প্রধান মন্ত্রী শ্রী নরেন্দ্র মোদীগী কেন্দ্র ওইরিবা বরানসিগী চফু শাবশিংগী কাংলুপনা হন্দক্কী কুম্মৈগী পন্থা অসিদা “লৈবাক অসি খক্তগী” পোত্থোক শীজিন্ননবা লৈবাক অসি লমজিংগদৌরি। খাদি এন্দ ভিলেজ ইন্দস্ত্রীস কম্মিসন (কে.ভি.আই.সি.)না “আত্মানির্ভার ভারত অভিয়ানগী” শরু ওইনা বারনাসিগী চফু শাবশিংদা লৈবাক্কী থাওমৈশিং, লাইশিংগী মিতম অমসুং অতৈ অতোপ্পা লৈবাকনা শাবা পোৎলমশিংগী ত্রেনিং পীরি।

কে.ভি.আই.সি.গী চ্যেরমেন শ্রী ভিনাই কুমার সক্সেনানা খুঙ্গং মরি মমিং ওইনা পল্লবদা ইতাহ্রদি, অহ্রৌরাদি, অর্জুনপুর অমসুং চাক সহজাঙ্গিগঞ্জদগী চফু শাবা ৮০গী ইমুং মনুংশিংদা ঙসি ইলেক্ত্রিক পোত্তর হ্বিলশিং য়েন্থখ্রে। হায়রিবা খুঙ্গংশিং অসিদা চহি কয়াগী মমাংদগী চফু শাবগী শীনফমদা লৈরক্লবা চাউরাক্না চফু শাবা ইমুং ১৫০দগী ২০০ ফাওবা লৈ। অদুম ওইনমক য়েলহৌঙৈগী ওইবা খুৎনা উংবা চক্রিশিং শীজিন্ননবা, ক্লে তোৎপা অসি অৱাবা থবক অমা ওইবনা অমসুং কৈথেলদা থানবা মতেংগী অৱাৎপা লৈবনা মরম ওইরগা মখোয়না হৌখিবা চহি খরা অসিদা হিংনবগী পাম্বৈ ওইনবা অতোপ্পা শীনফম পাইখ্রে। বরনাসিদা লাক্কদৌরিবা থা ৩দা কে.ভি.আই.সি.না পোত্তর হ্বিল ১৫০০ য়েন্থোক্নবা পান্দম থম্লি।

কোবিদ-১৯গী লোকদাউন অসি লৈবনা শেন্মীৎলোনদা অৱাবা মায়োক্নরিবা অতোপ্পা স্তেৎশিংদগী হল্লকলবা বারনাসিগী সেৱাপুরিগী মাইগ্রেন্ত শিন্মী ৩০০গী ইমুং-মনুংদা ইলেক্ত্রিক পোত্তর হ্বিল ৩০০ অমসুং অতোপ্পা খুৎলাই য়েন্থোক্নবসু কে.ভি.আই.সি.না হোৎনরি। হৌজিক ফাওবদা কে.ভি.আই.সি.না মাইগ্রেন্ত শিন্মী ৬০ মমাংদা ত্রেনিং পীখ্রে অমসুং চফু শাবগী খুৎশু খুৎলাই মথং থাদা ইমুং ৩০০দা য়েন্থোক্লগনি। মসিনা বরনাসি মথন্তদা মাইগ্রেন্ত শিন্মীশিংগীদমক থবক ১২০০রোম পীরগনি পান্নরি। মসিগী থৌশিল অসিনা অৱাবা তারবা মাইগ্রেন্ত শিন্মীশিংনা অতোপ্পা সহরশিংদা চৎতুনা হিংনবগী পাম্বৈ থিবগী মথৌ তাদনবা মফম অদুদা থবকশিং পীনবা পান্দম থম্লি।

থৌরম অসিদা য়াওরিবা কুমহার সশক্তিকারন য়োজনাগী হান্নগী বেনিফিসরিশিংনা ভিদিও কনফরেন্সকী থোংদা কে.ভি.কে.আই.সি.গী চ্যেরমেনগা ৱারি শান্নখি। চফু শাবা অমা ওইরিবা কিশন কুমহারনা হায় মহাক্না কুমহার সশক্তিকারন য়োজনাগী মখাদা কে.ভি.আই.সি.দগী ইলেক্তিক পোত্তর হ্বিল ফংলবা মতুংদা নুমিৎ খুদিংগী বারানসি কান্ত রেলৱ স্তেসন্দা কুলহার ৩০০০মুক য়োল্লি। স্কিম অসিগী অতোপ্পা বেনিফিসরি অমা ওইরিবা অক্সে কুমার প্রজাপতিনা হায় মিজাপুর দিস্ত্রিক্তকী লোকল চুনা কৈথেলদা মহাক্না কুলহার অমসুং প্লেৎ ৪০০০মুক য়োনবা ঙম্লি অমসুং হৌজিক শেল-থুমগী মীপান তাংদ্রে। অতোপ্পা চফু শাবা দয়াশঙ্কর প্রজাপতিনা হায় মহাক্না বারানসিগী মন্দুৱাদি রেলৱে স্তেসন্দা শঙ্গোম থকপদা শিজিন্নবা লৈবাক্কী গ্লাস ৩৫০০মুক য়োন্দুনা শেল ফজনা তাল্লি। চফুশাবশিংনা হায় মখোয়না লৈবাক্কী চফুশিং য়োল্লগা থা অমদা লুপা ২০,০০০ মুক তাল্লি।

বারনাসিগী খুঙ্গংশিং অসিগী চফু শাবাশিংনা লাক্লিবা দসেরা অমসুং দীপাবলি কুমহৈদা মীৎয়েং থমদুনা অখন্ননা লৈবাক্কী মিত্রংগী থাওমৈশিং, নাৎকী ওইবা থাওমৈশিং (দীয়া) অমসুং লক্সমি অমসুং গনেশগী মীতমশিং শারী। মসিগী ৱা।খল্লোন অসিনা হরাও কুমহৈগী মতমদা চাইনিজ লাইৎশিং অমসুং অতোপ্পা পোৎশকশিং মীয়াম্না লৈবদগী নাথৈহনগনি।

কে.ভি.আই.সি.গী চ্যেরমেন্না হায় বারনাসি অসি চফু শাবগী লমদা অচৌবা থৌদাং লৌবগী খংনৈ। “ বারনাসিদা লৈবা খুঙ্গং কয়ামরুম্না কুমহর সশক্তিকারন য়োজনাগী মখাদা হান্ননা কান্নবা ফংখ্রে। কে.ভি.আই.সি.না বারানসিদা এম.এস.এ.ই. মন্ত্রালয়গী স্কিম এস.এফ.য়ু.আর.তি.আই.গী মখাদা অথুবদা ক্লস্তর অমা লিংখৎলগনি। ক্লস্তর অসিনা খুলাই শুনা লৈরবা মফম অমদা চফু শাবা ৫০০মুক্না পুন্না থবক শুমিন্নবগী খুদোংচাবা পীরগনি” হায়না সক্সেনানা হায়।

শিংথানিঙাই ওইনা নিতি আয়োগনা বারনাসি অসি এস্পিরেস্নেল দিস্ত্রিক্ত অমা ওইনা খন্দোকখ্রে অমসুং কে.ভি.আই.সি.না খাদি অমসুং খুঙ্গংগী ইন্দস্ত্রীগী থবক থৌরমশিংগী খুদোংচাবা হান্না পীবা ওইনা অমসুং চফু শারিবশিংদা ত্রেনিং পীদুনা চফু শাবা পুক্নিং থৌগৎনবা সেৱাপুরি অসি লৌখৎখ্রে। কে.ভি.আই.সি.না হৌজিক ফাওবদা লৈবাক শিনবা থুংনা ইলেক্ত্রিক পোত্তর হ্বিল ১৭,০০০ য়েন্থোকখ্রে।

*****