শীংথানিঙাই ওইবা খোংথাং অমা ওইনা লেবর অমসুং এমপ্লোইমেন্ত মন্ত্রালয়না মার্চকী তাং ২৪, ২০২০দা থোকখিবা এদবাইজরিগী পাউখুম ওইনা স্তেৎ সরকারনা হৌজিক ফাওবদা লুপা কোতি ৪৯৫৭গী য়াম্লবা শেনফম অমা লোকদাউন মনুংদা লৈবাক অসিগী রিজিস্তর তৌরবা কন্সত্রক্সনগী শিন্মী চাওরাক্না কোতি অনিদা য়েন্থোকখ্রে। দাইরেক্ত বেনিফিৎ ত্রান্সফর (দি.বি.তি.)গী খুত্থাংদা শিন্মীশিংগী বেঙ্ক একাউন্তদা হকথেংননা কোতি ১.৭৫ ত্রাঞ্জেক্সন তৌখি। লোকদাউন মনুংদা মীওই অমদা শেলগী কান্নবা লুপা ১০০০দগী লুপা ৬০০০ ফাওবা ফঙবগী মথক্তা স্তেৎ খরনা মখোয়গী শিন্মীশিংদা চাননবা চিঞ্জাক অমসুং রসনসু পীখি।

কোবিদ-১৯গী লোকদাউনগী খুদোংচাদবা তানফম অসিগী মনুংদা, কন্সত্রক্সন শিন্মীশিংগী য়াইফ থৌরাংগী মতাংদা স্তেৎ সরকার অমসুং স্তেৎ ৱেলফিয়র বোর্দ পুম্নমক্কা লোয়ননা থবক তৌরিবা কেন্দ্রগী নোদেল মন্ত্রালয় ওইরিবা লেবর অমসুং এমপ্লোইমেন্ত মন্ত্রালয় অসিনা মখোয়না খ্বাইদগী মথৌ তাবা মতমদা শেলশিং মখোয়দা মতম চানা ত্রান্সফর তৌনবা হোৎনরি।

বিল্দিং এন্দ অদর কন্সত্রক্সন ৱর্করস (বি.ও.সি.দবল্যু.) অসি ভারতকী ওর্গনাইজ তৌদ্রিবা সেক্তরগী শিন্মীশিংগী খ্বাইদগী অৱাবা তারিবা শরুক অমনি। মখোয়না ফীভম শোক্লবা মওংদা থবক শুরি লোয়ননা তুংগী আশা উবা ফঙদ্রি। মখোয়শিংগী মরক্তা শরুক অমদি অতোপ্পা স্তেৎশিংদা মশাগী পোক্নফমদগী লাপ্না মাইগ্রেন্ত শিন্মী ওইনা থবক শুরি। মখোয়না লৈবাক শেমগৎপদা অচৌবা থৌদাং লৌরি অদুবু মখোয় মশাদি খুন্নাই অসিদা শোত্থনা লৈরি।

বিল্দিং এন্দ অদর কন্সত্রক্সন ৱর্করস এক্ত, ১৯৯৬ অসি শিন্মীশিং অসিদা থবক পীনবা অমসুং সর্ভিস পীবা হেনগৎনবা অমসুং মখোয়বু খুদোংথিবা থোক্তনবা, হকশেল অমসুং য়াইফ থৌরাংশিং পীনবা চৎনবা হৌখি। এক্ত অসিগা লোয়ননা সেস এক্তনা লায়চৎকী ৱারবা তানফম অসিদা কন্সত্রক্সন ৱর্করশিংদা মতেং পীদুনা মখোয়বু কনবদা অচৌবা থৌদাং লৌখি। এক্ত অসিগী মখাদা স্তেৎ সরকারনা মখোয়গী স্তেৎ ৱেলফিবর বোর্দশিংগী খুত্থাংদা কন্সত্রক্সন ৱর্করশিংগী য়াইফ থৌরাং স্কিমশিং শেম্বা অমসুং লৌখৎপা তাই। ফন্দ অসিদা কন্সত্রক্সনগী অচংবা শেলশিংগী খাজনা @১% স্তেৎ সরকারনা থীহল্লগা অমসুং খোমগৎলগা মসি য়াইফ থৌরাংগী ফন্দদা হাপচিল্লি।

লেবর অমসুং এমপ্লোইমেন্ত মন্ত্রালয়না মার্চ ২৪, ২০২০দা চীফ মিনিস্তর পুম্নমক্তা মতম চানা এদবাইজরি অমা থাদুনা স্তেৎশিংনা এক্ত অসিগী সেক্সন ২২ (১) (ঐচ)গী মখাদা স্কিম অমা শেমদুনা দাইরেক্ত বেনিফিৎ ত্রান্দফর (দি.বি.তি.) ,মোদকী খুত্থাংদা কন্সত্রক্সন ৱর্করশিংগী বেঙ্ক একাউন্তশিংদা ফন্দশিং মরাং কায়না ত্রান্সফর তৌগদবনি হায়না য়াথং পীখি। মখোয়গী মথৌ তাবা মতেং অদুগী মতুং ইন্না কন্সত্রক্সন ৱর্করশিংদা পীগদবা শেনফম অদু মশা মশাগী স্তেৎ সরকারনা লেপকনি। কন্সত্রক্সন ৱর্করশিংনা মায়োক্নরিবা শেলগী অৱাবা অদু হন্থহনবদা মতেং ওইনবা এদবাইজরী অসি থোকখি। হীরম অসিগা মান্নবা চিথী অমা লেবর অমসুং এমপ্লোইমেন্তগী সেক্রেতরীনা স্তেৎ পুম্নমক্কী চীফ সেক্রেতরীদা ইখি অমসুং মতম মতমগী ওইনা ভিদিও কনফরেন্সিংগী খুত্থাংদা থবক কনশিনখি।

মখোয়গী মাইগ্রেন্ত ওইবগী মওং, থবক মফম হোংবা, লাইরিক্কী মঙাল অমসুং এৱের্নেস ৱাৎপা অসিগুম্বা মরমশিং অসিনা বিল্দিং এন্দ অদর কন্সত্রক্সন ৱর্কর খরদি পাউ ফাওনবা ঙমদনা লৈরি। খুদোংচাদবা অসি কোকহন্ননবা কেন্দ্রগী মন্ত্রালয়না প্রুধান মন্ত্রী জন অরোগ্য য়োজনা (পি.এম.- জে.এ.ৱাই.)গী খুত্থাংদা ৱাৎহৌরিবা শিন্মীশিং অসিগী রেজিস্ত্রেসন অদু অথুবদা ত্রেক তৌবা, মফম খুদিংদা কান্নবশিং অসি ফঙহনবা , সোসিএল সেক্ব্যুরিতী স্কিমশিংগী য়ুনিভর্সেলাইজেসন তৌনবা, প্রধান মন্ত্রী জীবন জোতি বিমা য়োজনা (পি.এম.জে.জে.বি.ৱাই.) অমসুং প্রধান মন্ত্রী সুরকশা বিমা য়োজনা (পি.এম.এস.বি.ৱাই.)গী খুত্থাংদা শীবা অমসুং শোইনায়বা কভর তৌবা, প্রধান মন্ত্রী শ্রম য়োগী মানধন য়োজনা (পি.এম.-এস.ৱাই.এম.)গী খুত্থাংদা অহল ওইরবা মতমদা পুন্সি চুপ্পা পেন্সন পীবা অমসুং অচৌবা সহরশিংদা চৎপদা লৈফম চাফম পীনবা প্রোবিজনশিং য়াওবা মিসন মোদ প্রোজেক্ত অমা হৌদোক্নবা থৌরাং তৌখ্রে।

*****