হকশেল অমসুং য়াইফ-য়ুম্বাল মন্ত্রালয়
কেন্দ্রগী হকশেল মন্ত্রীনা কোবিদ-১৯ লাকশিন্নবগী ক্লিনিকেল মেনেজমেন্তকী অনৌবা চৎন-কাংলোন ফোংখ্রে
অনৌবা চৎন-কাংলোন অসিদা দেক্সামেথাসোনবু ময়াই ওইবা অমসুং অকনবা কেসশিংদা মিথাইলপ্রেদনিসোলোনগী মহুত্তা শীজিন্নবা য়াওরি
Posted On:
27 JUN 2020 1:41PM by PIB Imphal
কোবিদ-১৯গী লাইয়েংদা কান্নবা হিদাকশিংগী মরমদা খঙবা হেল্লকপগা লোইননা কেন্দ্রগী হকশেল অমসুং য়াইফ য়ুম্বাল মন্ত্রালয়না ঙসি কোবিদ-১৯ লাইয়েংগী ওইবা অনৌবা ক্লিনিকেল মেনেজমেন্তকী চৎন-কাংলোন অমা ফোংখ্রে। হায়রিবা অনৌবা চৎন-কাংলোন অসিদা দেক্সামেথাসোনবু ময়াই ওইবা অমসুং অকনবা কেসশিংদা মিথাইলপ্রেদনিসোলোনগী মহুত্তা শীজিন্নবা য়াওরি। হায়রিবা অহোংবা অসি খ্বাইদগী নৌবা খুদম চাংদম অমসুং অখঙ অহৈশিং তান্নরবা মতুংদা শেমখিবনি।
দেক্সামেথাসোন অসি ইন্তি-ইনফ্লেমেতরী অমসুং ইম্ম্যুনোসপ্রেসেন্ত ওইবগীদমক হীরম কয়াদয়া পাক শন্না শীজিন্নবা কোর্তিকোস্তেরোইদ ওইবা হিদাক অমনি। রিকোবরী ক্লিনিকেল ত্রাইএলগী মতমদা কোবিদ-১৯ নাদুনা হোস্পিতালদা লৈরবা অনাবশিংদা চাংয়েং তৌখি অমসুং কা হেন্না কন্না নারবা অনাবশিংদা কান্নবা ফংখি, অমসুং মসিনা ভেন্তিলেতরদা লৈবা অনাবা শিবগী চাংসু শরুক অহুমগী মনুংদগী অমদা হন্থহনখি অমসুং ওক্সিজেন থেরাপী তৌদুনা লৈবা অনাবা শিবগী চাংসু শরুক মঙা ওইরম্বদগী অমদা হন্থহনখি। হিদাক অসি নেসনেল লিস্ত ওব ইসেন্সিএল মেদিসিন (এন.এল.ই.এম.)গী মনুংদা চল্লি অমসুং মসি পাক শন্না ফংলি।
কেন্দ্রগী হকশেল সেক্রেতরী, শ্রীমতি প্রীতি সুদান্না নৌনা শেমদোক্লবা চৎন-কাংলোন অসি রাজ্য/য়ু.তি. খুদিংমক্তা ফংহন্নবা হোৎনবদা চংবশিং অমসুং নৌনা শেমদোক্লিবা চৎন-কাংলোন অসি ইন্সতিত্যুসনেলগী থাক্তা শীজিন্ননবা থাখ্রে। শীজিন্নবগী মওং মতৌ তাক্কদবা দোক্যুমেন্ত অদুসু হকশেল মন্ত্রালয়গী ৱেবসাইত্তা ফংলেঃ
https://www.mohfw.gov.in/pdf/ClinicalManagementProtocolforCOVID19dated27062020.pdf
ক্লিনেকেল মেনেজমেন্ত প্রোতোকোলগী মমাংদা পুথোকপা অপদেৎ অসি জুন ১৩, ২০২০দনি।
*****
(Release ID: 1634734)
Visitor Counter : 144
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam