(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• এক্তিব কেস মশীংগা রিকোবর্দ কেস মশীংগগী মরক্তা লৈবা খেন্নবসি ঙসিফাওবদা ১,১১,৬০২ ওইখ্রে।
• মীওই ৩,২১,৭২২ কোবিদ-১৯দগী নাবা ফখ্রে। কোবিদ-১৯ অনাবশিংগী মরক্তগী রিকোবরী রেৎনা ৫৮.৬৭% য়ৌরে। হৌখিবা পুং ২৪ অসিদা অনাবা কোবিদ-১৯ অনাবা ১২,০১০ নাবা ফখ্রে।
• তেস্ত তৌখিবগী অপুনবা মশীং হৌজিক ফাওবদা ৮৩,৯৮,৩৬২ ওইরে, ঙরাং সেম্পল ১,৭০,৫৬০ তেস্ত তৌখি।
• ভারত্তা হৌজিক কোবিদ-১৯ খক্তগী ওইবা দাইগনোস্তিক লেব ১০৪৭ লৈরি।
• ফুদ কোরপোরেসন ওব ইন্দিয়াদা চান্নবা পোৎলম মতীক চানা লৈরি।

হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী পাউঃ ফগৎলকপগী চাং মখা তানা চাদা ৫৮.৬৭দা হেনগৎলক্লে; ফগৎলবা অমদি হৌজিক লৈরিবা কেসশিংগী মরক্তা লৈবা খেন্নবা ১,১১,৬০২দা হেনগৎলে

ঙসিগী ওইনা ফখ্রবা অনাবশিং অমদি হৌজিক নারিবশিংগী মরক্তা লৈবা খেন্নবা অসি ১,১১,৬০২ ওইরি‍। হৌজিকফাওবগী ওইনা অনাবা মীওই ৩,২১,৭২২ কোবিদ-১৯দগী ফখ্রে‍। ফগৎলকপগী চাং অসুম অসুম হেনগৎলক্লি‍। কোবিদ-১৯ নারবশিংগী মরক্তা ফগৎলকপগী চাং অসি ঙসি চাদা ৫৮ও৬৭ য়ৌরে‍। হৌখিবা পুং ২৪ অসিদা মীওই ১২,০১০ কোবিদ-১৯দগী ফখ্রে‍। হৌজিক হৌজিক অনাবা মীওই ২,১০,১২০ লৈরি অমদি মখোয় পুম্নমক মেদিকেল সুপরভিজনদা লৈরি‍। ভারত্তা হৌজিক কোবিদ-১৯গীদমক্তা তোখায়না লৈবা দাইগ্নোস্তিক লেব ১০৪৭ লৈ‍। মসিদা লৈঙাক্কী লেব ৭৬০৯ অমদি লন্নাইগী লেব ২৮৭ য়াওরি‍। হৌখিবা পুং ২৪সিদা শীজিন্নবা হৌখিবা লেব ১১মক লৈঙাক্কী মখাদা লৈবা ঙাক্তনি‍। সেম্পল তেস্ত তৌবগী মশীং অসুম অসুম হেনগৎলক্লি অমদি ৮৩,৯৮,৩৬২ য়ৌখ্রে‍। ঙরাং সেম্পল ১,৭০,৫৬০ তেস্ত তৌখি‍।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635085

কেন্দ্রগী গৃহ মন্ত্রী, শ্রী অমিত শাহনা হায়খ্রে “লৈবাক পুম্বনা কোরোনাগী লান্থেংদা প্রধান মন্ত্রীগী তুং ইন্দুনা চৎলি”

কেন্দ্রগী গৃহ মন্ত্রী, শ্রী অমিত শাহনা হায়খ্রে মদুদি “মোদী লৈঙাক্না কোবিদগী ফীভম অসিবু মওং চুম্না থেংনরি অমদি দিল্লীগী ফীভম নীংথিনা কন্ত্রোল তৌরে”‍। পাউগী এজেন্সী অমদা পীবা ইন্তরভিউ অমদা শ্রী অমিত শাহনা হায়খি দিল্লীদা কম্ম্যুনিতী স্প্রেদ লৈতে অমদি পাখৎনবগী মরমসু অমত্তা লৈতে‍। শ্রী অমিত শাহনা হায়খি, নোর্মেল ওইনা কোবিদগী ফীভম লাকশিনবগী থৌদাংসি দিল্লী লৈঙাক্কীনি, অদুবু দিপুতী সি.এম.না হায়খিবা ৱাফমদুগী মতুংদা মতেং পাংনবগীদমক ভারত লৈঙাক্না খুৎ থিংজিল্লকপনি‍। অরুবা ফীভমসিগী য়েংলগা শআঈ অমিত শাহনা হায়খিবদা ফীভম অসি লাকশিনবদা দিল্লী লৈঙাক্তা কেন্দ্র লৈঙাক্না মতেং পাংনবগীদমক জুন ১৪দা মহাক্না কোওর্দিনেসন মীফম অমা পাঙথোকখি‍। হৌজিক তেস্ত তৌবগী মশিং হেনগৎলকপনা ইন্ফেক্সন রেত্তা চাউনা হেনগৎলক্লি, অদুবু মায়কৈ অমরোমদা য়েংবদা খুদোংচাবা অমা লৈরি মদুদি তেস্ত তৌদুনা পোজিতিব ওইরে খঙলবশিংদু আইসোলেসনদা থমখিবনা মখা তানা শন্দোরকপা থিংবদা মতেং ওইরগনি‍। শ্রী অমিত শাহনা হায়খি জুন ১৪দা লৈরম্বা ফমুং মশিং ৯,৯৩৭গা য়েংনবদা ঙসিদি ফমুং ৩০,০০০ লৈরে‍। মসিগী মহৈ ওইনা ঙসিদি ঐখোয় জুন হৌগৎলকপদা লৈখিবা ফীভমদুগা য়েংনবদা য়াম্না হেন্না ফবা ফীভমদা লৈরে‍”‍। কেন্দ্রগী গৃহ মন্ত্রীনা হায়, দিল্লীগী কন্তেনমেন্ত জোনশিংদা য়ুম-য়ুমগী সর্ভে জুন ৩০ ফাওবদা লোইরগনি‍। মসিগী মথক্তা সেরোলোজিকেল সর্ভেসু হৌরে”‍।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635061

ফুদ কোর্পোরেসন ওফ ইন্দিয়াদা চেং হৱাই মরাং কায়না লৈরি; এফ.সি.আই.না জুন ফাওবদা গেহু এল.এম.তি. ৩৮৮.৩৪ অমসুং চেং এল.এম.তি. ৭৪৫.৬৬ লৈশিনখ্রে

ফুদ কোরপোরেসন ওফ ইন্দিয়াগী তাং ২৮/৬/২০২০গী রিপোর্তকী মতুং ইন্না এফ.সি.আই.দা হৌজিক হৌজিক চেং এল.এম.তি. ২৬৬.২৯ অমসুং গেহু এল.এম.তি. ৫৫০.৩১ লৈরি। মতৌ অসুম্না অপুনবা চেং হৱাই (গোদাউন্দা য়ৌরক্ত্রিবা লৈখ্রবা গেহু অমসুং ফৌ য়াওদনা) এল.এম.তি. ৮১৬.৬০ লৈরি। এন.এফ.এস.এ. অমসুং অতোপ্পা য়াইফনবা স্কিমগী ওইনা থা অমদা চাউরাক্না চেং হৱাই এল.এম.তি. ৫৫ তঙাই ফদে। লোকদাউন হৌখিবদগী চেং হৱাই এল.এম.তি. ১৩৮.৪৩ থাংগৎখ্রে অমসুং ৪৯৪৪ রেল রেক্কী খুত্থাংদা পুথোক পুশিন তৌখ্রে। রেলগী লম্বীগী মথক্তা শোরোক অমসুং ঈশিংগী লম্বীদশু পুথোক পুশিন তৌখি। অপুনবা এল.এম.তি. ২৭৭.৭৩ অসি পুথোক পুশিন তৌখ্রে। জহাজ ১৪গী খুত্থাংদা চেং হৱাই এম.তি. ২১,৭২৪ পুথোক পুশিন তৌখি। অপুনবা চেং হৱাই এল.এম.তি. ১৩.৪৭ অসি অৱাং-নোংপোক রাজ্যশিংদা পুরকখি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635131

পি.এম. এফ.এম.ই. স্কিমনা লুপা কোতি ৩৫,০০০গী অপুনবা শেন্থং থাদহন্দুনা অমসুং স্কিল্দ অমসুং সেমি-স্কিল্দগী থবক লাখ ৯ পীরগনি: হরসিমরত কোর বাদল

ফুদ প্রোসেসিং ইন্দস্ত্রীসকী মন্ত্রী শ্রীমতি হরসিমরত কোর বাদলনা “অত্মানির্ভার ভারত অভিয়ান”গী শরুক অমা ওইনা জুন ২৯, ২০২০দা “পি.এম, ফোর্মেলাইজেসন ওফ মাইক্রো ফুদ প্রোসেসিং ইন্তর্প্রাইজ (পি.এম. এফ.এম.ই.) স্কিম” হৌদোকখ্রে। কেন্দ্রগী মন্ত্রীনা হায়রি স্কিম অসিনা লুপা কোতি ৩৫,০০০গী অপুনবা শেন্থং থাদহন্দুনা অমসুং স্কিল্দ অমসুং সেমি-স্কিল্দগী থবক লাখ ৯ পীরগনি অমসুং ই-পাউ, ত্রেনিং, এক্সপোজর হেন্না পীবগী অমসুং ফোর্মেলাইজেসনগী খুত্থাংদা স্কিম অসিনা য়ুনিৎ লাখ ৮দা কান্নবা ফংহল্লগনি। স্কিম অসিগী দাইদলাইনশিং থৌরম অসিদা ফোঙখি। চাউরাক্না য়ুনিৎ লাখ ২৫ লৈবা অনোর্গনাইজ ফুদ প্রোসেসিং সেক্তর অসিনা ফুদ প্রোসেসিং সেক্তরদা থবক ৭৪% পীরি হায়না এফ.পি.আই.গী কেন্দ্রগী মন্ত্রীনা হায়খি। হায়রিবা য়ুনিৎশিং অসিগী ৬৬%রোমদি খুঙ্গংগী মফমশিংদা লৈ অঞসুং ৮০%রোমনা খুঙ্গংগী য়ুমথোংশিংগী হিংনবগী পাম্বৈদা মতেং পাংলিবা ইমুং পুন্না তৌবা ইন্তর্প্রাইজ ওইরি অমসুং মখোয়না সহরগী মফমশিংদা মাইগ্রেসন তৌবা হন্থহল্লি। হায়রিবা য়ুনিৎশিং অসি অয়াম্বনা মাইক্রো ইন্তর্প্রাইজকী কাংলুপতা চল্লি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635088

কোবিদ-১৯ লাইচৎনা ভারতকী অহানবা হুমেন স্পেস মিসন “গগানয়ান” অকায়বা থোকহল্লোই : দোক্তর জিতেন্দ্র সিংহ

কেন্দ্রগী মন্ত্রী দোক্তর জিতেন্দ্র সিংহনা ঙসি হায়খি মদুদি কোবিদ-১৯ লাইচৎনা ভারতকী অহানবা হুমেন স্পেস মিসন “গগানয়ান” অকায়বা থোকহল্লোই অমসুং অচুম্বা মাইকৈদা শেম-শাবগী থবক পায়খৎলি । হৌখিবা চহিদা ইন্দিয়ান স্পেস রিছর্স ওর্গনাইজেসন অমসুং স্পেস দিপার্তমেন্তগী মরুওইবা মাইপাকপশিংগী মতাংদা মহাক্না হায়খি কোবিদ-১৯ লাইচৎনা মরম ওইদুনা রুসিয়াদা ভারতকী এস্ত্রোনোত মরি ত্রেনিং চৎথরিবা অসি লেপ্লবসু , ইসরোগী চেয়রমেনগী মতুংইন্না ত্রেনিং অমসুং থাগৎপগী মতমদা অকায়বা লৈহল্লোই হায়রি ।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635154

মিসন সাগরঃ আই.এস.এস. কেসরিনা কোচি য়ৌখ্রে

ভারতকী নেভেল জহাজ কেসরিনা ঙরাং কোচিদা খা থংবা ইন্দিয়ন ওসিন্দা 'মিসন সাগর'গী শরুক অমা ওইনা চৎলুরবা মতুং নুমিৎ ৫৫নিগী মতুংদা থুংলরে। জহাজ অসি অখন্নবা 'কোবিদ রিলিফ মিসন' অমগী মখাদা থাখিবনি অমসুং মালে (লাদিব), পোর্ত লুই (মৌরিসিয়স), এন্তসিরানা (মাদাগাস্কর), মোরোনি (কোমোরোস আইলেন্দ), অমসুং পোর্ত ভিক্তোরিয়া (সিসিলি)দা চানবা পোৎলঅম অমসুং তঙাইফদবা হিদাক লাংথক তন ৫৮০ পুদুনা চৎখিবনি। মীওই ১৪না শাবা মেদিকেল এসিস্তেন্স তীম অমা মৌরিসিয়সতা অমসুং কোমোরোসতা নুমিৎ ২০নি ২০নিগী ওইনা থুংখি অমসুং লম অদুগী সরকারদা কোবিদ-১৯ থেংননবা অখঙবশিং পুথোক্তুনা মতেং পাংখি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635090

তুরিজম মন্ত্রালয়না দেখো অপনা দেশ পরিংগী মখাদা “কোবিদকী মনুংদা ত্রাবেল অমসুং তুরিজম তেক্ত কায়দনা অমসুং ভাব তানা অনলোক তৌবাঃ এ হেল্থকেয়র পর্স্পেক্তিব” কৌবা ৩৯শুবা ৱেবিনার লান্থোকখ্রে

দেখো অপনা দেশ ৱেবিনার সেরিজকী মখা তাবা ওইনা তুরিজম মন্ত্রালয়না কোবিদকী মনুংদা ত্রাবেল অমসুং তুরিজম তেক্ত কায়দনা অমসুং ভাব তানা অনলোক তৌবগী পরিংগী খ্বাইদগী নৌবা সেসন অমা জুন ২৭, ২০২০দা লান্থোকখ্রে। দেখো অপনা দেশ সেরিজ অসি এক ভারত শ্রেথা ভারতকী মখাদা লৈবা ভারতকী ইনাক খুল্লবা দাইবর্সিতীবু মীয়ামদা খংহন্নবা হোৎনবগী থৌওং অমনি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1635108

পি.আই.বি. ফিল্দ ওফিসশিংদগী ফংবা পাউ

• পঞ্জাবঃ পঞ্জাবকী হকশেল অমসুং য়াইফ-য়ুম্বাল মন্ত্রীনা হায়খ্রে মদুদি পঞ্জাব সরকারনা কোরোনা ভাইরসকী মাইয়োক্তা থেংনরিবা লান অসি পথাপ নাইনা অমসুং মাংজৌননা য়াত্থোক্তুননি অমসুং কোরোনা লাইচৎ অসিবু লান্থেংনবদা মাই পাক্নবগীদমক হকশেলগী ইনফ্রাস্ত্রকচর মপাঙ্গল কনখৎহনবদা মীৎয়েং থম্লি। মহাক্না হায়খি, লাইচৎ অসিবু লাকশিন্নবা হোৎনবদা সরকার অসিনা থৱাই য়াওনা হোৎনরি অমসুং লৈবাক অসিদা লুশিল্লক্লিবা ফিবম অসিবু উরদুনা কর্ফ্যু থম্বা রাজ্য অদু পঞ্জাবনি।
• হিমাচল প্রদেশঃ মুখ্য মন্ত্রীনা হায়খি মদুদি আসাগী শিন্মীশিংনা রাজ্য অসিদা কোরোভাইরস লাকশিন্নবা হোৎনবদা অচৌবা থৌদাং লৌরি। মহাক্না হায়, আই.এল.আই. লাইওং লৈবা মীওইশিং মশক খঙদোক্তুনা এক্তিব কেস ফাইন্দিং কেম্পেন্দা আসাগী শিন্মীশিংনা শীংথানিংঙাই ওইবা থবক পায়খৎখি। মহাক্না হায়খি মদুদি রাজ্য সরকার অসিনা মার্চ অমসুং জুন ফাওবগী মনুংদা লৈবা থাশিংদা আসা ৱার্করশিংদা অহেনবা শেনফম ওইনা থা খুদিংগী লুপা লিশিং অমমম পীরি। হৌজিক্তি রাজ্য সরকার অসিনা আসা ৱার্কর খুদিংমক্তা জুলাই অমসুং ওগস্তকী ওইনা থা অমন্দা লুপা ২০০০ পীরগনি হায়না মহাক্না মখা তাখি।
• মহারাস্ত্রাঃ রাজ্য অসিদা হৌজিক লৈরিবা কোবিদ-১৯ অনাবা মশীং অসি ১,৬৪,৬২৬নি। নোংমাইজিং নুমিত্তা অনৌবা মীওই ৫,৪৯৩ পোজিতিব ওইরে হায়বা খঙবা ঙমখ্রে। অনাবা ২,৩৩০ নাবা ফখ্রে, মসিগা লোইননা নাবা ফরবা মীগী মশীং অসি ৮৫,৫৭৫ য়ৌরে। অপুনবা এক্তিব ওইরিবা অনাবা মশীং ৭০,৬০৭নি। রাজ্য অসিদা নোংমাইজিং নুমিৎ ফাওবদা লৈখিদবা অপুনবা মশীং অসি ৭৪২৯নি। হৌজিক ফাওবদা রাজ্য অসিদা কোবিদ১৯গী সেম্পল তেস্ত তৌখ্রবা মশীং অসি ৯,২৩,৫০২নি। মুম্বাই পুলিসনা য়ুমদা লৈরিবা মীওইশিং মখোয়-মখোয়গী য়ুমদগী অরাপ্পা কিলোমিতর ২গী রেদিয়স্তগী হেন্দোক্তনা থবক ইঙ্খাং চৎননবা খঙহনখ্রে। করিগুম্বা মরম চাদনা কিলোমিতর ২দগী হেন্দোক্না চত্থোকপা থোক্লবদি মখোয়গী গারী অদু ফাজিনগনি। মরক অসিদা, মহারাস্ত্রা লৈঙাক্না ঙসি কোবিদ-১৯গী প্লাজমা থেরাপী হৌবা হৌখ্রে। মুখ্য মন্ত্রীনা হায়খ্রে, লৈবাক অসিদা কনবালেসেন্ত প্লাজমা থেরাপী পাক শন্না চাংয়েং তৌবা অহানবা রাজ্য মহারাস্ত্রনা ওইরগনি। অহানবা প্লাজমা থেরাপী চাংয়েং অসি চহী অসিগী এপ্রিল থাদা কেন্দ্র সরকারদগী অহেনবা চাংয়েং তৌনবগী অয়াবা ফংলবা মতুংদা পাঙথোকখি।
• গুজরাৎঃ হৌখিবা পুং ২৪ অসিদা গুজরাত্তা অনৌবা পোজিতিব কেস মশীং ৬২৪ লাকখ্রে অমসুং ১৯না লৈখিদ্রে। রাজ্য অসিদা মীওই ২২,৮০৮ দিসচার্জ তৌখিবা অমসুং ১,৮০৯ লৈখিদবগা লোইননা অপুনবা ৩১,৩৯৭ শুখ্রে। রাজ্য অসিদা অনৌবা কেস ৬০০তগী হেনবসি মসিনা অনীরক শুবনি। অহেমদবাদতা অনৌবা কেস ১৭০ লাকখ্রে অমসুং সুরত্তনা ১৪১ লাকখ্রে। রাজ্য অসিদা লৈবা এক্তিব কেস মশীং ৬,৭৮০গী মনুংদগী অনাবা ৭১দি অরুবা ফিবমদা লৈরি অমসুং মখোয় লোইনমক ভেন্তিলেতর হাপতুনা থম্লি। হৌজিক ফাওবদা গুজরাত্তা তেস্ত লাখ ৩.৬৩ তৌখ্রে।
• রাজস্থানঃ ঙসি রাজ্য অসিদা অনৌবা কোবিদ-১৯ কেস ১২১ লাকখ্রে। মসিনা রাজ্য অসিগী অপুনবা মশীংদা ১৭,৩৯২ শুহনখ্রে। এক্তিব ওইরিবা অনাবগী অপুনবা মশীং ৩,৩৭২নি। নাবা ফখ্রবা মশীংনা ১৩,৬১৮নি। হৌজিক ফাওবদা লৈখিদ্রবগী অপুনবা মশীংনা ৪০২নি। অপুনবা সেম্পল লাখ ৮ তেস্ত তৌখ্রে।
• মধ্য প্রদেশঃ নোংমাইজিং নুমিত্তা সেম্পল ৭৭৯৫ চাংয়েং তৌখি, মসিগী মনুংদগী অনৌবা পোজিতিব কেস মশীং ২২১ লাকখি, মসিগা লোইননা রাজ্য অসিগী কোবিদ মশীং ১৩,৮১৬ শুখ্রে। মরকসিদা হৌজিকফাওবদা ১০,০৮৪ নাবা ফখ্রে অমসুং ৫৫৭ লৈখিদ্রে। খ্বাদগী নৌবা রিপোর্তকী মতুং ইন্না রাজ্য অসিদা এক্তিব কেস ১৩,১৮৬ লৈরি। লাক্লিবা অনৌবা কেসশিং অসিগী মনুংদগী অয়াম্বদি ইন্দোর, ভোপাল, গ্বালিয়র অমসুং মোরেনাদগীনি। ইন্দোরদা, কেস ৪৬১৫ অমসুং লৈখিদবা ২২২ শুরে। ভোপালনা কেস ২৭৪০ অমসুং লৈখিদবা মশীং নোংমাইজিং ফাওবদা ৯৪ শুদুনা অনীশুবদা লৈরি।
• ছতিশগরঃ নোংমাইজিং নুমিত্তা অনৌবা কোবিদ-১৯ কেস ৮৪ লাকখ্রে। রাজ্য অসিদা লৈরিবা অপুনবা কোবিদ-১৯ কেস মশীং অসি ২৬৯৪নি, মসিগী মনুংদগী এক্তিব কেসনা ৬১৯নি। নোংমাইজিং নুমিত্তা অনাবা ১১৮ দিসচার্জ তৌখ্রে অমসুং মসিনা অপুনবা নাবা ফখ্রবা মশীং ২০৬২ শুখ্রে।
• গোৱাঃ নোংমাইজিং নুমিত্তা অনৌবা কোবিদ পোজিতিব কেস ৭০ লাকখ্রে। মসিনা রাজ্য অসিগী অউনবা কোরোনাভাইরস কেস মশীং ১,১৯৮ শুহনখ্রে। এক্তিব কেস মশীং ৭১৭ ওইরি। নোংমাইজিং নুমিত্তা অনাবা মীওই ৫৮ নাবা ফখিবগা লোইননা, অপুনবা নাবা ফখিবগী মশীং ৪৭৮ শুখ্রে। হৌজিক ফাওবদা পুন্না লৈখিদবা মশীং ৩নি।
• কেরলাঃ হৌরকফম খঙদবা কোবিদ কেস মশীং হেনগৎলকপদগী, মালাপুরম জিল্লাগী পোনানি তলুক্কী মফম পুম্বদা ঙসি নুমিদাং ৱাইরমদগী জুলাই ৬ ফাওবদা লোকদাউন থমজিনখ্রে। ওথিরীশিংগী মতুং ইন্না, জিল্লা অসিগী ইদাপ্পলদা কোবিদ-১৯ কনফার্ম্দ তৌরবা দাক্তর অনীদুগা শোক্না-শম্নখিবা মীওইশিংগী লিস্ততা পোকপা নৌরিবা অঙাং য়াওনা মীওই ২০,০০০ হেন্না লৈরি। লাইনা অসি শন্দোক্লকপদগী ইদাপ্পলগী পঞ্চায়ৎ মরি কন্তেন্মেন্ত জোন্নি হায়না লাউথোকখ্রবনি। শৎ-শত্তুনা মীওই ১,৫০০দা চানয়েং তৌগদৌরি। ত্রাবাঙ্কোর দেবস্বোম বোর্দকী মখাদা লৈবা লাইশঙশিংদা লাই খুরুম্বদা থমখিবা অথিংবদু জুন ৩০গী মতুংদসু মখা চত্থখিগনি। ফল্ফ লৈবাক্তা কোবিদ-১৯না লৈখিদবা কেরলা মচা অনী অমগা লৈখিদবগা লোইননা অপুনবা মীওই ২৮৭ শুখ্রে। ঙরাং কোবিদ অনাবা ১১৮ লাকখ্রে অমসুং অনাবা ২,০১৫ অমনা লাইয়েংদুনা লৈরি।
• তমিল নাদুঃ তমিল নাদুগী হেলথ এক্সপর্ত কম্মিতীনা মুখ্য মন্ত্রী য়াওনা ফমখিবা মীফম অমদা লোকদাউন শাংথনবা খন্নখিদ্রে, অদুবু খ্বাইদগী ফিবম শোকপা মফমশিংদা থম্বা অথিংবদি হেন্না কনশিনহন্নবা খন্নখ্রে। মী লৌরুনবা জহাজ আই.এব.এস. জলাশ্বাদা তোংফম চন্দবদগী তমিল নাদুদগী ৪৪ য়াওনা ভারতকী ঙামী ৬৩ ইরান্দা পন্দুনা লৈরি। ভেলোরদা জুদিসিএল ওফিসর ৩ অমসুং পুলিস অনী কোবিদ-১৯ পোজিতিব ওইরে। অনৌবা কেস ৩৯৪০, রিকোবর্দ ১৪৪৩, অমসুং মীওই ৫৪ ঙরাং লৈখিদ্রে। অপুনবা কেসঃ ৮২২৭৫, এক্তিব কেসঃ ৩৫৬৫৬, লৈখিদ্রবাঃ ১০৭৯, চেন্নইদা লৈবা এক্তিব কেসঃ ১৯৮৭৭।
• করনাতাকাঃ ক্বারেন্তিন্দা লৈবা মীওই কয়াদা কাঙলোন থুগাইবগী পাউ লাকপদগী, রাজ্য সরকারনা হোম ক্বারেন্তিন তৌদুনা লৈরিবা মীওইশিংগী চত্থোক-চৎশিন তৌবা খঙনবা এপ অমা শেনবা থবক পায়খৎলি। বি.বি.এম.পি.না ফমুং ১৬০০ লৈবা কোবিদ-কেয়র সেন্তর মঙা অমগা হাংদোকখ্রে। রাজ্য সরকারনা মহৈরোইশিংদা ওনলাইন এজুকেসন পীনবগী মরক্কী ওইবা কাংলোন অমা পুথোকখ্রে। ওপোজিসনগী লুচিংবা সিদ্দারামাইয়ানা করনাতাকাগী কোবিদ-১৯গী এক্সপেন্সকী ৱাইৎ পেপর পুথোক্নবা তকশিনখ্রে। অনৌবা কেস ১২৬৭, দিসচার্জ ২২০, অমসুং ১৬ লৈখিদ্রে হায়না ঙরাং রিপোর্ত তৌখ্রে। অপুনবা পোজিতিব কেসঃ ১৩১৯০, এক্তিব কেসঃ ৫৪৭২, লৈখিদ্রবাঃ ২০৭, দিসচার্জঃ ৭৫০৭।
• অন্ধ্র প্রদেশঃ মুখ্য মন্ত্রীনা কোবিদ-১৯গী খুদোংথীবা মরক্তা এম.এস.এম.ই. সেক্তরদা মতেং পীনবগীদমক অনীশুবা শেলগী মতেং ওইনা কোতি ৫১২ কাইথখ্রে; এপ্রিলদগী জুন ফাওবগী মৈগী চার্জ কোকপীনবা লাউথোকখ্রে। রাজ্য অসিনা জুলাই ১দগী হৌদুনা অনৌবা খুদোংচাবা পীনবগীদমক গারী ১,০৬০ শুনবগী পান্দমদা ইমর্জেন্সী লাকপা মতমদা তঙাইফদবা সর্বিস পীননবা এম্বুলেন্সকী গারী ১০৮ অমসুং ১০৪দা অয়াবা পীখ্রে। হৌখিবা পুং ২৪ অসিদা সেম্পল ৩০, ২১৬ চাংয়েং তৌরবা মতুংদা অনৌবা কেস ৭৯৩ লাকখ্রে, ৩০২ দিসচার্জ তৌখ্রে অমসুং ১১ লৈখিদ্রে। কেস ৭৯৩ অসিগী মনুংদা, ৮১দি ইন্তর স্তেৎ কেসনি অদুগা তরুক অমনা মপান্দগীনি। অপুনবা কেসঃ ১৩,৮৯১, এক্তিব কেসঃ ৭৪৭৯, দিসচার্জঃ ৬২৩২, লৈখিদ্রবাঃ ১৮০।
• তেলঙ্গানাঃ হকশেলগী মন্ত্রী ইয়াতালা রাজেন্দরনা হায়খ্রে, হায়দেরবাদ অসি কোমোপোলিতান সিতী অমা ওইবনা মফম অসিগী কেস অসি দিল্লী অমসুং মুম্বাইগা মান্ননা হেনৎলক্লি; করিগুম্বা তঙাইফদ্রবদি মফম খরদা লোকদাউন থমগনি। তেলঙ্গানাগী মুখ্য মন্ত্রীনা কেস ৱাংখৎলক্লিবা মফম খরদা মীৎয়েং হেন্না চঙশিন্নবা খঙহনখ্রে। মফমশিং অসিদা অহেনবা চাংয়েংশিং তৌগনি। তেলঙ্গানাগী য়ুম্লৈ-কৈরৈ মন্ত্রী মোহমদ মহমুদ অলি কোবিদ-১৯ পোজিতিব ওইরে। অপুনবা কেসঃ ১৪৪১৯, এক্তিব কেসঃ ৯০০০, লৈখিদ্রবাঃ ২৪৭, দিসচার্জঃ ৫১৭২
• অরুনাচল প্রদেশঃ অরুনাচল প্রদেশকী মুখ্য মন্ত্রীনা সাইনিক স্কুল ইস্ত সিয়াংগী ২০২১-২২গী সেসনগী মিং চনবগী থবক অথুবদা হৌরগনি হায়না ত্বীৎ তৌখ্রে।
• অসমঃ হকশেল অমন্ত্রী হিমন্ত বিস্বা শর্মনা রাজ্য সরকার অসিনা গৌহাতীদা লৈবা কোবিদ জেয়র সেন্তর ৩১দা অমসুং হোস্পিতাল ১২দা স্বাব কল্লেক্ত তৌনবগী খুদোংচাবা থম্লে হায়না ত্বীৎ তৌখ্রে।
• মনিপুরঃ দিরেক্তোরেৎ ওব ইনভাইরোন্মেন্ত অমসুং ক্লাইমেৎ চেঞ্জনা ইম্ফাল লৈবা মনিপুর প্রেস ক্লবতা য়ুনাইতেদ নেসন্স দিবেলপমেন্ত প্রোগ্রামগা খুৎশম্নদুনা মীদিয়াগী মীওইশিংদা ফেস মাস্ক য়েন্থোকখ্রে।
• মেঘালয়ঃ অসমদা কোবিদ-১৯ কেস ৱাংখৎলকপনা মেঘালয়গা গৌহাতীগা লোন্নবা ঙমখৈ; বাইনিহাৎ, জোরাবাত্তগী খানাপারা ফাওবা লোকদাউন থম্লগনি হায়না মেঘালয় সরকারনা ৱারেপ লৌখ্রে। রাজ্যশিংগী মরক্তা চত্থোক-চৎশিন তৌবা মখা তানা থিংখিগনি। মখা তাবা তঙাইফদবা য়াথংশিং দি.সি.না থোক্লকখিগনি।
• মিজোরমঃ কোবিদ-১৯দগী নাবা ফরবা মীওই তরুক অমগা ময়ুমদা থাখ্রে। রাজ্য অসিদা লৈবা অপুনবা কেস মশীং ৯০ য়ৌরে, মরকসিদা মীওই ৬১না দিসচার্জ তৌখ্রে।
• নাগালেন্দঃ নাগালেন্দদা কোবিদ-১৯ পোজিতিব ওইরবা অনাবা ৪ অমগা নাবা ফখ্রে। মখোয়গী মনুংদগী ৩না দিমাপুরদগীনি অমসুং ১না কোহিমাদগীনি। নাগালেন্দগী নাবা ফবগী মশীং ১৬৮ শুখ্রে। এক্তিব কেসনা ২৬৬তা লৈরি। 

*****