এম. এস. এম. ই. মন্ত্রী শ্রী নিতিন গারকরিনা ঙসি “দিসত্রেস এসেত্স ফন্দ-সব-ওর্দিনেত দেব্ত ফোর এম. এস. এম. ই.” হায়নসু কৌবা ক্রেদিত গরেন্তী স্কিম ফোর সব-ওর্দিনেত দেব্ত (সি. জি. এস. এস. দি.) হৌদোকখ্রে‍।

স্কিম অসুগী মতুং ইন্না মখোয়গী অৱাবা তারবা এম. এস. এম. ই.শিংদা মথা তানা ইকুইতী ওইনা শেন থাদনবগীদমক বেঙ্কতগী শেন্দোন লৌবা ঙমগদবা প্রমোতরশিংদা লুপা করোর ২০,০০০গী গরেন্তী কভর পীগনি‍।

অৱাবা তারবা এম. এস. এম. ই.শিংনা থেংনরিবা খ্বাইদগী অচৌবা শীংনবদি দেব্ত নৎত্রগা ইকুইতীগী মওংদা শেনফম লৌবা অসিনা ওইরি হায়না খন্নরি‍। মরম অসিনা আত্মনিরভর ভারত পেকেজগী শরুক অমা ওইনা মে ১৩, ২০২০দা শেনথুম মন্ত্রীনা অৱাবা তারবা অদুগা মথৌদি তৌরিবা এম. এস. এম. ই.শিংগী প্রোমোতরশিংদা সব-ওর্দিনেত দেব্ত পীননবগী স্কিম অসি লাউথোকখিবনি‍। সি. সি. ই. এ.গী অয়াবা লৌবা অমদি শেনথুম মন্ত্রালয়, সিদবি অমদি আর. বি. আই.গা তান্নবনচিংবা মথৌ তাবা ফোর্মেলিতীশিং লোইশিল্লবা মতুংদা স্কিম অদু ঙসি গারকরিন নাকপুরদা লাউথোকখিবনি‍।

স্কিম অসিগী চাউরাকপা মশকশিংদি:

স্কিম অসিনা এপ্রিল ৩০, ২০২০ ফাওবদা অৱাবা তারবা অমদি এন. পি. এ. তারবা অদুগা মথৌদি তৌরিবা এম. এস. এম. ই.শিংগী প্রমোতরশিংদা ঙাক্লৌ পীননবগীদমক্নি‍;

এম. এস. এম. ই.শিংগী প্রমোতরশিংদা মখোয়গী স্তেক (ইকুইতীগা দেব্তকা পুল্লগা)কী চাদা ১৫ নৎত্রগা লুপা লাখ ৭৫ অনিসিদগী হন্থবদুগা মান্নবা ক্রেদিত পীগনি‍;

প্রমোতরশিংনা হায়রিবা শেনফমসি এম. এস. এম. ই. য়ুনিতশিংদা ইকুইতী ওইনা থাদদুনা শেনথুম মরাং কায়হন্দুনা দেব্ত-ইকুইতী রেসিও মেন্তেন তৌহনবা;

স্কিম অসিগী মখাদা সব-দেব্তকী মখাদা চাদা ৯০গী গরেন্তী কভর পীগনি অমদি চাদা ১০না মরী লৈনবা প্রমোতরশিংদগী লাক্কনি‍;

শেল্লেপ শিংদোকপদা চহী ৭কী মোরেতরিয়ম লৈগনি অমদি শেন শিংদোকপগী মতম্না চহী ১০ ওইগনি‍।

স্কিম অসিনা এম. এস. এম. ই. লাখ ২রোমদা মথৌ তাবা ঙাক্লৌ পীগনি অমদি সেক্তর অসিদা শেন্মিৎলোনগী থৌওংশিং হিঙ্গৎহন্নবগীদমক মতেং পীগনি‍। মসিনা মখোয়দা তাংদুনা লৈরিবা মীওই মিলিয়ন কয়াগী থবক অমদি হিংনবগী লম্বীশিং ঙাকথোকপদসু মতেং ওইগনি‍। হায়রিবা ক্রাইতেরিয়াশিং অসি য়ৌবা এন. এস. এম. ই.শিংগী প্রমোতরশিংনা স্কিম অসিগী মখাদা কান্নবা অসি লৌনবগীদমক সেদ্যুল কম্মর্সিএল বেঙ্ক অমা হেক্তদা চঙবা য়াই‍। স্কিম অসি ক্রেদিত গরেন্তী ফন্দ ত্রস্ত ফোর এম. এস. ই. (সি. জি. তি. এম. এস. ই.)গী মখাতা পায়খৎকদবনি‍। হীরমসিগী মতাংদা ওইথোকপা য়াবা এফ. এ. ক্যু .গা লোয়ননা মথৌ তাবা চৎন-কাঙলোনশিং ঙসি পীথোক্লে অমদি মীয়ামদা ফংহল্লে‍।

থৌরমসিদা শ্রী নিতিন গারকরিনা প্রধান মন্ত্রী অমসুং শেনথুম মন্ত্রীবু স্কিম অসিগীদমক্তা থাগৎপা ফোঙদোকখি‍। মন্ত্রালয়গী অনৌবা স্কিম অসিদা ঙাক্লৌ পীবিবগীদমক্তসু মহাক্না দিপার্তমেন্ত ওফ এক্সপেন্দিচর, দিপার্তমেন্ত ওফ ফাইনান্সিএল সর্ভিসেস অমদি আর. বি. আই.গী গভর্নরবুসু থাগৎপা ফোঙদোকখি‍।

*****