ভারত সরকারগী সাইন্স অমসুং তেক্নোলোজী বিভাগকী মখাদা লৈবা ওতোনোমস রিসর্চ ইন্সতিত্যুৎ অমা ওইরিবা জৱাহর্লাল নেহরু সেন্তর ফোর এদভান্স সাইন্তিফিক রেসর্চ (জে.এন.সি.এ.এস.আর.)গী জাক্কুর কেম্পসতা লৈবাক অসিনা কোবিদ-১৯ লায়চৎ লান্থেংনবা ঙম্নবা মতেং পাংবা ওইনা হীরম অসিদা খ্বাইদগী অনৌবা কোবিদ দাইগ্নোসিস ত্রেনিং সেন্তর অমা লীংখৎখ্রে।

রিএল-তাইম পি.সি.আর.গুম্বা মোলিকুলর দাইগনোসিস তেক্নিকশিং অসিনা কোবিদ-১৯ য়াওনা লায়চৎশিং খঙদোকপা অমসুং থীদোকপদা মরু ওইবা থৌদাং অমা লৌরি। লাইবক থীবদি ভারতনা রিএল-তাইম পি.সি.আর. অসি ক্লিনিকেল দাইগনোস্তিকশিংদা শীজিন্নবা হৈবগী লৌশিঙ অদু ৱাৎলি। জে.এন.সি.এ.এস.আর.না লৈবাক অসিদা মরু ওইরিবা অমসুং অৱাৎপা অদু খঙলদুনা হীরম অসিদা খ্বাইদগী অনৌবা দাইগনোসিস ত্রেনিং ফেসিলিতী লীংখৎতুনা কোবিদ-১৯গী রিএল-তাইম পি.সি.আর. অসি শীজিন্নবগী মতাংদা তাকপী তাম্বীনবা কেম্পেন অমা হৌদোখ্রে। প্রোগ্রাম অসিগী মরু ওইবা পান্দমদি রিএল-তাইম পি.সি.আর.দা বেচ অমদা ত্রেনী ৬-১০ য়াওহন্দুনা বেচ মশিং কয়া ত্রেনিং পীবনি।

প্রোগ্রাম অসিনা মীওই মশিং কয়া মথং মনাও নাইনা বেচশিং লাক্লিবা থাশিং অসিদা চায়োল অমগী ক্রাশ কোর্সকী খত্থাংদা ত্রেনিং ফংহনবনি। জে.এন.সি.এ.আর.গী কোবিদ ত্রেনিং ফেসিলিতি অসিদা অহানবা বেচনা জুন ১৬তগী ২২, ২০২০ ফাওবা ত্রেনিং পীখি।

চায়োল অমা শাংনা তৌদুনা পাকশন্না তাক্কদৌরিবা ক্রাশ কোর্স অসিদা ক্লাসরুমগী লেকচর অমসুং লেবোরেতোরীগী এক্সপিরিমেন্তশিং অনিমক য়াওরি। কোর্স অসিনা থীওরিতিকেল ওইবা লৌশিঙ লৈহন্ননবা লোয়ননা ত্রেনিং পীনবা শেমখিবনি। প্রক্তিকেল লেবোরেতোরী সেসনশিংনা শরুক য়ারিবা মীওইশিংদা শন্দোক্কনবা সেম্পলশিং প্রোসেস তৌবা, নুক্লিক এসিদ লৌথোকপা অমসুং থমজিনবা, রিএল-তাইম পি.সি.আর. অমসুং মোলিকুলর তেক্নিকশিং, দাতা এনলাইসিস, অমসুং মরু ওইনা ক্লিনিকেল দাইগনোসতিক ফেসিলিতী অমগী সেন্দর্দ ওপরেতিং প্রোতোকোলশিং (এস.ও.পি.) তাকখি। ত্রেনিং অসিদা শন্দোক্কনবা ভাইরস য়াওদবা সিমুলেতেদ সেম্পলশিং খক্তা শীজিন্নৈ। কোর্স অসি লোয়রবা মতুংদা ত্রেনীশিংনা ক্লিনিকেল দাইগনোসতিক ফেসিলিতী অমদা চংবা য়ারগনি অমসুং ক্লিনিক অমদা সেম্পল শেম্বা অমসুং কোবিদ খক্তা নত্তনা অতোপ্পা শন্দোক্কনবা মহিক্কি রিএল-তাইম পি.সি.আর. তৌবা ঙম্লগনি।

“শন্দোক্কনবা সেম্পলশিং হেন্দল অমসুং প্রোসেস তৌবা, রিএল-তাইম পি.সি.আর. অমসুং মোলিকুলর দাইগনোসতিকশিং শীজিন্নবা, দাতা এনলাইসিস, অমসুং ক্লিনিকেল দাইগনোসতিক ফেসিলিতী অমগী সেন্দর্দ ওপরেতিং প্রোতোকোলশিং (এস.ও.পি.)গী সাইন্তিফিক ত্রেনিং হেনগৎহনবা অসি কোবিদ-১৯গী তানফম অসিদা থৌদোক হেন্দোক্না মরু ওইবদা নত্তনা মসিনা তুংলমচৎতা মসিগী মান্নবা খুদোংথিবা লাকপদা লায়না লাকশিন্নবা লৈবাক অসিনা শেম শাবা ঙমহল্লগনি” হায়না দি.এস.তি.গী সেক্রেতরী, প্রোফেসর অশুতোশ শর্মানা ফোঙদোকখি।

প্রোগ্রাম অসি ভারতকী মেদিকেল ইন্সতিত্যুৎ অমা হেক্তদগী মেদিকেল লেবোরেতোরী তেস্তিং (এম.এল.তি.দিগ্রী) পাইবা নহা ওইরিবা গ্রেজ্যুৎ নত্রগা পোস্ত-গ্রেচ্যুৎনা য়াওবা য়াই। ক্লিনিকেল সর্ভিস অমসুং দাইগনোসতিক লেবোরেতোরীশিংদা হৌজিক লৈরিবা মীওইনা মরু ওইনা ত্রেনিং অসিদা য়াওনবা থৌগৎলি। রেজিস্তর তৌরবা মীওইশিংদা ইন্সতিত্যুৎনা লেম্না লৈফম অমদি চাফম পীবগী মথক্তা চানবা মিম্যুনরেসন পীরি।

ত্রেনিং প্রোগ্রাম তৌবগী ফোতোশিং

*****