য়ুমলৈ-কৈরৈ মন্ত্রালয়

হোম এফিয়র্স মন্ত্রালয় (এম.ঐচ.এ)না অনলোক ২গী অনৌবা গাইদলাইনশিং লাউথোকখ্রে

অনলোক ২না কন্তেনমেন্ত জোনশিংগী ৱাংমগী থবক থৌরম কয়াদা অথিংবা কোমথোক্লগনি

কন্তেনমেন্ত জোনশিংদা লোকদাউন থমখিগনি

Posted On: 29 JUN 2020 9:28PM by PIB Imphal

কেন্দ্রগী হোম এফিয়র্স মন্ত্রালয় (এম.ঐচ.এ)না কন্তেনমেন্ত জোনশিংগী মনুং চন্দবা মফমশিংগী থবক থৌরম কয়াদা অথিংবা কোমথোক্নবা অনলোক ২গী অনৌবা গাইদলাইনশিং লাউথোকখ্রে। অনৌবা গাইদলাইনশিং অসি জুলাই ১, ২০২০দগী চৎনবা হৌরগনি, তাঙ্কক নাইবা মওংদা থবক থৌরমশিং অমুক হন্না হাংনবগী থৌরাং মখা চৎথখ্রে। স্তেৎ অমদি য়ু.তি. পুম্নমক্তগী পীরকপা ফীদবেক নৈনরবা মতুং মরী লৈনবা কেন্দ্রগী মন্ত্রালয়শিং অমসুং বিভাগশিংগা লোয়ননা কুপ্না তান্নরগা অনৌবা গাইদলাইনশিং অসি ঙসি ফোঙখি।

৩০.০৫.২০২০দা থোকখিবা অনলোক ১গী ওর্দর অমসুং গাইদলাইনশিংদা থমখিবগী মতুং ইন্না, মখল কয়াগী থবক থৌরমশিং মদুদি লাইনিং-লাইশোনগী মফমশিং অমসুং মীয়ামগী লাইখুরুম্ফমশিং; হোতেলশিং, রেস্তোরেন্তশিং অমসুং অতোপ্পা হোস্পিতেলিতি সর্ভিসশিং; অমসুং শোপ্পিং মোলশিং; কন্তেনমেন্ত জোনশিংদা জুন ৮, ২০২০দগী হান্ননা অয়াবা পীখ্রে। স্তেন্দর্দ ওপরেতিং প্রোসিজরশিং (এস.ও.পি.শিং)গী অকুপ্পা ৱারোলসু ফোঙখ্রে।

অনলোক ২গী অনৌবা গাইদলাইনশিংগী মরু ওইবা ৱারোলশিং

  • দোমেস্তিক ফ্লাইৎশিং অমসুং পেসেঞ্জর পুবা ত্রেনশিং হান্নদগী হৌনা অককনবা মওংদা চল্লাইনবা অয়াবা পীখ্রে। চান্নবা মওং অমদা চল্লাইদুনা মখা তানা হেনগৎহল্লগনি।
  • নুমিদাংদা থম্বা কর্ফিয়ুগী মতম তেনশিন্দুনা নুমিদাং পুং ১০দগী অয়ুক পুং ৫ ফাওবা লৈরগনি। ‌মখা তানা, ইন্দস্ত্রিএল য়ুনিৎশিংগী সিফ খায়দোক্তুনা চল্লাইবা অসিদা অপনবা পীদনবা, নেস্নেল অমসুং স্তেৎকী হাইৱেজশিংদা মী অমসুং পোৎ পুবগী চৎথোক চৎশিন তৌনবা, বসশিং, ত্রেনশিং অমসুং এয়রপ্লেনশিংদগী হল্লক্লবা মতুংদা কার্গোগী লোদিং অমসুং অনলোন্দিং তৌবা অমদি মীওইশিংনা মখোয়গী লৈফমশিংদা চৎথোক চৎশিন তৌনবা অসিগীদমক নুমিদাংগী কর্ফিয়ু অসিনা অথিংবা লৈরোই।
  • দুকানশিংনা মখোয়না লৈরিবা মফমশিংগী মতুং ইন্না, মতম অমদা মীওই ৫দগী হেন্না চংবা য়াগনি। অদুম ওইনমক, মখোয়না ফিজিকেল দিস্তেন্স থম্বদি মথৌ তাই।
  • কেন্দ্রগী অমসুং স্তেৎ সরকারশিংগী ত্রেনিং ইন্সতিত্যুৎশিং জুলাই ১৫, ২০২০দগী মথৌ পাঙথোকপা হৌরগনি। হীরম অসিগা মরী লৈনবা এস.ও.পি. ভারত সরকারগী পর্সনেল অমসুং ত্রেনিংগী বিভাগনা ফোঙলগনি।
  • স্তেশিং অমসুং য়ু.তি.শিংগা কুপ্না তান্নরবা মতুংদা, স্কুলশিং, কোলেজশিং অমসুং মহৈ তম্ফম লোইশঙ পুম্নমক জুলাই ৩১, ২০২০ ফাওবা থোঙ লোনখিগনি।
  • ভন্দে ভারত মিসনগী মখাদা অকক্নবা মওং অমদা ইন্তর্নেস্নেল এয়র ত্রাবেল তৌরিবা পেসেঞ্জরশিং লাকপা য়াহনখ্রে। চান্নবা মওং অমদা মখা তানা চৎথবা হৌরগনি।
  • মখাদা পীরিবা অসি নত্তনা কন্তেনমেন্ত জোনশিংগী ৱাংমদা থবক থৌরমশিং অসিদা অয়াবা পীখ্রে:
  1. মেত্রো রেল।
  2. সিনেমা হোলশিং, জিম্নাসিয়মশিং, স্বিমিং পুলশিং, ইন্তরতেনমেন্ত পার্কশিং, থেতরশিং, বারশিং, ওদিতোরিয়ম, এসেমব্লি হোলশিং অমসুং মান্নবা মফমশিং।
  3. সোসিএল/ পোলিতিকেল/ স্পোর্তস/ এন্তর্তেনমেন্ত/ একাদমিক/ কলচরেল/ লাইনিং লাইশোনগী থৌরমশিং অমসুং অতোপ্পা অচৌবা লাইনিং লাইশোনগা মরী লৈননা মীপুনবা।

ফীভম অসি য়েংশিল্লগা হায়রিবশিং অসিগী হাংনবগী মতমশিং তোঙান তোঙাননা লেপকনি।

  • কন্তেনমেন্ত জোনশিংদা জুলাই ৩১, ২০২০ ফাওবা লোকদাউন ঙাক্না চৎনবা থৌরাং লৌখৎকনি। হকশেল অমসুং য়াইফ য়ুম্বাল মন্ত্রালয়না (এম.ও.ঐচ.এফ.দবল্যু.) পীবা গাইদলাইনশিংগী মতুং ইন্না, কোবিদ-১৯ শন্দোকপা থিংনবা স্তেৎ/য়ু.তি. সরকারশিংনা কন্তেনমেন্ত জোনশিং চেকশিন্না খায়দোকপা মথৌ তাই। কন্তেনমেন্ত জোনশিংগী মনুংদা পেরিমিতর কন্ত্রোলগী চেকশিন থৌরাং লৌখৎতুনা অমসুং তঙাই ফদবা থবক থৌরমশিং খক্তা অয়াবা পীগদবনি।
  • হায়রিবা কন্তেনমেন্ত জোনশিং অসি মশা-মশাগী দিস্ত্রিক্ত কল্লেক্তরশিং অমসুং স্তেৎশিং/য়ু.তি.শিংনা ৱেবসাইৎশিংদা থাগৎকনি অমসুং ই-পাউ অদুসু এম.ও.ঐচ.এফ.দবল্যু.গা লোয়ননা খঙমিন্নগনি।
  • স্তেৎ/য়ু.তি. ওথোরিতিশিংনা কন্তেনমেন্ত জোনশিংগী থবক থৌরমশিং কুপ্না য়েংশিনগনি অমসুং জোনশিং অসিগী কন্তেনমেন্ত তৌনবা খোংথাংশিংগা মরী লৈনবা গাইদলাইনশিং চেকশিন্না লৌখৎকনি।
  • এম.ও.ঐচ.এফ.দবল্যু.না কন্তেনমেন্ত জোনশিং খায়দোকপা অমসুং কন্তেনমেন্ত তৌনবা খোংথাংশিং অসি মপুং ফানা লৌখৎপরা য়েংশিনগনি।

কন্তেনমেন্ত জোনশিংগী ৱাংমগী থবক থৌরমশিং স্তেৎনা লেপচগনি

  • ফীভমগী মতুং ইন্না স্তেৎশিং অমসুং য়ু.তি.শিংনা কন্তেনমেন্ত জোনশিংগী ৱাংমদা থবক থৌরম কয়াদা অথিংবা থম্বা নত্রগা মথৌ তাবগী মতুং ইন্না অথিংবশিং থমগনি।
  • অদুম ওইনমক, স্তেৎ মনুং অমসুং মপানদা মী অমসুং পোৎ পুবগী চৎথোক চৎশিন তৌবদা অথিংবা লৈরোই। হায়রিবা অসিগী চৎথোক-চৎশিনশিং তৌবদা পরমিসন/এপ্রুবেল/ই-পরমিৎ তোঙাননা লৌবা মথৌ তাদে।

নুমিদাংগী কর্ফিয়ু

  • অনলোক ২দা পীরিবা তঙাই ফদবা থবক থৌরমশিং অমসুং কোমথোকপা অসি নত্তনা নুমিদাংগী কর্ফিয়ু মখা তানা নুমিদাং পুং ১০দগী অয়ুক পুং ৫ ফাওবা লৈখিগনি

নেস্নেল দিরেক্তিবস ফোর কোবিদ-১৯ মেনেজমেন্ত

  • সোসিএল দিস্তেন্সিং থম্বগা লোয়ননা লৈবাক পুম্বদা নেসনল দিরেক্তিব ফোর কোবিদ-১৯ মেনেজমেন্ত ঙাক্না চৎকদবনি। দুকানশিংনা কস্তমরশিংগী মরক্তা লৈগদবা ফিজিকেল দিস্তেন্সিং অদু থম্বা মথৌ তাগনি। এম.ঐচ.এ.না নেসনল দিরেক্তিবশিং অসি মপুং ফানা ইমপ্লিমেন্ত তৌবরা য়েংশিনগনি।

নারকপা য়াবা মীওইশিংগীদমক চেকশিন থৌরাং

  • নারকপা য়াবা মীওইশিং মদুদি চহি ৬৫গী মথক্কী মীওইশিং, কো-মোর্বিলিতিশিংগা লোয়নরিবা মীওইশিং, মীরোল্লিবী নু্পীশিং, অমসুং চহি ১০গী মখাগী অঙাংশিং, তঙাইফদবশিংগী অমসুং হকশেলগী ওইবা হীরমশিংগী নত্তনা য়ুমদগী মপান থোক্তবা।

আরোগ্যা সেতু শীজিন্নবা

  • আরোগ্যা সেতু মোবাইল এপ অসি শীজিন্ননবা লেপ্পা লৈতনা থৌগৎগদবনি।

এম.ঐচ.এ.গী দাইদলাইনশিং য়েংনবা মসিদা ক্লিক তৌবিয়ু

*****



(Release ID: 1635261) Visitor Counter : 13