পেত্রোলিয়ম অমসুং নেচরেল গ্যাস মন্ত্রালয়

শ্রী ধর্মেন্দ্রা প্রধান্না ওরিশাগী পারাদিপতা প্রদক্ত এপ্লিকেসন অমসুং দেবেলপমেন্ত সেন্তর শঙ্গাখ্রে; মসি আত্মানির্ভর ওরিশাগী ওইনা মরু ওইবা খোংথাং অমনি

Posted On: 25 JUN 2020 2:00PM by PIB Imphal

পেত্রোলিয়ম অমসুং নেচরেল গ্যাসকী মন্ত্রী শ্রী ধর্মেন্দ্রা প্রধাননা ওরিশাগী চীফ মনিস্তর শ্রী নবিন পাতনায়ক্কা লোয়ননা ভিদিও কনফরেন্সকী খুত্থাংদা পারাদিপতা ইন্দিয়ন ওইলনা লীংখৎখিবা প্রদক্ত এপ্লিকেসন অমসুং দেবেলপমেন্ত সেন্তর (পি.এ.দি.সি.) অমা ঙসি শঙ্গাখ্রে।

https://static.pib.gov.in/WriteReadData/userfiles/image/image001JXCP.jpg

ইন্দিয়ন ওইলনা মখোয়গী রিফাইনরী অমসুং পেত্রোকেমিকেলস কমপ্লেক্সকা থংননা পারাদিপদা কেপেক্স লুপা কোতি ৪৩কী পি.এ.দি.সি. লীংখৎখ্রে। পি.এ.দি.সি.দা লেবোরেতোরী ৪ লৈ মমিং ওইনা পল্লবদা পোলিমর প্রোসেসিং লেব, এনালাইতিকেল তেস্তিং লেব, কেমিকেল এনালাইসিস লেব অঞসুং করেক্তরাইজেসন লেব অসিনি। কস্তমরশিং অমসুং অনৌবা ইনবেস্তরশিংগী অপাম্বা ফঙহন্ননবা তেক্নিকেল সেন্তর অসিদা খ্বাইদগী নৌবা সোফিস্তিকেতেদ পোলিমর তেস্তিং অমসুং প্রোসেস তৌনবা খুৎশু খুৎলাই লৈরে। পি.এ.দি.সি., পারাদিপ অসি ভারত সরকারগী সাইন্স অমসুং তেক্নোলোজি মন্ত্রালয়গী দিপার্তমেন্ত ওফ সাইন্তিফিক এন্দ ইন্দস্ত্রিএল রিসর্চ (দি.এস.আই.আর.)না শকখঙলবা রিসর্চ সেন্তর অমা ওইরে।

ওরিশাগী অমসুং অকোয়বদা লৈরিবা প্লাস্তিকগী লমগী অনৌবা ওন্তপ্রেনোর থোকহল্লকনবা পি.এ.দি.সি.না ইনক্যুবেসন সেন্তর অমা ওইরগনি। মোলদ তৌরবা ফর্নিচর, হাউসৱের, সিমেন্ত, ফর্তিলাইজর হাপনবা অরোনবা খাউ, অঙাংগী দাইপর, পর্সনেল প্রোতেক্তিব সুৎ, মাস্ক অসিনচিংবা হেল্থকেয়র এপ্লিকেসনশিং অসিগুম্বা পোলিমরগী ফিনিস তৌরবা পোৎশিংগী প্রদক্ত অমসুং এপ্লিকেসন দিবেলপমেন্তদা সেন্তর অসিনা কস্তমরশিং অমসুং ইনবেস্তরশিংদা মতেং পাংগনি। পারাদিপ প্লাস্তিক পার্ক্কী ইনবেস্তরশিং অমসুং বালাসোর অমসুং খুর্দাগুম্বা অতোপ্পা ক্লস্তরশিংগী তেস্ত তৌবা অমসুং দিবেলপমেন্তগী থবক থৌরমশিং সেন্তর অসিনা তৌগনি। প্লান্ত সেত-অপ তৌবা, মেছিনগী অমসুং পোৎচাক খনবগী থবক থৌরমশিং অসি খুৎ পাইদুনা তাকপী তম্বীবা য়াওনা তুংগী আশা লৈরিবা অমসুং অনৌবা ইনবেস্তরশিংদা মথৌ তাবা প্রদক্ত অমসুং প্রোসেস ত্রেনিং অদু সেন্তর অসিনা পীরগনি। পি.এ.দি.সি.না ক্বালিতী লৈনা, কমপ্লেন্ত তাবিবা, কস্তমর সপ্পোর্ত, বেন্সমার্কিং স্তদিস, অনৌবা অমসুং মতিক চাবা গ্রেদ দেবেলপমেন্ত অমসুং এপ্লিকেসন দেবেলপমেন্তগী থবক থৌরমশিং পীরগনি।

থৌরম অসিদা ৱা ঙাংলদুনা, শ্রী প্রধাননা হায়, “ইকাইখুম্নরিবা প্রধান মন্ত্রীগী নোংচুপ থংবা ভারতনা লৈবাক অসি ফগৎহনবদা থৌদাং লৌশি হায়বা মিসন পুরভোদয়াগী ৱাখল্লোন অসিনা থৌনা হাপলদুনা, কেন্দ্র অমসুং ওরিশা সরকারনা ওরিশা ফগৎহন্ননবা পুন্না হোৎনরি। পেত্রোকেমিকেলশিং, স্তীল, মাইনস অমসুং কোইলা, এলুমিনিয়ম, তুরিজম, তেক্সতাইল, এগ্রি ওন্তপ্রনোরশিপ অসিদা স্তেৎ অসিনা তৌবা ঙমগদবা কয়া লৈরি। সেক্তর কয়াদা ভারত সরকারনা ওরিশাগী ওন্তপ্রনোরশিপ হেনগৎহন্ননবা হোৎনরি মসিনা থবক মশিং কয়া পীবা ঙমলগনি।”

“ঙসি শঙ্গারিবা মালেমগী থাক্তা খুদোংচাবা ফংহনগদৌরিবা অসিনা রো মেতরিএলশিং ফংহনগনি, পেত্রোকেমিকেলস সেক্তরদা ওন্ত্রপ্রনোরশিং খুদোংচাবা ফংহনগনি অমসুং প্রোস্পেক্তিব অমসুং বদ্দিং ইনবেস্তরশিংদা ত্রেনিং পীগনি। মসিগী সেন্তর-ওফ-এক্সিলেন্স অসিনা তোঙান তোঙানবা অনৌবা থবকশিং পীবদা মতেং পাংগনি অমসুং ওরিয়া নহাশিংদা মশানা মশাবু থবক পীবগী খুদোংচাবশিং পীগনি অমসুং নুপী অমসুং থবক কন্না শুবা শিন্মীশিংদা মতেং পাংগনি অমসুং মখা তানা স্তেৎকী রিভিন্যু অমসুং শেন্মীৎলোন ফগৎহল্লগনি। মসি ওরিশাগী চাওখৎ থৌরাংদা অচৌবা মায় পাকপা অমনি অমসুং আত্মনির্ভরোরিশা অমা শেম্বদা মতেং পাংলগনি অমসুং মখা তারকপদা আত্মনির্ভর ভারততা অমগী অপুনবা মীৎয়েংদা মতেং পাংলগনি”।

ওরিশাগী মুখ্য মন্ত্রী শ্রী নবীন পতনাইক্না শঙ্গাবা অদুদা হরাওবা ফোঙদোক্লদুনা হায় “ মসিগী সেন্তর অসিনা অনৌবা পোৎশকশিং পুথোকপদা অমসুং ইনোবেতিব এপ্লিকেসনশিং মরুওইবা থৌদাং অমা লৌবা খক্তা নত্তনা মসিনা প্লাস্তিক অমসুং পোলিমরশিংগী সেক্তরশিংদা মেন্যুফেকচরিং য়ুনিৎশিং লিংখৎপদসু মতেং পাংগনি”। মহাক্না হায় স্তেৎ অসিদা প্লাস্তিক অমসুং পোলিমর ইন্দস্ত্রী চাওখৎহনবদা আই.ও.সি.এল.না লুচিংবা অমগুম মথৌ তৌরি অমসুং অনৌবা সেন্তর অসিনা মখাতানা মফম অসিদা ইনোবেসন অমসুং ওন্ত্রপ্রনোর্শিপতা মখাতানা মতেং পাংগনি।

লিঙ্ক অসিদা য়েংবীয়ু: ..\Downloads\WhatsApp Video 2020-06-25 at 13.14.02.mp4

পি.এন.জি.গী মন্ত্রালয়গী সেক্রেতরী শ্রী তরুন কাপুর অমসুং চিয়র্মেন আই.ও.সি.এল. শ্রী সনজীব সিংহসু থৌরম অদুদা ৱা ঙাংখি। ওরিশা সরকার, এম/পি.এন.জি. অমসুং আই.ও.সি.এল.গী ওফিসরশিং ভর্চুএল থৌরম অদুদা শরুক য়াখি।

*****



(Release ID: 1634274) Visitor Counter : 83