কম্মর্স অমসুং ইন্দস্ত্রী মন্ত্রালয়গী মখাদা লৈবা অখন্নবা মশা অমা ওইরিবা গবর্ন্মেন্ত ই.-মার্কেৎপ্লেস (জি.ই.এম.)না মখোয়দা অনৌবা পোৎ রেজিস্ততর তৌবা মতমদা পোৎ য়োনবশিংনা পোৎশিংগী হৌরকফমগী লৈবাক্কী ৱারোল পনবা তঙাই ফদবা ওইরে। মখা তাবা ওইনা জি.ই.এম.দা হায়রিবা মওং অসি হাপত্রিঙৈগী মমাংদা অপ্লোদ তৌখ্রবা পোৎশিংগী ওইনসু হৌরকফম ওইরিবা লৈবাক্কী ৱারোল হাপকৎলক্নবা খংহনখ্রে অমসুং করিগুম্বা হাপ্লক্ত্রবদি জি.ই.এম.দগী মখোয়গী পোৎশিং লৌথোক্কনি হায়নসু খংহনবা লৈখ্রে। জি.ই.এম.না খোংথাং অসি মেক ইন ইন্দিয়া অমসুং আত্মানির্ভর ভারত খুমাং চাউশিলহন্নবা হায়দুনা পায়খৎপনি।

জি.ই.এম.না য়াওরিবা পোৎশিং অদুদা লৈবাক্কী ওইবা পোত্থোক চাদা কয়াম্না য়াওই খংনবা পথাপ অমসু হাপ্পি। মসিগী অনৌবা মওং অসিগী মতুং ইন্না হৌরকফম ওইরিবা লৈবাক অমসুং লোকেলগী পোত্থোকশিংগী চাদা ওইবা মশিং অসি মার্কেৎপ্লেস্তা উবা ফংলে। হেন্না মরু ওইবা অমা ওইনা পোর্তেল অসিদা ‘মেক ইন ইন্দিয়া’গী ফিলতর অমসু হাপ্লে। লৈনিংবশিংনা লোকেলগী পোত্থোক ৫০% য়াওবা খক্তমক খল্লগা অপাম্বা পোৎ লৈবসু হৌজিক্তি য়ারগনি। বিদ তৌবগী মতাংদনা, লৈনিংবশিংনা ক্লাস ১ লোকেল সপ্লাইয়র (লোকেলগী পোত্থোক >৫০%)গী বিদ অমা হেক্তা খাকপা য়ারগনি। লুপা কোতি ২০০গী মখাদা লৈবা বিদশিংগীনা ক্লাস ১ অমসুং ক্লাস ২ লোকেল সপ্লাইয়র (মথংশিৎনা লোকেলগী পোত্থোক >৫০% অমসুং >২০%)দা বিদ তৌবা য়াগনি অমসুং ক্লাস ১গী সপ্লাইয়রদগী হান্না লৈবগী খুদোংচাবা ফংগনি। জি.ই.এম. পোর্তেলদা য়াওরিবা লোকেল কন্তেন্ত ফীচরগী স্নেপশোৎ খরা এনেক্সরদা উবা ফংগনি।

জি.ই.এম. অসি হেক হৌরকপদগী ‘মেক ইন ইন্দিয়া’ খুমাং চাউশিলহন্নবা হোৎনদুনা লাক্লি। মার্কেৎপ্লেস অসিনা ‘মেক ইন ইন্দিয়া’ ওমসুং সরকারগী এম.এস.ই. পরচেস প্রিফরেন্স পোলিসীশিং অসি অশেংবা ওইনা থবক ওইনা পাংথোকপদা নত্তনা অপিকপা লোকেলগী পোৎ য়োনবশিং অসি পব্লিক প্রোক্যুরমেন্ততা য়াওহন্দুনা লাক্লি। সরকারনা কোবিদ-১৯গী লায়চৎ থেংনবগী পোৎচৈশিং অমসুং সেবা কয়াগী তঙাইফদবা লৈবা মতমদসু জি.ই.এম.না অথুবা, ময়েক লাবা অমসুং শেল য়াম্না চংদনা মীয়ামদগী পোত্থোকশিং লৈদুনা লাক্লি। সরকারগী শিজিন্ননবা লৈরিবশিং অসিনা জি.ই.এম.দগী পোৎ লৈবা অসি শেলথুম মন্ত্রালয়না জেনেরেল ফাইনেন্সিএল রুলস, ২০১৭দা অনৌবা রুল মশিং-১৪৯ হাপচিন্দুনা অয়াবা পীবতা নত্তনা তঙাই ফদবসু ওইহনখ্রে।

এনেক্সর