ভারতকী প্রধান মন্ত্রী শ্রী নরেন্দ্র মোদীনা তরু তনানবা অমসুং নুংশিৎ নুংশা শেংবা লৈবাক অমা ওইননবগীদক ওফিসকী অকোইবদা নত্ত্রগা হেক য়াবা মফমদা উ মঙাদগী তাদনা থানবা পাউজেল্লক্লি। কেন্দ্রগী কলচর অমসুং তুরিজমগী রাজ্যগী মন্ত্রী (ইন্দিপেন্দেন্ত চার্জ) পুরিবা শ্রী প্রহলাদ সিংহ পতেলনা ঙসি মায় পাক্না "সঙ্কল্প পর্ব" পাঙথোক্নবা অমসুং ঐখোয়গী প্রধান মন্ত্রীনা পামজবা উ থানবা পাউদম্লক্লি।

मा प्रधानमंत्री @narendramodi जी के पाँच वृक्षों के रोपण अभियान मे @MinOfCultureGoI @tourismgoi कल दिनांक २८जून से १२ जुलाई तक #संकल्पपर्व के रूप में मनाकर अभियान की सिद्धि प्राप्त करेगी ।आप सभी से प्रार्थना है कि वृक्षारोपण कर अपना चित्र सोशल मीडिया पर डाले @PMOIndia @BJP4India pic.twitter.com/Gb5XaDZqLF

— Prahlad Singh Patel (@prahladspatel) June 27, 2020

শ্রী পতেলনা খঙহল্লক্লি মদুদি কলচর মন্ত্রালয়না জুনগী তাং ২৮দগী জুলাই ১২, ২০২০ ফাওবা সঙ্কল্প পর্ব পাঙথোক্তুনা মন্ত্রালয় অসিনা মখা তাবা ওফিসশিং, একাদেমীশিং, মসিগী মখাদা লৈবা ইন্সতিত্যুসনশিং, এফিলিএৎ ইন্সতিত্যুসনশিংদা মখোয়গী কেম্পসতা নত্ত্রগা অকোইবদা হেক অয়াবা মফমদা উ থানবা খঙহনখ্রে। মহাক্না মখা তানা হায়খি মদুদি ঐখোয়গী প্রধান মন্ত্রীনা ঐখোয়গী লৈবাক্কী ওইবা হর্বল হেরিতেজনি হায়না শক তাকখ্রবা উ মঙা কলচর মন্ত্রালয়না থানবা খন্নরে। হায়রিবা উশিং অদুদি (১) "বার্গদ" (২) "আউলা" (৩) "পিপাল" (৪) "অশোক" (৫) "বেল"নি। মহাক্না মখা তানা হায়খি মদুদি করিগুম্বা হায়রিবা উশিং অসিগী চরাশিং অসি ফংদবা তারবসু অতোপ্পা মখোয়না পাম্বা উ চারা মখল অমহেক্তা থাবা য়াগনি।

শ্রী পতেলনা অমুকসু হায়খি মদুদি ওর্গনাইজেসন খুদিংমক্না মখোয়গী শিন্মী খুদিংমক্না মশা-মশানা পামজবা উ অমমম ঐখোয়গী প্রধান মন্ত্রীনা তাক্লকপগী মতুং ইন্না থাগদবা উ মঙা অসিগী মথক্তা থাগদবনি হায়খি। ইন্সতিত্যুসনশিং অসিনা মখা তানা চহী অসিগী মনুংদা থাখ্রবা উশিং অসি হিংনবা অমসুং মশা মরেং ফনবগীদমক মখোয়গী শিন্মীশিংনা হোৎনহনগদবনি।

শ্রী পতেলনা মীপুম খুদিংমক্তা সঙ্কল্প পর্ব অসিবু শরুক য়াদুনা মখোয়না থারিবশিংদুগী ফোতো কলচর মন্ত্রালয়গা লোইননা #संकल्पपर्व #SankalpParv হায়না মীয়ামদা শেয়র তৌবীনবা আপিল তৌরি। মহাক্না হায়খি মদুদি থাবা খোৎপগী মতাং চপ চাবা মতম ওইরিবা মোন্সুনসু লাক্লে। অশেংবা নুংশিৎ অমসুং তরু তনানবা অকোইবা অমা ঐখোয়না তঙাইফদে হায়বসি হন্দক্কী লাইচৎ অসিগী মনুংদা খঙলে অমসুং ঐখোয়না ঐখোয়গীদমক থম্বীরম্লিবা মনা মশীংগী লন অসিগীদমক চাউথোকচরি, মসিনা লাইচৎ অসিগী মনুংদা ঐখোয়না অশোই অঙাম য়াওদনা লান্থেংনবা ঙমহল্লিবনি। ঐহাক্না মীয়াম পুম্বদা সঙ্কল্প পর্ব অসিবু শরুক য়াবীনবা হায়জরি অমসুং উ অমমম থাবীদুনা শেন্নবীদুনা ঐখোয় পুম্নমক্না অশেংবা অমসুং তরু তনানবা অকোইবা অমা শেম্মিন্নদুনা চাউখৎলবা "ভারত" অমা ওইনবা হোৎনমিন্নরসি।

*****