ইন্দিয়ন রেলৱেনা অতোপ্পা মন্ত্রালয়শিং অমসুং রাজ্য সরকারশিংগা খুৎশম্নরগা কোবিদ-১৯ লাইচৎ অসিদগী ঙাকথোক্নবগীদমক মহাক্কী ফ্রন্ত লাইন ৱর্করশিং অমসুং অতোপ্পা ওপরেস্নেল স্তাফশিংদা ঙাকথোক্নবা পীবদা থেংনগদৌরিবা চেলেঞ্জ অদু থেংন্নবা মপুং ফানা শেম শাখ্রে৷ মহাক্কী লৈরিবা ফেসিলিতীশিং অদু হেন্না ফহন্নবগীদমক মহাক্কী লৈজরিবা রিসোর্স পুম্নমক কোর্দিনেত ওইবা মওংদা শিজিন্নরি৷

রেলৱে ৱর্কসোপশিংনা চেলেঞ্জ অদু থেংনখ্রে অমসুং কোবরওল পি.পি.ই.শিং, সেনিতাইজর, মাক্সশিং, কোতস ইন-হাউসশিং শাখ্রে৷ হায়রিবা পোৎলমশিং অসি শাবদা চংলিবা রো মেতরিয়েল অদুসু ফিল্দ য়ুনিৎশিংনা ফংহনখ্রে৷ ইন্দিয়ন রেলৱেনা ২৪/০৬/২০২০ ফাওবগী মনুংদা পি.পি.ই. গাউন লাখ ১.৯১, সেনিতাইজর ৬৬.৪ কে.এল., মাক্স লাখ ৭.৩৩ পুথোকখ্রে৷ জুন অমসুং জুলাই থাগী ওইনা অপুনবা পি.পি.ই.গী তার্গেৎ অসি থা অমদা লাখ ১.৫ ওইনা লেপখ্রে৷ লোকদাউন মতম অসিগী মনুংদা রো মেতরিয়েল সেন্ত্রেলাইজ প্রোক্যোর্মেন্ত তৌবদা অমসুং য়েন্থোকপদা অমসুং শাবা লোইরবা পোৎশিং রেলৱে নেতৱার্ক শিনবা থুংনা তেস্তিং সর্কমস্তেন্সেসকী মখাদা য়েন্থোকপা অসি অচৌবা থবক অমনি৷ ক্বালিতীগী মতুং ইন্না পি.পি.ই. কোবরওল গাউনশিং শাবদা মরু ওইবা মচাক অমা ওইরিবা রো মেতরিয়েলগী সেন্ত্রেলাইজ ওইনা লৈশিন্নবগীদমক নোর্দন রেলৱেবু খনখ্রে৷ শেম্বা লৌইখ্রবা ইন-হাউস পোত্থোক পুম্নমক ক্বালিতী স্তেন্দর্দশিং ঙাকপা ঙমখ্রে৷

রেলৱেগী চেকশিন থৌরাং অসি হেন্না মপাঙ্গল লৈনবগীদমক কোবরওল পি.পি.ই. (লাখ ২২), এন ৯৫ মাক্স (লাখ ২২.৫), ৫০০ এম.এল.গী হেন্দ সেনিতাইজর (লাখ ২.২৫) অমসুং অতোপ্পা পোৎলমশিং রেলৱে য়ুনিৎশিংনা দরকার লৈবগী মতুং ইন্না নোদর্ন রেলৱেনা এম/এস ঐচ.এল.এল. লাইফ কেয়র (এম.ও.ঐচ.এফ.দবল্যু.গী মখাদা লৈবা পি.এস.য়ু.)দা ওদর তৌখ্রে৷

রেলৱেগী মন্ত্রালয়না রেলৱেগী হোস্পিতাল ৫০ কোবিদ দেদিকেতেদ হোস্পিতাল অমসুং কোবিদ দেদিকেতেদ হেল্থ সেন্তরশিং ওন্থোকখ্রে৷ কোবিদ-১৯ লাইচৎকী চেলেঞ্জ অসি থেংন্নবগীদক মেদিকেল ইক্যুপমেন্তশিং অমসুং অতোপ্পা পোৎলমশিং শিল লাংদুনা হায়রিবা হোস্পিতালশিং অসিগী ফেসিলিতীশিং ফগৎহনখ্রে৷ কোবিদ-১৯ অসি হৌরকপা মতমদা প্রোতেক্তিব গিয়রশিং খুদম ওইনা কোবরওল পি.পি.ই., মাক্সশিং, সেনিতাইজরশিং অমসুং ইক্যুপমেন্তশিং খুদম ওইনা ভেন্তিলেতরশিং কা হেনবা ফিভমদা মলেম শিনবা থুংনা অৱাৎপা লৈখি৷

লৈবাক অসিদা হেল্থ ইনফ্রাস্ত্রকচরগী কেপাসিতী অসি চাওহন্নবগীদমক রেলৱে কোচেস ৫২৩১ কোবিদ কেয়র সেন্তরশিং ওইনা থবক তৌনবগীদমক আইসোলেসন কোচেস ওন্থোকখ্রে৷ রাজ্যশিংদগী হায়জরকখিবগী মতুং ইন্না হৌজিক ফাওবদা রেলৱে কোচেস ৯৬০দি তোঙান তোঙানবা মফমশিংদা মথৌ তৌবা হৌখ্রে৷ হকশেল অমদি য়াইফ য়ুম্বালগী মন্ত্রালয়না রেলৱে কোচেসশিংদা লৈরিবা কোবিদ কেয়র সেন্তরশিংদা চিংনবা/কনফর্ম কেস লাকপা মতমদা চান্নবা মওংদা লাইয়েংনবগীদমক মাংজৌননা গাইদেন্স দোকুমেন্ত ফোংখ্রে৷

লাইচৎ অসিনা মরম ওইরগা রেলৱে সপ্লাই চেন অসি শোকহল্লবসু য়াম্না অপিকপা মওংদা ওপরেসন তৌবা অমসুং ঐখোয়গী দিপোর্তশিংদা স্তোকশিং ফংবনা মরম ওইরগা রেলৱে ওপরেসনশিং অমসুং মেন্তিনেন্স তৌবদদি শোকহল্লমদে৷ হিরম অসিদা য়ুনিৎশিং অসি য়েংশিন্নবগীদমক তঙাই ফদবা লমতাকশিং পুথোকখ্রে৷ রেলৱেনা মহাক্কী দিজিতেল সপ্লাই চেননা মরম ওইরগা মহাক্কী দরকার লৈরিবা লৈশিনবা অদুসু মখা শমথবা ঙম্লগনি অমসুং লাইচৎ অসি থেংনবদা দরকার লৈরিবা পোৎ খুদিংমকসু শিল লাংবা য়ারগনি৷

*****