আর তেস্তিং লেবস : ৫৭১(সরকার :৩৬২+লনাই: ২০৯)     

ত্রুনেত তেস্তিং লেবস : ৩৯৩(সরকার : ৩৬৭ + লনাই : ২৬)   

সি বি এন এ এ তি তেস্তিং লেব : ৮৫ (সরকার :৩২+লনাই:৫৩)         

চাংয়েং তৌবগী থবকসু কনখৎহল্লে। হৌখিবা পুং ২৪দা সেম্পল ২,১০,২৯২ চাংয়েং তৌখি। হৌজিক ফাওবদা অপুনবা সেম্পল ৮৬,০৮,৬৫৪ চাংয়েং তৌখ্রে।

কোবিদ-১৯ লাইচৎ মনুংদা অশোই-অঙাম থোক্তনা ঈ পীবগী থবকশিং পাংথোক্নবা অনিশুবা মরক্কী ওইবা চৎন-কাংলোন অমা হেল্থ অমসুং ফেমিলি ৱেলফিয়ার মিনিস্ত্রিগী মখাদা লৈবা নেসনেল ব্লদ ত্রান্সফুজন কাউন্সিলনা থোকলে।

অকুপ্পা মরোলশিং মসিদা ফংগনি :

https://www.mohfw.gov.in/pdf/2ndNBTCGuidanceinLightofCOVID19Pandemic.pdf

কোবিদকী দরকার ওইবা লমচৎ-শাজৎকী চৎন-পথাপ অমা মিনিস্ত্রিনা ফোংলে অমসুং মদু https://www.mohfw.gov.in/pdf/Illustrativeguidelineupdate.pdf দগী ফংগনি।

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in দা চংবীয়ু।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু। কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি।

*****