কেমিকেল্স অমসুং ফর্তিলাইজর মন্ত্রালয়

ভারতকী খ্বাইদগী চাউবা অহানবা ভর্চুএল হেল্থকিয়ার অমসুং হাইজিন এক্সপো ২০২০ মন্দাবিয়ানা হৌদোকখ্রে

নুমিৎ ৫গী এক্সপো অদু অয়ুস, মেদিকেলগী খুৎলায়শিং, মেদিকেল তেক্সতাইলশিং অমসুং পোৎলমশিং, হিদাক-লাংথকশিং অমসুং হাইজিন অমসুং সেনিতেসনদা য়ুম্ফম ওইরি

Posted On: 22 JUN 2020 4:05PM by PIB Imphal

ঙসি সিপ্পিং(মনিংতম্বা), কেমিকেলস অমসুং ফর্তিলাইজরগী রাজ্য মন্ত্রী মনসুখ মন্দাবিয়ানা ভারতকী খ্বাইদগী চাউবা অহানবা ভর্চুএল হেল্থকিয়ার অমসুং হাইজিন এক্সপো ২০২০ হৌদোকখ্রে । এক্সপো অদু এফ.আই.সি.সি.আইনা শীনবনি ।

ভর্চুএল ওইনা হৌদোকখিবা থৌরম অদু নুমিৎ খুদিংগী ২০২০গী জুন ২২দগী ২৬ ফাওবা লাইভ থাগনি । ভর্চুএল এক্সপো অদুদা ঝান্সিগী এম.পি অনুরাগ শর্মা, অয়ুস কমিতিগী চেয়রমেন দোক্তর সঙ্গিতা রেদ্দি, এফ.আই.সি.সি.আইগী প্রসিদেন্ত পি.ভি সিন্ধু, মশক নাইবা শানরোইশিং, এফ.আই.সি.সি.আই মেদিকেল দিভাইস ফোরমগী চেয়রমেন বাধরি আইয়েঙ্গর অমসুং ইন্দস্ত্রিগী মীহুৎশিং শরুক য়াখি

অনৌবা খঙহৌ অমগীদমক মসি ভারত্তা অহানবা ওইনা পাংথোকপা ভর্চুএল একজিবিসন অমনি । অনৌবা মওং অসিদা দিজিতেল ইন্দিয়া চাউখৎলকপা ওইনা ললোন-ইতিক্কী থবকশিং ভর্চুএল ওইনা পাংথোক্কনি । 

থৌরম অদুদা মিনিস্তরনা হায়খি লৈবাক অসিদা অয়ুস, মেদিকেলগী খুৎলায়শিং, মেদিকেল তেক্সতাইলশিং অমসুং পোৎলমশিং, হিদাক-লাংথকশিং অমসুং হাইজিন অমসুং সেনিতেসনগী পোৎচৈশিং পুথোক্তুনা মশা-মরোমদোম লেপচবা ভারত অমা ওইহন্না ফিবম শেমগৎলে । মসিনা ঐখোয়না কোবিদ-১৯ লাইচৎ থেংনবদা হেন্না খুদোংচাহল্লগনি । ২০১৪দগী প্রধান মন্ত্রীনা লাউথোকখিবা থৌরাংশিংগী মখাদা য়ুম খুদিংদা তোইলেতশিং ফংহল্লে, অয়ুস্মান ভারতকী মখাদা ইমুং ক্রোর ১০ অনা-লায়েংগী কান্নবা ফংলে, শ্বাছ ভারত অভিয়ান , সুবিধা সেনিতরি নেপকিনগী খুদোংচাবশিং ফংহল্লে । জন ঔসাদি কেন্দ্রশিংদা অফবা হিদাকশিং অহোংবা মমলদা ফংহল্লে । হায়রিবা থবকশিং অসি নরেন্দ্র মোদী সরকারনা অকনবা পান্দম অমগা লোয়ননা থবক পায়খৎপদগী পাংথোকপা ঙম্বনি । 

মিনিস্তরনা হায়খি , নুপীশিংগী হকশেল মরুওইনা লৌদুনা থবক কয়া পায়খৎলে । জন ঔসাদি কেন্দ্রশিংদা “সুবিধা সেনিতরি” নেপকিন পেদ অমদা লুপা ১দা ফংহল্লে । অসিগুম্বা থবকশিং অসিনা লৈবাক অসিগী নুপীশিং লু-নান্না লৈবা ঙমহল্লে । কনাগুম্বা অমনা হকচাং ফনা লৈনবা চাং নাইনা শাজেল তৌগদবনি । 

মহাক্না হায়খি ভারত্তা ব্লক দ্রগ পার্ক অমসুং মেদিকেল দিভাইস পার্ক শানবা হন্দক সরকারনা থৌশিল অমা লাউথোকখ্রে । ইকুইতি পুথোক্তুনা লনাই কম্পেনিশিংনা ভারত্তা অসিগুম্বা পার্কশিং লিংখৎপা পামলবদি মতেং পাংনবা সরকারনা থৌরাং তৌদুনা লৈরি । অসিগুম্বা লাউথোকশিং অসিনা প্রধান মন্ত্রীনা লাউথোকখিবা #Atmanirbharat Abhiyanগী খোঙজেল য়াংখৎহনগনি । 

মিনিস্তরনা হায়খি দোক্তর, নর্সশিং, পুলিস অমসুং মীয়াম্না মাংজিল থাদুনা পায়খৎলিবা থবকশিং অসি থাগৎলি । শিংনবা অসি খুদোংচাবা অমা ওন্থোক্লিবা মেনুফেকচরিং ইন্দস্ত্রিশিং থাগৎলি । মখোয়না পি.পি.ই কিতশিং, মাক্সশিং, ভেন্তিলেতরশিং অমসুং খুৎলায় কয়া পুথোক্লে । ভারতকী কোরপোরেতশিংনা সরকার অসি শৌগৎলি । 

মহাক্না হায়খি কোরোনাভাইরস লাকশিন্নবা সরকারনা পায়খৎলিবা থবকশিং অসিদা মহৌশাদগী লৈরক্লবা হিদাক-লাংথকশিংনা মরুওইবা থৌদাং অমা লৌরি ।

******

 



(Release ID: 1633361) Visitor Counter : 7