ভারত সরকারগী সাইন্স অমসুং তেক্নোলোজী বিভাগকী (দি.এস.তি.) মখাদা লৈবা দেরাদুনগী ওতোনোমস ইন্সতিত্যুৎ অমা ওইরিবা ৱাদিয়া ইন্সতিত্যুৎ ওফ হিমালয়ন গিওলোজি (দবল্যূ.আই.ঐচ.জি.) অসিনা শীনখিবা ৪শুবা নেসনল জিও-রিসর্চ স্কোলরস মীৎ (এন.জি.আর.এস.এম)দা মহৌশাগী ওইবা রিসোর্সশিং, ঈশিংগী মেনেজমেন্ত, য়ুহা হাবা, নোং, অইং-অশাদা অহোংবা লাকপা, মহৌশাগী ওইবা অমাং-অতা, তুরেলগী লৈরিবা মওংশিং অমসুং অতৈ কয়াদা য়ুম্ফম ওইবা খুন্নাইগী ওইবা জিওসাইন্সশিংগী মতাংদা খন্ন-নৈন্নবা ৱেবিনার অমদা জিও-রিসর্স স্কোলরশিং পুন্না য়াওখি।

থৌরম অসিগী অথোইবা মীথুংলেন অমসুং মসিবু শীনবদা মতেংসু পাংলিবা, দি.এস.তি.গী সেক্রেতরী প্রোফেসর অশুতোশ শর্মানা থৌরম অসি হৌদোকপগী মহাক্কী ৱারোম পীবদা জিও-রিসর্চকী তোঙান তোঙানবু হীরমশিং, লোকশিংগী মেপ্পিং তৌবা, সিবিল ইঞ্জিনীয়রশিংগী জিওসাইন্স, মহৈ-মরোং অমসুং ঈশিংগী মওং য়েংলগা অঈং-অশাদা অওনবা লাকপা অদু থীজিনবা, লম অসিদা তোঙান তোঙানবা তেক্নোলোজীশিং শীজিন্নবা, লৌউ-শিংউ অমসুং সস্তেনেবল দিবেলপমেন্তদা সোলর ইনর্জি শীজিন্নবা অসিগী মতাংদা থমখি।

মমাংগী চয়োলদা নুমিৎ-নিনি পাঙথোকখিবা ৱেবিনার অসিদা লৈবাক অসিগী মফম কয়াদগী থোইদোক হেন্দোকনা শকখঙনরবা স্পিকর ২০না ৱা ঙাংখি।

দবল্যু.আই.ঐচ.জি.গী গভর্নিং বোদিগী চ্যেরমেন, প্রোফেসর অশোক সহানিনা খুন্নাইদা কান্নবা পীগদবা রিসর্চ তৌনবা নহা ওইরিবা স্কোলরশিংবু থৌগৎখি। দবল্যু.আই.ঐচ.জি.গী দিরেক্তর, দোক্তর কালাচন্দ সেন অমসুং ইন্সতিত্যুৎ অসিগী মকোক থোংবা সাইন্তিসশিংনসু হৌজিক ওইরিবা মওং অমসুং জিওসাইন্সকা খুন্নাইগা লৈনরিবা মরীগী মতাংদা প্রজেন্তেসনশিং উৎখি।

এন.জি.আর.এস.এম. অসি ২০১৬দা দবল্যু.আই.ঐচ.জি.গী চাং নাইনা পাঙথোকপা থৌরম অমা ওইদুনা নহা ওইরিবা রিসর্চ তৌরিবশিংবু অমসুং মহৈরোইশিং থৌগত্তুনা মখোয়গী রিসর্চকী অপাম্বশিং হেনগৎহনবা, মখোয়গী রিসর্চ ৱার্কশিং অদু উত্থোকহনবা, মখোয়গা হৌমিন্নরিবশিংদগী ফীদবেক লৌবা অমসুং মখোয়গী ৱাখল্লোন অদু ফগৎনবা ফমপাক অমা পীরি। মমিং লৈরবা জিওসাইন্তিসশিংগা লোয়ননা ৱারী ৱাতাই শান্নবা অমসুং হৌজিক্কী খ্বাইদগী নৌনা চৎনরিবা জিও-সাইন্সকী ওইবা রিসর্চকী মরমদা খঙবা হেন্নবা থৌরম অসিনা খুদোংচাবা অমা পীরি।

মালেমদা থোক্লিবা কোবিদ-১৯ লায়চৎনা মরম ওইরগা চহি অসিগী ৪শুবা এন.জি.আর.এস.এম. ৱাবিনারগী খুত্থাংদা ওইনা পাঙথোকখি, মসি দবল্যু.আই.ঐচ.জি.গী ওইনদি অহানবনি। ভারতকী তোঙান তোঙানবা য়ুনিভর্সিতি, ইন্সতিত্যুৎ ৮২অমসুং অতোপ্পা ওর্গনাইজেসনশিংদগী অপুনবা স্কোলর ৬৫৭না থৌরম অসিদা শরুক য়াখি।

*****