ঙসি য়ুনিয়ন মিনিস্তর দোক্তর জিতেন্দ্র সিংহনা হায়খ্রে মদুদি কোবিদ লাইচৎনা অপুনবা লায়েং কাংলোনশিংগী কান্নবশিং অমুক হন্না নিংশিংহল্লে অমসুং অসিগুম্বা অৱাবা লাকপা মতমদা অনা-লায়েংগী লমদা অসিগুম্বা থবকশিং অসি পায়খৎনবা খন্নবা মতম ওইরে।

ভারতকী মাংজিল থারিবা অয়ুসকী অখঙ-অহৈশিং হায়বদি বিবেকানন্দা সেন্তর বেঙ্গলুরগী হেদ দোক্তর নাগেন্দ্র অচারয়া, সিতারাম অয়ুর্বেদিক হোস্পিতাল থ্রিসুর কোচিনগী দোক্তর রামানাথান, উনানি মেদিকেল সাইন্সেস অলিগর মুস্লিম য়ুনিভর্সিতিগী দোক্তর জমির অহমদ, ইন্সিতিতুৎ ওফ হুমেন বিহেবিয়র এন্দ এল্লাইদ সাইন্সেস, নিউ দিল্লিগী হোমিওপেথিক কন্সলতেন্ত দোক্তর অশোক শর্মা মীফম অদুদা শরুক য়াখি। দোক্তর জিতেন্দ্রনা হায়খি দাইবেতিসগুম্বা লৌনগন্দবা লায়নাশিং ফাওবদা অপুনবা লায়েং কাংলোনশিং চৎরে অমসুং মসিগী মতাংদা থিজিনবা দরকার ওইরি। দাইবেতিস অনাবা মীওই অমা ইন্সুলিন ওরেল এন্তিদাইবেতিক হিদাক চারিঙৈদা য়োগা অমসুং নেচরোপেথি য়াওনা অতৈ লায়েংশিং চৎথবা মতমদা সুগর লাকশিনবা অমসুং হিদাক্কী দোজ হন্থহনবা ঙম্মি হায়বা রিছর্স পেপরশিংনা উৎলে।

কোবিদকী মতাংদা দোক্তর জিতেন্দ্রনা হায়খি মসি ভাইরসনা থোকহনবা লায়না অমা ওইবনা মসি ঙাকথোকপা অসি অনাবা অমগী লায়না ঙাকথোকপা ঙম্বগী মখা য়াম্না পোল্লি মরম অদুনা লায়না ঙাকথোকপা ঙম্বগী শক্তি হেনগৎহনবা য়াম্না মরুওই। হকচাংগী লায়না ঙাকথোকপা ঙম্বগী শক্তি হেনগৎহন্নবা পাকশন্না হোমিওপেথি অমসুং অতোপ্পা হিদাক-লাংথকশিং শীজিন্নগদবনি।

ভর্চুএল মীফম অদুদা দোক্তর নাগেন্দ্রনা চহি ৬০ মখা, চহি ৬০ মথক অমসুং হোস্পিতালদা লায়েংলিবা অনাবশিংনা শানবা য়াবা অনৌবা য়োগা কাংলোন অমা উৎখি। কাংলোন অদু মিনিত ১৫গী মনুংদা পাংথোক্কদবনি।

*****