কোবিদ-১৯গী মায়োক্তা চত্থরিবা লান অসি কেন্দ্র সরকারনা লুচিংদুনা রাজ্য/য়ু.তি.শিংনা তেংবাংদুনা পুন্না চত্থমিন্নবা লান্থেংনবা মখল অমনি। কেন্দ্র সরকারনা পীবা এদাবাইজরিশিং, গাইদলাইনশিং অমসুং কাংলোনশিংগী চাউরবা ফ্রেমৱর্ক কয়াগী মনুংদগী রাজ্যশিংনা তোঙান তোঙানবা খোংথাং কয়া শেমদোক্তুনা অনৌবা পথাপ কয়া পুথোক্নরক্লি।

ওরিশানা কোবিদকা মায়োক্ননবা আই.তি. মফম চানা শিজিন্নবা, মফম মফমশিংগী সর্পঞ্চশিংবু মপাঙ্গল হাপ্পা, খুন্নাইনা শরুক য়াহনবগী খুত্থাংদা হৈ-শিংলবা হেলথকেয়রগী কাংবু শেমগৎপা অমসুং অশোয় অঙাম নংবা য়াবা কাংলুপশিংবু ঙাক শেনবদা মীৎয়েং চংবা থবক থৌরম কয়া অমা চত্থরক্লি। মসিনা লায়না অসিদগী মীওই লৈতবগী মশিং হন্থহন্দুনা কান্নবা কয়া পীরি। মরু ওইবা থবকশিংগী মনুং চনবশিংদিঃ

কুইনদগী নারকপা লায়না লৈবা মীওইশিং অমসুং অহলশিংদা সচেতাক এপকী খুত্থাংদা তেংবাংবাঃ

ভুবনেস্বর ম্যুনিসিপাল কাউন্সিল (বি.এম.সি.)না শহরসিদা লৈবা কুইনদগী নারক্লবা লায়না লৈবা মীওই অমসুং অহলশিংবু নিংথিনা য়েংশিন্নবা ‘সচেতাক’ কৌবা মোবাইল এপ অমা শেমখ্রে। ইমুং-মনুংগী মীওই অমা কেয়রগিবর ওইনা রেজিস্তর তৌই। মথন্তা লৈবা অহলশিংগী ওইনা ৱার্দকী থাক্কী সচেতাক কম্মিতীগী মীওই অমনা কেয়রগিবর ওইনা শক তাকই। অশোয় অঙাম নংবা য়াবা মীবু খাজিন্দুনা থম্বগী মওংদা মখোয়না থবক তৌই। এপ অসিগী খুত্থাংদা মীয়াম্না কোবিদতগী ঙাকথোক্নবা রিসোর্সশিং খংদোকপা য়াই, দাক্তর তানবা য়াই, কোবিদ ক্বারেন্তাইন অমসুং পোজিতিব কেসকী অপদেৎ য়েংবা য়াই। এপ অসিদগী ফংবা দেতাগী মতুং ইন্না সিবিক বোদিশিংনা হেলথকেয়র কেম্প শিন লাংবদা মতেংসু পাংই।

সর্পঞ্চশিংবু মপাঙ্গল হাপ্তুনা নিংথিনা য়েংশিনবা ঙমহনবাঃ

রাজ্য সরকারনা দিস্ত্রিক্ত কল্লেক্তরশিংগী মখাদা লৈবা গ্রাম পঞ্চায়ৎকী সর্পঞ্চশিংদা দিজাজতর মেনেজমেন্ত এক্ত, ২০০৫গী সেক্সন ৫১, ওরিশা কোবিদ-১৯ রিগুলেসন্স, ২০২০গা লোয়নবা ইপিদেমিক দিজিজ এক্ত ১৮৯৭কী মখাদা শক্তি শিন্নখ্রে। মসিনা মরু ওইনা অতোপ্পা মফমদগী হল্লকপা মাইগ্রেন্তশিংনা নুমিৎ ১৪নিগী ক্বারেন্তাইন তৌবগী চৎন-কাংলোনশিং নিংথিনা য়েংশিনবদা মতেং পাংলি।

তেলেমেদিসিন সর্বিস ফংহনবাঃ

হান্না লৈরিবা ১০৪গী হেল্পলাইনগী মথক্তা শেল চংদবা তেলেমেদিসিন হেল্পলাইন সর্বিস (১৪৪১০) অমসু থবক তৌবা হৌহনখ্রে। ইন্তরেক্তিব ভোইস রেস্পোন্স (আই.ভি.আর.)কী পথাপ্তা য়ুম্ফম ওইবা মোদ্যুল য়াওহন্দুনা মসিনা মতিক চাবা মেদিকেল প্রোফেস্নেল ৩০০ হেনবনা মতেং পাংদুনা মীয়ামদা কোবিদ-১৯গা মরী লৈনবা মেদিকেলগী পাউতাক অমসুং ৱাফম কয়া অমা খংহল্লি। মসিনা মীয়ামদা লৈবা অকিবা অমসুং ৱাখল চরাংনবা কয়া কোকহল্লি।

মেদিকেলগী মীওইশিংগী তৌবা ঙম্বা হেনগৎহনবা

ওরিশা সরকারনা হকশেলগী মীওই লাখ ১.৭২ হেন্না ত্রেন তৌদুনা কোবিদকী অনাবশিংদা হকশেলগী ওইবা সেবা পীনবা শিজিন্নরি। অনৌবা খোংথাং অমা ওইনা গঞ্জম জিলাগী লৈঙাক্লোইনা ক্বারেন্তাইন সেন্তরদা লৈবা মাইগ্রেন্ত লিশিং কয়াবু সেনিতেসনগী মতাংগী ওইবা হীরমশিংগী ওইবা খুন্নাইগী হেলথ ৱর্কর ওইনা ত্রেন তৌরি। মসিগী থৌওং অসি অতোপ্পা জিলাশিংদসু মতৌ তম্নদুনা থবক ওইনা পাংথোকপা হৌনরে।

*****